ລິ້ງ ສຳຫລັບເຂົ້າຫາ

ວັນເສົາ, ໐໒ ທັນວາ ໒໐໒໓

​ອັຟກາ​ນິສຖານ ສັ່ງເນລະເທດ ນັກຂ່າວ ໜັງສືພິມ New York Times (ວີດີໂອ)


ນັກຂ່າວ ຂອງ 'New York Times' ທ່ານ Matthew Rosenberg ອາຍຸ 40 ປີ ໄດ້ກ່າວໃນການໃຫ້ສຳພາດຢູ່ນະຄອນຫລວງ Kabul ປະເທດອັຟການິສະຖານ, ວັນທີ 20 ສິງຫາ 2014.
ນັກຂ່າວ ຂອງ 'New York Times' ທ່ານ Matthew Rosenberg ອາຍຸ 40 ປີ ໄດ້ກ່າວໃນການໃຫ້ສຳພາດຢູ່ນະຄອນຫລວງ Kabul ປະເທດອັຟການິສະຖານ, ວັນທີ 20 ສິງຫາ 2014.

ອະທິໄອ​ຍະ​ການ​ຂອງ​ອັຟກາ​ນິສຖານ ​ໄດ້​ສັ່ງ​ໃຫ້​ນັກ​ຂ່າວ​ຂອງ
ໜັງສືພິມ New York Times ​ອອກ​ຈາກ​ປະ​ເທດ ຫຼັງຈາກ​ທີ່​
ໜັງສືພິມ​ດັ່ງກ່າວ ​ໄດ້​ລົງ​ຂ່າວ​ເລື່ອງນຶ່ງ​ວ່າ ​ມີ​ບັນດາ​ເຈົ້າໜ້າ​ທີ່ໆ
ມີອິດທິພົນ​ໃນ​ລັດຖະບານ​ ຂົ່ມຂູ່​ຈະ​ຢຶດ​ເອົາ​ອຳ​ນາດ​ເພື່ອທັບມ້າງ
ສະພາບການບໍ່ໄປບໍ່ມາທາງດ້ານ ການເມືອງ ກ່ຽວກັບການ​ເລືອກ​
ຕັ້ງປະທານາທິບໍດີ ໃນປັດຈຸບັນນີ້.

​ໃນ​ຖະ​ແຫລ​ງຂ່າວສະບັບນຶ່ງ​ເມື່ອ​ວັນ​ພຸດ​ວາ​ນນີ້ ​ທຳນຽບອະທິ
ໄອ​ຍະການ​ຂອງ​ອັຟກາ​ນິສຖານ ກ່າວ​ວ່າ ທ່ານ Matthew
Rosenberg ຕ້ອງ​ອອກ​ຈາກ​ປະ​ເທດ ພາຍ​ໃນ 24 ຊົ່ວ​ໂມງ. ​ທ່ານ
Basir Azizi ໂຄສົກ​ຂອງອະທິໄອ​ຍະການ​ ກ່າວ​ວ່າ ຂ່າວ​ເລື່ອງ​ດັ່ງກ່າວ ​ແມ່ນ​ຂັດ ກັບ​ຜົນ​ປະ​ໂຫຍ​ດ​ຕ່າງໆແຫ່ງ​ຊາດ ​ແລະຄວາມ​ໝັ້ນຄົງ​ຂອງ​ປະ​ເທດ.

ກະຊວງ​ການ​ຕ່າງປະ​ເທດສະຫະລັດ​ໄດ້​ປະນາມ ຄຳ​ສັ່ງຂັບ​ໄລ່ດັ່ງກ່າວ ໂດຍເອີ້ນວ່າ
“​ເປັນ​ບາດ​ກ້າວ​ຖອຍຫຼັງທີ່​ສຳຄັນ ສຳ​ຫລັບ​ສິດ​ເສລີ​ພາບ​ດ້ານການຂ່າວ​ໃນ​
ອັຟກາ​ນິດສະຖານ.”

ໜັງ​ສື​ພິມ The New York Times ກ່າວ​ວ່າ ທ່ານ Rosenberg ​ໄດ້​ຖືກ​ຮຽກ​ຕົວໄປ
ສອບຖາມ ເມື່ອ​ວັນ​ອັງຄານ​ຜ່ານ​ມາ ​ໃນນະຄອນ ຫລວງກາ​ບູລ ​ແຕ່ໄດ້ປະຕິ​ເສດບໍ່
ຍອມລະບຸ​ຊື່ແຫຼ່ງຂ່າວ ​ໃນ​ລັດຖະບານ​ ທີ່​ລາວ​ໄດ້​ອ້າງ​ອິງ​ເຖິງ​ ໃນລາຍ​ງານຂອງລາວນັ້ນ.

ທ່ານ Rosenberg ກ່າວ​ວ່າ ລາວ ​ແລະ ໜັງສືພິມ​ The New York Times ໄດ້​ໃຫ້ຄວາມ​ຮ່ວມ​ໄມ້​ຮ່ວມ​ມື​ ຢ່າງ​ເຕັມ​ສ່ວນ ​ແລະ ​ໄດ້ສະ​ເໜີ​ແນະວ່າ ການ​ຂັບ​ໄລ່​ດັ່ງກ່າວ ມີຈຸດປະສົງທາງ​ການ​ເມືອງ.

AFGHANISTAN US JOURNALIST VOSOT
please wait

No media source currently available

0:00 0:01:33 0:00

XS
SM
MD
LG