ບັນດາເຈົ້າໜ້າທີ່ສາທາລະນະສຸກສະຫະລັດ ກ່າວວ່າ ຢ່າງ
ໜ້ອຍປະຊາຊົນ 4 ຄົນເສຍຊີວິດ ຫລັງຈາກຕິດເຊື້ອໄວຣັສ
ໃນຫລອດລົມຫາຍໃຈຢ່າງຮ້າຍແຮງ ທີ່ໄດ້ລະບາດໄປຍັງ
ທົ່ວປະເທດນັ້ນ.
ບັນດາເຈົ້າໜ້າທີ່ຈາກສູນຄວບຄຸມ ແລະປ້ອງກັນພະຍາດ
ສະຫະລັດ ກ່າວໃນວັນພຸດວານນີ້ວ່າ ຍັງບໍ່ເປັນທີ່ຈະແຈ້ງ
ເທື່ອວ່າ ບົດບາດຂອງເຊື້ອໄວຣັສທີ່ຮູ້ກັນວ່າ enterovirus
68 ມີບົດບາດແນວໃດນຳການ ເສຍຊີວິດຂອງພວກຜູ້ຄົນ
ເຫລົ່ານີ້ ຮວມທັງ ເດັກນ້ອຍແມ່ຍິງຄົນນຶ່ງ ໄວ 10 ຂວບ ທີ່
ໄດ້ເສຍຊີວິດໄປໃນສັບປະດາແລ້ວນີ້ໃນລັດ Rhode Is-
lands ທາງພາກຕາເວັນອອກສຽງເໜືອຂອງສະຫະລັດ.
ສູນຄວບຄຸມພະຍາດ CDC ຂອງສະຫະລັດ ກ່າວວ່າ ຢ່າງໜ້ອຍປະຊາຊົນ 500 ຄົນໃນ 42 ລັດ ແລະໃນນະຄອນຫລວງວໍຊິງຕັນໄດ້ລົ້ມປ່ວຍຍ້ອນເຊື້ອໄວຣັສ EV-68 ຊຶ່ງສ່ວນ
ຫລ່າຍແມ່ນພວກເດັກນ້ອຍ. EV-68 ເປັນເຊື້ອໄວຣັສທີ່ເກີດຂຶ້ນໂດຍທົ່ວໄປ ແຕ່ບັນດາເຈົ້າໜ້າທີ່ສາທາກ່າວວ່າ ຈຳນວນຜູ້ຄົນທີ່ໄດ້ຮັບການຢືນຢັນວ່າຕິດເຊື້ອພະຍາດດັ່ງກ່າວໃນປີນີ້ ແມ່ນສູງກວ່າທຳມະດາ.
ເວລານີ້ ບັນດາເຈົ້າໜ້າທີ່ກຳລັງທຳການສືບສວນສອບສວນການ ພົວພັນທີ່ເປັນໄປໄດ້ຂອງເຊື້ອໄວຣັສດັ່ງກ່າວ ກັບພວກເດັກນ້ອຍໃນເມືອງ Denver ລັດ Colorado ທີ່ໄດ້ເປັນອຳມະພາດຫລືກ້ອນຊີ້ນອ່ອນແອລົງນັ້ນ.
ໄວຣັສດັ່ງກ່າວ ເຮັດໃຫ້ເປັນໄຂ້ ໄອ ແລະອາການອື່ນໆ ແລະສາມາດພາໃຫ້ເກີດບັນຫາຫາຍໃຈທີ່ຮ້າຍແຮງໄດ້ ໂດຍສະເພາະກັບພວກຜູ້ຄົນ ທີ່ເປັນໂຣກຫືດນັ້ນ.
