ເຈົ້າໜ້າທີ່ເມັກຊິໂກ ກ່າວວ່າ ຈຳນວນຜູ້ເສຍຊີວິດ ຈາກແຜ່ນດິນໄຫວທີ່ມີຄວາມແຮງ
7.1 ໄດ້ເພີ້ມຂຶ້ນເປັນ 286 ຄົນແລ້ວ ແຕ່ໂຕເລກ ຜູ້ເສຍຊີວິດ ຍັງຄາດວ່າ ຈະເພີ້ມຂຶ້ນ
ຕື່ມ ໃນຂະນະທີ່ຍັງມີຜູ້ຄົນອີກຈຳນວນນຶ່ງ ຫາຍສາບສູນຢູ່.
ຄະນະກູ້ໄພໃນເຂດພາກກາງຂອງເມັກຊິໂກໄດ້ເຮັດວຽກຕະຫຼອດ 24 ຊົ່ວໂມງຢູ່ຕາມ
ຕຶກອາຄານທີ່ພັງລົງມາ ນັບແຕ່ເລີ້ມມີການຊອກຫາ ຜູ້ທີ່ລອດຊີວິດມາໄດ້.
ປະທານາທິບໍດີ Enrique Pena Nieto ໄດ້ປະກາດໄວ້ທຸກ ຢູ່ໃນທົ່ວປະເທດ ໃຫ້ແກ່
ພວກທີ່ເສຍຊີວິດ ເປັນເວລາ 3 ມື້.
ທ່ານໄດ້ກ່າວຊົມເຊີຍ ການຮັບມືຢ່າງວ່ອງໄວຂອງຊາວເມັກຊິໂກຕໍ່ເຫດແຜ່ນດິນໄຫວ
ໃນຂະນະທີ່ກ່າວຢ້ຳເຖິງບູລິມະສິດ ທີ່ຍັງຂວາງໜ້າຢູ່ ກໍຄື ການຊ່ອຍຊີວິດແລະຈັດສົ່ງ
ການປິ່ນປົວທາງການແພດໄປໃຫ້ຜູ້ຄົນທີ່ຕ້ອງການ.
ທ່ານ Pena Nieto ກ່າວວ່າ “ຂ້າພະເຈົ້າຕ້ອງໄດ້ຮັບຮູ້ ພວກອາສາສະໝັກທີ່ໄດ້ໃຫ້
ການຊ່ອຍເຫລືອແບບບໍ່ມີເງື່ອນໄຂໃດໆຕໍ່ພວກທີ່ຕ້ອງການນັ້ນ.”
ທຳນຽບປະທານາທິບໍດີ ໃນນຳອອກເຜີຍແຜ່ທາງ Twitter ຊຶ່ງຮວມທັງວີດີໂອທີ່ສະ
ແດງໃຫ້ເຫັນວ່າ ມີຫຼາຍພັນຄົນ ໄດ້ພົວພັນນຳ ການບັນເທົາທຸກ ແລະຂຽນວ່າ “ອີກ
ເທື່ອນຶ່ງ ຊາວເມັກຊິໂກໄດ້ສະແດງໃຫ້ເຫັນເຖິງຄວາມເຂັ້ມແຂງແລະຄວາມເປັນພະ
ລາດອນພາບທີ່ຍິ່ງໃຫຍ່.”
ແຜ່ນດິນໄຫວ ທີ່ ເມັກຊິໂກ
ນອກຈາກການຊ່ອຍເຫລືອ ໃນການຮັບມືຂອງທ້ອງຖິ່ນແລ້ວ ໃນນະຄອນຫຼວງເມັກຊິໂກ
ຊີຕີ້ ພ້ອມທັງລັດ Morelos, Puebla, Mexico, Guerrero ແລະ Oaxaca ຍັງໄດ້ຮັບ
ການຊ່ອຍເຫລືອມາຈາກຕ່າງປະເທດນຳດ້ວຍ.
ອົງການຊ່ອຍເຫຼືອສາກົນຂອງສະຫະລັດໄດ້ສົ່ງເຈົ້າໜ້າທີ່ຫລາຍກວ່າ 60 ຄົນພ້ອມດ້ວຍອຸບປະກອນຕ່າງໆ ແລະຢາປົວພະຍາດ ໄປຍັງນະຄອນຫຼວງເມັກຊິໂກຊີຕີ້ ໃນວັນພະຫັດ
ວານນີ້.
ທ່ານ Mark Green ຫົວໜ້າອົງການຊ່ອຍເຫຼືອສາກົນຂອງສະຫະລັດ ກ່າວວ່າ ພວກຕົນ
ຈະເຮັດວຽກຢ່າງໃກ້ຊິດ ກັບເຈົ້າໜ້າທີ່ ຄຸ້ມຄອງໄພພິບັດ ຂອງເມັກຊິໂກ ເພື່ອຊ່ອຍກູ້ໄພ ພວກທີ່ລອດຊີວິດມາໄດ້ຈາກແຜ່ນດິນໄຫວແລະຊັ່ງຊາເບິ່ງໂຄງລ່າງທີ່ໄດ້ຮັບຄວາມເສຍ ຫາຍຈາກແຜ່ນດິນໄຫວ.