ຄວາມຫວັງໃດໆທັງໝົດ ແມ່ນໄດ້ຫາຍຈາກໄປ ໃນວັນອາທິດ
ມື້ນີ້ ທີ່ຈະພົບເຫັນ ຜູ້ລອດຊີວິດໃດໆເລີຍ ຈາກເຫດການດິນ
ເຈື່ອນຢ່າງກວ້າງຂວາງ ຢູ່ນອກນະຄອນຫຼວງຂອງກົວເຕມາລາ.
ຈຳນວນຜູ້ທີ່ເສຍຊີວິດ ໄດ້ເພີ້ມສູງຂຶ້ນ ເປັນ 86 ຄົນ ແລະຄາດ
ກັນວ່າ ຈະສືບຕໍ່ສູງຂຶ້ນ ໃນຂະນະທີ່ພະນັກງານໜ່ວຍກູ້ໄພ
ສຸກເສີນ ຂຸດດິນຫຼາຍໂຕນ ຫາປະຊາຊົນ ຈຳນວນ 350 ຄົນ
ທີ່ຫາຍສາບສູນ.
ຜູ້ຍິງຄົນນຶ່ງ ທີ່ລໍຄອຍຂ່າວຄາວ ກ່ຽວກັບສະມາຊິກຂອງ 21
ຄອບຄົວທີ່ຫາຍສາບສູນ ໄດ້ເວົ້າວ່າ “ອັນນີ້ ເປັນສິ່ງທີ່ຮ້າຍ
ແຮງທີ່ສຸດ ທີ່ໄດ້ເກີດຂຶ້ນຕໍ່ພວກເຮົາ.”
ບັນດາເຈົ້າໜ້າທີ່ ໄດ້ກ່າວວ່າ ເຮືອນຈຳນວນ 125 ຫລັງຄາບາງສ່ວນໄດ້ຖືກທຳລາຍ ຫຼື
ເສຍຫາຍ ໃນຕອນກາງຄືນວັນພະຫັດຜ່ານມາ ໂດຍເກີດດິນເຈື່ອນຢ່າງກະທັນຫັນ ຫຼັງຈາກ
ໄດ້ມີຝົນຕົກໜັກ.
ທ້າວ Carlos Ac ໄດ້ກ່າວຕໍ່ອົງການຂ່າວ ຝຣັ່ງວ່າ “ຂ້ອຍໄດ້
ອອກໄປວຽກ ໃຫ້ແມ່ຂອງຂ້ອຍ ແລະໃນເມື່ອຂ້ອຍກັບຄືນ
ມາ ມັນບໍ່ມີຍັງເຫຼືອເລີຍ.” ແມ່ຂອງລາວ ແລະອ້າຍເອື້ອຍນ້ອງ
7 ຄົນ ຍັງຫາຍສາຍສູນຢູ່.
ດິນເຈື່ອນໄດ້ເກີດຂຶ້ນ ຢູ່ໃນບ້ານ El Cambray II ໃນເຂດ
ເທດສະບານຂອງເມືອງ Santa Catarina Pinula ທີ່ຕັ້ງຢູ່
ປະມານ 15 ກິໂລແມັດ ທາງກ້ຳຕາເວັນອອກ ຂອງນະຄອນ
ຫຼວງກົວເຕມາລາ ຊີຕີ.
ປະທານາທິບໍດີ Alejandro Maldonado ໄດ້ກ່າວວ່າ ຫຼາຍໆປະເທດ ລວມທັງສະຫະລັດ ແລະ ຄິວບາ ໄດ້ສະເໜີໃຫ້ການຊ່ວຍເຫຼືອ.
