ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ່ານນາງ ຄລິນຕັນ ກ່າວວ່າ ທ່ານນາງໃຊ້ Emails ເພື່ອ ຄວາມສະດວກສະບາຍ


ທ່ານນາງ Hillary Rodham Clinton ກ່າວຕໍ່ບັນດານັກຂ່າວ ທີ່ສຳນັກງານໃຫຍ່ສະຫະປະຊາຊາດ ທີ່ນີວຢອກ ວັນທີ 10 ມີນາ 2015.
ທ່ານນາງ Hillary Rodham Clinton ກ່າວຕໍ່ບັນດານັກຂ່າວ ທີ່ສຳນັກງານໃຫຍ່ສະຫະປະຊາຊາດ ທີ່ນີວຢອກ ວັນທີ 10 ມີນາ 2015.

ອະດີດ​ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ​ນາງ
Hillary Clinton ກ່າວ​ໃນ​ວັນ​ອັງຄານ​ວານ​ນີ້​ວ່າ ມັນ​ອາດ
​ຈະ​ດີກ​ວ່າ​ຖ້າໃຊ້ e-mails 2 ອັນ ​ເວລາ​ທ່ານ​ນາງ​ເປັນ​ລັດ
ຖະມົນຕີ​ການ​ຕ່າງປະ​ເທດ​ນັ້ນ ​ແຕ່ກໍ​ກ່າວ​ວ່າທ່ານ​ນາງ​ບໍ່​ໄດ້
​ເຮັດ​ຫຍັງ​ຜິດ.

ຖ້ອຍ​ຖະ​ແຫຼ​ງ​ເຫຼົ່າ​ນີ້ເປັນ​ການສະ​ແດງ​ຄວາມ​ຄິດ​ເຫັນ​ຕໍ່​ປະ
ຊາຊົນ​ຄັ້ງ​ທຳ​ອິດ ຂອງ​ທ່ານ​ນາງ ​ຫລັງຈາກໜັງສືພິມ New
York Times ລາຍງານວ່າ​ທ່ານ​ນາງ​ໃຊ້ e-mail ​ສ່ວນ​ໂຕ​
ສຳລັບ​ການ​ຄົມມະນາຄົມ​ຕິດ​ຕໍ່ວຽກງານທາງ​ການ ​ແທນ​ທີ່​
ຈະ​ໃຊ້​ e-mail ​ຂອງ​ລັດຖະບານ​ນັ້ນ.

ພວກ​ທີ່​ຕຳ​ໜິຕິຕຽນ ກ່າວ​ຫາ​ທ່ານ​ນາງ​ວ່າ ພະຍາຍາມ​ປິດບັງ​ການ​ຄົມມະ​ນາ​ຄົນ​ມຕິດ​ຕໍ່
​ທີ່​ເປັນ​ບັນຫາ​ໂຕ້​ແຍ້​ງກັນ​ນັ້ນ​ໄວ້ຮວມທັງ​ການ​ຕິດ​ຕໍ່ຕ່າງໆ​ທີ່​ພົວພັນ​ກັບ​ການ​ໂຈມ​ຕີ​ຂອງ​
ພວກ​ກໍ່​ການ​ຮ້າຍ​ທີ່​ມີ​ຜູ້​ຄົນ​ເສຍ​ຊີ​ວິດ ທີ່​ສະຖານກົງສູນ​ສະຫະລັດ ຢູ່​ເມືອງ Benghazi
ຂອງ​ລີ​ເບຍ​ນັ້ນ​ນຳ.

ທ່ານ​ນາງຄລິນ​ຕັນ ກ່າວ​ໃນ​ວັນ​ອັງຄານ​ວານ​ນີ້​ວ່າ ທ່ານ​ນາງ​ໃຊ້ e-mail ພຽງ​ອັນ​ດຽວ​ສຳ
ລັບ “ຄວາມ​ສະດວກ​ສະບາຍ” ​ໂດຍ​ກ່າວ​ວ່າ ທ່ານ​ນາງ​ບໍ່​ຢາກ​ໃຊ້ e-mail 2 ອັນ​ຕ່າງ​ກັນ.

ທ່ານນາງກ່າວວ່າ “​ເວລາ​ເບິ່ງ​ຄືນ​ຫຼັງແລ້ວ ມັນ​ຈະ​ດີກ​ວ່າ​ຖ້າ​ຂ້າພະ​ເຈົ້າ​ໃຊ້ e-mail
ອັນ​ທີ​ສອງແລະ​ຖື​ໂທລະສັບ​ອັນ​ທີ​ສອງ ​ແຕ່​ເວລາ​ນັ້ນ ປາ​ກົດ​ວ່າ ມັນ​ບໍ່ໄດ້​ເປັນບັນ
ຫາ​ໃດໆ.”

ທ່ານ​ນາງຄລິນ​ຕັນ ກ່າວຕື່ມ​ວ່າ “ມັນ​ບໍ່​ເປັນ​ບັນຫາ​ໂຕ້​ແຍ້​ງ​ໃດໆ” ທີ່​ກົດ​ລະບຽບຕ່າງໆ​ຂອງ​ກະຊວງ​ການ​ຕ່າງປະ​ເທດ ອະນຸມັດ​ໃຫ້​ທ່ານ​ນາງ​ໃຊ້​ e-mail ອັນ​ດຽວໄດ້.

ທ່ານ​ນາງ​ກ່າວ​ຕື່ມ​ວ່າ ​ເວລາ​ທ່ານ​ນາງ​ລາ​ອອກ​ຈາກ​ຕຳ​ແໜ່​ງ ທ່ານ​ນາງ ໄດ້​ມອບ e-mails ທີ່​ພົວພັນ​ກັບ​ວຽກ​ການ​ຂອງ​ທ່ານ​ນາງ 55 ພັນ​ໜ້າ​ເຈ້ຍ​ໃຫ້ແກ່​ກະຊວງ​ການ​ຕ່າງປະ​ເທດ​ແລະ​ກ່າວ​ຕື່ມ​ວ່າ ພວກ e-mails ເຫຼົ່າ​ນີ້ ທີ່ບໍ່​ຖືກ​ຈັດ​ເປັນຄວາມ​ລັບ ​ຊຶ່ງໃນ​ຂັ້ນ​ຕໍ່​ໄປ ​ຈະ​ຖືກ​ເປີດ​ເຜີຍ​ໃຫ້​ປະຊາຊົນ​ຮູ້.

ທ່ານ​ນາງຄລິນ​ຕັນ ກ່າວ​ຕໍ່​ບັນດາ​ນັກ​ຂ່າວ​ວ່າ ທ່ານ​ນາງ​ໄດ້​ລືບ​ຂໍ້ຄວາມ ຕ່າງໆ​ຫລາຍ​ພັນ​ໜ້າ​ທີ່​ພົວພັນ​ກັບ​ເລື້ອງ​ສ່ວນ​ຕົວ ​ເຊັ່ນ​ແຜນການ​ຕ່າງໆ​ສຳລັບ​ການ​ແຕ່​ງານ​ຂອງ​ລູກ​ສາວ​ຂອງ​ທ່ານ​ນາງ ​ແລະ​ການຈັດ​ພິທີ​ສົ່ງ ສະການ​ສຳລັບ​ມື້​ລາງ​ ຍາ​ແມ່​ຂອງ​ທ່ານ​ນາງ ຊຶ່ງເປັນ e-mail ທີ່​ທ່ານ​ນາງ​ເວົ້າ​ວ່າ ບໍ່​ກຸ້ມ​ຄ່າ​ທີ່​ຈະ​ຮັກສາ​ໄວ້.

​ເຖິງ​ແມ່ນວ່າທ່ານ​ນາງ​ຍັງ​ບໍ່​ທັນ​ໄດ້​ປະກາດແຜນການ​ຂອງ​ທ່ານ​ນາງໃຫ້​ຮູ້​ຢ່າງ​ເປັນ​ທາງ​ການ​ເທື່ອກໍຕາມ ແຕ່ກໍຄາດກັນ​ວ່າ​ ທ່ານ​ນາງຄລິນ​ຕັນ​ຈະ​ລົງສະໝັກເພື່ອ​ໃຫ້​ໄດ້​ຖືກ​ເລືອກ​ເປັນ​ຜູ້ເຂົ້າແຂ່ງຂັນເອົາຕຳແໜ່ງ​ປະທານາທິບໍດີ​ສະຫະລັດສັງກັດ​ພັກ​ເດ​ໂມ​ແກ​ຣັດ
​ໃນ​ປີໜ້າ​ນັ້ນ.

Clinton: Opted to Use Personal E-mail Account 'For Convenience'
please wait

No media source currently available

0:00 0:02:52 0:00

XS
SM
MD
LG