ຮ້ານຂາຍຫຍ່ອຍໃຫຍ່ທີ່ສຸດໃນໂລກ ແລະເວັບໄຊທ໌ ທີ່ສັ່ງຊື້ສິນ
ຄ້າທາງອິນເຕີແນັດ ໄດ້ງົດຂາຍທຸງສະຫະພັນລັດພາກໃຕ້ ຫລື
Confederate Flag ໃນຂະນະທີ່ບັນດາສະມາຊິກສະພາ ທີ່
ສຳຄັນຢູ່ໃນຫລາຍລັດຊຸກຍູ້ໃຫ້ມີການຍ້າຍເອົາສັນຍາລັກຂອງ
ສະຫະພັນພາກໃຕ້ອອກ ຫລັງຈາກການຍິງກັນຕາຍໃນອາທິດ
ແລ້ວນີ້ ຢູ່ທີ່ໂບດເກົ່າແກ່ປະຫວັດສາດຂອງຊາວຜີວດຳ ຢູ່ທີ່ລັດ
South Carolina ທາງພາກໃຕ້ຂອງສະຫະລັດ.
ອົງການຂ່າວ Reuters ໄດ້ອ້າງຄຳເວົ້າໂຄສົກຍິງຄົນນຶ່ງ ຈາກ
ເວັບໄຊທ໌ Alibaba ຂອງຈີນ ທີ່ກ່າວໃນວັນພຸດມື້ນີ້ວ່າ ບໍລິສັດ
ດັ່ງກ່າວ ຈະຖອນວັດຖຸສິ່ງຂອງຕ່າງໆ ທີ່ມີຮູບທຸງສະຫະພັນລັດ
ພາກໃຕ້.
ການເຄື່ອນໄຫວດັ່ງກ່າວ ມີຂຶ້ນຫຼັງຈາກການປະກາດຂອງບັນດາບໍລິສັດອາເມຣິກັນທີ່ເປັນ ຄູ່ແຂ່ງ ເຊັ່ນ Amazon, Google, eBay, Wal-Mart ແລະ Sears ທີ່ກ່າວວ່າ ພວກເຂົາ ເຈົ້າຈະບໍ່ຂາຍຜະລິດຕະພັນ ທີ່ມີສັນຍາລັກສະໄໝສົງຄາມກາງເມືອງນັ້ນ ອີກຕໍ່ໄປແລ້ວ.
ລັດ South Carolina ໄດ້ກັບຄືນມາເນັ້ນໜັກໃສ່ຄວາມພະຍາຍາມລົບລ້າງອັນທີ່ໄດ້ເລີ້ມ
ເກີດຈາກ ທຸງຂອງບັນດາລັດພາກໃຕ້ທີ່ໄດ້ແຍກໂຕອອກ ໃນຕອນເລີ້ມສົງຄາມກາງເມືອງ
ຂອງປະເທດ ໃນປີ 1861 ແລະໄດ້ກາຍມາເປັນສັນຍາລັກຂອງພວກທີ່ບໍ່ເຫັນດີ ກັບການ
ເຄື່ອນໄຫວເພື່ອສິດທິພົນລະເມືອງ ໃນນຶ່ງສັດຕະວັດຕໍ່ມາ.
