ລິ້ງ ສຳຫລັບເຂົ້າຫາ

ພວກນັກຄົ້ນຄວ້າ ເອີ້ນຂີດໝາຍ ຄວາມທຸກຍາກ ຂອງ ທະນາຄານໂລກ ຕ່ຳໂພດ


ປະທານທະນາຄານໂລກ ທ່ານ Jim Yong Kim ກ່າວຕໍ່ຝູງຊົນ ໃນລະຫວ່າງການປຸກລະດົມ ເພື່ອຍຸດຕິ ຄວາມທຸກຍາກ ພາຍໃນປີ 2030 ທີ່ວໍຊິງຕັນ (10 ເມສາ 2014)
ການຄົ້ນຄວ້າຄັ້ງໃໝ່ ສະແດງໃຫ້ເຫັນວ່າ ໂຕເລກຄວາມທຸກ
ຍາກຂອງໂລກ ທີ່ທະນາຄານໂລກກຳນົດໄວ້ວ່າເປັນພວກທີ່
ດຳລົງຊີວິດ ຫລືມີລາຍໄດ້ ຕ່ຳກວ່າ 1 ໂດລາກັບ 25 ຕໍ່ມື້ນັ້ນ
ອາດຈະປະເມີນຕ່ຳກວ່າຄວາມເປັນຈິງ ເຖິງນຶ່ງສ່ວນສາມ.

ໂຕເລກດັ່ງກ່າວຂອງທະນາຄານໂລກແມ່ນໄດ້ມີການນຳໃຊ້
ກັນຢ່າງກວ້າງຂວາງ ແລະມີບົດບາດສຳຄັນໃນຍຸດທະສາດ
ຂອງໂລກ ເພື່ອຫຼຸດຜ່ອນຄວາມທຸກຍາກລົງ. ແຕ່ພວກຕຳໜິ
ຕິຕຽນໂຕ້ແຍ້ງວ່າມາດຕະຖານຄວາມທຸກຍາກ 1 ໂດລາຕໍ່ມື້ ນີ້ແມ່ນກຳນົດຂຶ້ນແບບບໍ່ມີກົດເກນຕາມລຳພັງຫຼາຍເກີນໄປ
ໂພດໂດຍບໍ່ໄດ້ພິຈາລະນາເບິ່ງຄວາມຈຳເປັນຂັ້ນພື້ນຖານອື່ນໆຂອງມະນຸດເລີຍ.

ພວກນັກຄົ້ນຄວ້າ ທີີ່ມະຫາວິທະຍາໄລ Bristol ໄດ້ສຶກສາເບິ່ງເລື່ອງບ່ອນພັກພາອາໄສ ສຸຂາພິບານ ນ້ຳ ໂພຊະນາການ ສຸຂະພາບ ແລະການສຶກສາຂອງພວກ ທີ່ອາໄສຢູ່ເທິງ
ເກາະ Vanuatu ທີ່ຕັ້ງຢູ່ໃນເຂດມະຫາສະມຸດປາຊີຟິກ ຊຶ່ງສ່ວນໃຫຍ່ແລ້ວ ເປັນຊົນນະ ບົດນັ້ນ. ພວກເຂົາເຈົ້າເອີ້ນມາດຕະຖານ ຄວາມທຸກຍາກວ່າ ເປັນສິ່ງທີ່ດີງາມ ມີຄວາມ ຫວັງຍ້ອນຂໍ້ມູນບາງຢ່າງທີ່ພວກເຂົາເຈົ້າໄດ້ພົບເຫັນນັ້ນ.

ອີງຕາມການຄົ້ນຄວ້າດັ່ງກ່າວນີ້ 5 ເປີເຊັນຂອງພວກເດັກນ້ອຍທັງໝົດທີ່ເກາະ Vanuatu ແມ່ນດຳລົງຊີວິດຢູ່ດ້ວຍຄວາມທຸກຍາກຕາມທີ່ໄດ້ກຳນົດໄວ້ໂດຍທະນາຄານໂລກແຕ່ 17 ເປີເຊັນ ແມ່ນດຳລົງຊີວິດຢູ່ພາຍໃຕ້ຄວາມທຸກຍາກ ທີ່ກຳນົດໂດຍເກນມາດຕະຖານແຫ່ງ
ຊາດໃນດ້ານອາຫານແລະຄວາມຕ້ອງການຈຳເປັນຂັ້ນພື້ນຖານອື່ນໆ. ພວກນັກຄົ້ນຄວ້າ ເວົ້າວ່າ ລະດັບຄວາມທຸກຍາກທີ່ແທ້ຈິງຊຶ່ງເປັນລະດັບທີ່ຜູ້ຄົນບໍ່ໄດ້ຮັບຫລືຂາດຄວາມຈຳ
ເປັນຂັ້ນພື້ນຖານຂອງມະນຸດ 2 ຢ່າງຫລືຫຼາຍກວ່ານັ້ນຂຶ້ນໄປ ແມ່ນມີຜົນກະທົບຕໍ່ 16 ເປີ ເຊັນຂອງພວກເດັກນ້ອຍ ທີ່ເກາະ Vanuatu. ການສຶກສາທີ່ວ່ານີ້ ໄດ້ພິມເຜີຍແຜ່ໂດຍ ວາ
ລະສານສັງຄົມວິທະຍາ.

ການພົບເຫັນທີ່ວ່ານີ້ແມ່ນໄດ້ທ້າທາຍຕໍ່ລະດັບການວັດແທກຄວາມທຸກຍາກ 1 ໂດລາກັບ
25 ເຊັນຊຶ່ງໄດ້ມີການນຳໃຊ້ເພື່ອຕິດຕາມເບິ່ງຄວາມກ້າວໜ້າຂອງປະເທດຕ່າງໆໃນການ ບັນລຸເປົ້າໝາຍການພັດທະນາສະຫັດສະວັດ ຂອງອົງການສະຫະປະຊາຊາດ. ເປົ້າໝາຍ ດັ່ງກ່າວແມ່ນຮວມທັງຫລຸດຈຳນວນພວກທີ່ດຳລົງຊີວິດຢູ່ດ້ວຍຄວາມທຸກຍາກ ແລະຄວາມ ອຶດຢາກຢ່າງຮ້າຍແຮງ ລົງເຄິ່ງນຶ່ງ ພາຍໃນປີ 2015.
XS
SM
MD
LG