ຊາວພູຖານ ລໍຖ້າຟັງ ຜົນການເລືອກຕັ້ງ ສະພາແຫ່ງຊາດ

ບັນດາ​ຜູ້​ປ່ອນ​ບັດ​ຢູ່​ພູ​ຖານ ກໍາລັງ​ລໍຖ້າຟັງຜົນ​ການ​ເລືອກ​ຕັ້ງ
ຫລັງ​ຈາກປະເທດທີ່ຕັ້ງຢູ່ເທິງພູຫິມະໄລດັ່ງກ່າວ ໄດ້ຈັດໃຫ້ມີ ການປ່ອນບັດລົງຄະແນນສຽງແບບ​ປະຊາທິປະ​ໄຕ ​ເປັນພຽງ
ແຕ່​ເທື່ອ​ທີ​ສອງເທົ່າ​ນັ້ນ ນັບຕັ້ງ​ແຕ່ກະສັດ​ທີ່​ປົກຄອງ​ປະ​ເທດ
ມາ​ເປັນເວລາ​ນຶ່ງ​ສັດຕະວັດ ໄດ້​ສະລະອໍານາດ ​ໃນ​ປີ 2008.

ຜົນ​ການ​ປ່ອນ​ບັດເລືອກ​ຕັ້ງ​ຮອບທໍາ​ອິດ ຊຶ່ງ​ມີ​ຂຶ້ນ​ໃນ​ວັນ​ສຸກ​
ວານ​ນີ້ຈະຊີ້ຂາດວ່າ ຈະ​ເປັນ ສອງ​ພັກ​ໃດ ໃນ​ຈໍານວນ​ທັງ​ໝົດ
ສີ່​ພັກ​ທີ່ເຂົ້າແຂ່ງຂັນນັ້ນຈະ​ໄດ້​ເຂົ້າ​ຮ່ວມການ​ປ່ອນ​ບັດ​ຮອບ ​
ສອງ ຊຶ່ງ​ຈະ​ມີ​ຂຶ້ນ​ໃນ​ເດືອນ​ໜ້າ ​ເພື່ອ​ແຂ່ງ​ເອົາ​ບ່ອນ​ນັ່ງ​ໃນ​ສະ
ພາ​ແຫ່ງ​ຊາດທີ່​ມີ​ທັງ​ໝົດ 47 ບ່ອນ. ຜົນການ​ນັບ​ຄະ​ແນນສຽງ
ຂັ້ນສຸດ​ທ້າຍ ຄາດວ່າ​ຈະ​ຮູ້​ກັນ ​ໃນ​ວັນ​ເສົາ​ມື້​ນີ້.

ກ່ອນ​ໜ້າການ​ປ່ອນ​ບັດ ນັກວິ​ເຄາະຄໍານວນ​ໄວ້​ວ່າ ພັກ DPT
ທີ່​ເປັນກາງ​ອຽງ​ຂວາຂອງທ່ານ Druk Pheunsum Tshogpa
ທີ່​ໄດ້​ປົກຄອງປະ​ເທດ​ມາ​ເປັນ​ເວລາ 5 ປີ​ນັ້ນ​ຈ​ະ​ເປັນ​ຜູ້ມີ​ຄະ​ແນນ​ສຽງນຳ​ໜ້າ. ​ໃນ​ຕອນ​ແລງວານ​ນີ້ ອົງການ​ຂ່າວ​ຝຣັ່ງ​ໄດ້​ຄຳ​ເວົ້າຂອງ​ບັນດາ​ເຈົ້າ​ໜ້າ​ທີ່ ທີ່​ກ່າວ​ວ່າ ພັກ DPT ​ໄດ້​ຮັບຄະ​ແນນ​ສຽງ 45 ​ເປີ​ເຊັນຂອງ​ບັດຄະ​ແນນ​ສຽງທັງ ໝົດ ຊຶ່ງ​ມີ​ຂຶ້ນ​ໃນ​ລະດູຝົນ​ນັ້ນ. ບັນດາ​ເຈົ້າ​ໜ້າ​ທີ່​ຄາດວ່າມີ​ຜູ້​ໄປ​ປ່ອນ​ບັດ 55 ​ເປີ​ເຊັນຂອງຜູ້​ ຈົດ​ທະບຽນ​ປ່ອນ​ບັດ​ທັງ​ໝົດ​ໃນ​ປະ​ເທດ ທີ່​ມີ​ເກືອບ 382,000 ຄົນ.

ພູ​ຖານ ​ຊຶ່ງເປັນ​ປະ​ເທດ​ທີ່​ຄົນ​ສ່ວນ​ໃຫຍ່ນັບຖື​ສາສະໜາ​ພຸດ ຕັ້ງ​ຢູ່​ລະຫວ່າງ​ພາ​ກ​ເໜືອ​ຂອງ​ອິນ​ເດຍແລະ​ຈີນນັ້ນ​ແມ່ນ​ເປັນ​ປະ​ເທດ​ດຽວໃນ​ໂລກ​ທີ່ດຳ​ເນີ​ນນະ​ໂຍບາຍ​ຢ່າງເປັນ​ທາງ​ການ ​ແນ​ໃສ່ເພື່ອ​ສ້າງ “ຄວາມ​ເພິງ​ພໍ​ໃຈໃຫ້​ແກ່​ປະຊາຊົນ​ໃນ​ຊາດ” ຊຶ່ງ​ເປັນ​ແບບ​ແຜນການ​ພັດທະ ນາ​ໂຕ​ຢ່າງ​ ທີ່​ຊອກ​ຫາຊ່ອງ​ວັດ​ແທກຄວາມ​ເພິ​ງພໍ​ໃຈທາງ​ດ້ານ​ຈິດ​ໃຈພ້ອມ​ທັງດ້ນ​ວັດ​ຖຸກ່ຽວ ການ​ເປັນ​ຢູ່​ຂອງ​ປະຊາ​ຊົນ.