BEIJING —
ທີມງານຊອກຄົ້ນແລະກູ້ໄພ ກໍາລັງດິ້ນຮົນ
ພະຍາຍາມຢ່າງໜັກໃນວັນອາທິດມື້ນີ້ ເພື່ອໃຫ້ເຂົ້າໄປໃຫ້ເຖິງ
ເຂດສອບຫຼີກຕ່າງໆຢູ່ແຂວງ Sichuan ຂອງຈີນ ບ່ອນເກີດເຫດ
ແຜ່ນດິນໄຫວຮ້າຍແຮງ ທີ່ໄດ້ສັງຫານປະຊາຊົນຫຼາຍກວ່າ 200
ຄົນ ແລະບາດເຈັບອີກ ຫຼາຍກວ່າ 11,000 ຄົນ.
ຫຼັງຈາກເກີດແຜ່ນດິນໄຫວເມື່ອຕອນເຊົ້າວັນເສົາວານນີ້ ສື່ຂອງ
ລັດເວົ້າວ່າ ພື້ນທີ່ທີ່ຖືກແຜ່ນດິນໄຫວຖະຫລົ່ມໜັກທີ່ສຸດຂອງ
ເຂດເມືອງ Lushan ນັ້ນ ບໍ່ສາມາດເຂົ້າໄປເຖິງໂດຍທາງຖະໜົນ
ໄດ້ ສາຍໂທລະສັບກໍຖືກຕັດ. ອົງການຂ່າວຊິນຫົວເວົ້າວ່າ ແຜ່ນ
ດິນໄຫວດັ່ງກ່າວຍັງສັ່ນສະເທືອນຕຶກອາຄານຕ່າງໆໃນເມືອງ
Chengdu ເມືອງຫຼວງຂອງແຂວງ Sichuan ທີ່ຢູ່ຫ່າງອອກໄປ 115 ຫຼັກ ທາງກໍ້າຕາເວັນອອກ.
ແຜ່ນດິນໄຫວຂະໜາດນ້ອຍໆ ໄດ້ຕິດຕາມມາຫຼາຍບັ້ນ ໃນຂົງເຂດດັ່ງກ່າວ.
![ແຜ່ນດິນໄຫວ ທີ່ປະເທດຈີນ]()
Photo Gallery:
ອົງການຂ່າວຊິນຫົວຂອງທາງການຈີນ ເວົ້າວ່າ ປະທານປະເທດຈີນ ທ່ານ ຊີ ຈິນຜິງ ໄດ້ມີ
ຄໍາສັ່ງໃຫ້ໃຊ້ມາດຕະການທຸກຢ່າງທີ່ມີ ເພື່ອຊ່ວຍກູ້ໄພພວກເຄາະຮ້າຍ ແລະຫລຸດຈໍານວນ
ຜູ້ບາດເຈັບລົ້ມຕາຍລົງ ເທົ່າທີ່ຈະເຮັດໄດ້ ລຸນຫຼັງເຫດການແຜ່ນດິນໄຫວດັ່ງກ່າວ. ທ່ານ ລີ
ເກີຈຽງ ນາຍົກລັດຖະມົນຕີຈີນ ໄດ້ບິນໄປຍັງຂົງເຂດດັ່ງກ່າວ ເພື່ອກໍາກັບເບິ່ງນໍາຄວາມພະຍາຍາມປະຕິບັດການກູ້ໄພ.
ກົມສໍາຫຼວດທໍລະນີຂອງສະຫະລັດເວົ້າວ່າ ແຜ່ນດິນໄຫວທີ່ມີຄວາມແຮງ 6.6 ຣິກເຕີ້ ຄັ້ງນີ້
ແມ່ນເກີດຂື້ນ ຢູ່ເລິກລົງໄປ ພຽງ 13 ຫຼັກເທົ່ານັ້ນ.
ຮູບພາບຖ່າຍທາງອາກາດທີ່ນໍາອອກເຜີຍແຜ່ໂດຍກອງທັບຈີນ ແລະອອ ອາກາດທາງທີວີ
ຂອງລັດ ສະແດງໃຫ້ເຫັນພາບຂອງບ້ານເຮືອນແຕ່ລະຫຼັງຖືກເພພັງ ແລະໂຮງການເມືອງ
ແລະໝູ່ບ້ານ ຖືກທໍາລາຍຢ່າງລາບຄາບ.
ເຫດການດັ່ງກ່າວນີ້ ໄດ້ເຕືອນຄວາມຊົງຈໍາອັນເຈັບປວດ ສໍາລັບແຂວງ Sichuan ທີ່ໄດ້ຮັບ
ຄວາມຫາຍະນະຈາກເຫດແຜ່ນດິນໄຫວເມື່ອປີ 2008 ທີ່ໄດ້ເອົາຊີວິດປະຊາຊົນໄປຫຼາຍ
ກວ່າ 70,000 ຄົນ.
ພະຍາຍາມຢ່າງໜັກໃນວັນອາທິດມື້ນີ້ ເພື່ອໃຫ້ເຂົ້າໄປໃຫ້ເຖິງ
ເຂດສອບຫຼີກຕ່າງໆຢູ່ແຂວງ Sichuan ຂອງຈີນ ບ່ອນເກີດເຫດ
ແຜ່ນດິນໄຫວຮ້າຍແຮງ ທີ່ໄດ້ສັງຫານປະຊາຊົນຫຼາຍກວ່າ 200
ຄົນ ແລະບາດເຈັບອີກ ຫຼາຍກວ່າ 11,000 ຄົນ.
ຫຼັງຈາກເກີດແຜ່ນດິນໄຫວເມື່ອຕອນເຊົ້າວັນເສົາວານນີ້ ສື່ຂອງ
ລັດເວົ້າວ່າ ພື້ນທີ່ທີ່ຖືກແຜ່ນດິນໄຫວຖະຫລົ່ມໜັກທີ່ສຸດຂອງ
ເຂດເມືອງ Lushan ນັ້ນ ບໍ່ສາມາດເຂົ້າໄປເຖິງໂດຍທາງຖະໜົນ
ໄດ້ ສາຍໂທລະສັບກໍຖືກຕັດ. ອົງການຂ່າວຊິນຫົວເວົ້າວ່າ ແຜ່ນ
ດິນໄຫວດັ່ງກ່າວຍັງສັ່ນສະເທືອນຕຶກອາຄານຕ່າງໆໃນເມືອງ
Chengdu ເມືອງຫຼວງຂອງແຂວງ Sichuan ທີ່ຢູ່ຫ່າງອອກໄປ 115 ຫຼັກ ທາງກໍ້າຕາເວັນອອກ.
ແຜ່ນດິນໄຫວຂະໜາດນ້ອຍໆ ໄດ້ຕິດຕາມມາຫຼາຍບັ້ນ ໃນຂົງເຂດດັ່ງກ່າວ.
ແຜ່ນດິນໄຫວ ທີ່ປະເທດຈີນ
ແຜ່ນດິນໄຫວ ແຮງຂະໜາດ 6.6 ຣິກເຕີ້ ປະທະແຂວງ Sichuan ຂອງຈີນ ສົ່ງຜົນໃຫ້ມີຜູ້ເສຍຊີວິດ ຫລາຍກ່ວາ 100 ຄົນ ແລະບາດເຈັບຫລາຍກ່ວາ 2,600 ຄົນ.
ອົງການຂ່າວຊິນຫົວຂອງທາງການຈີນ ເວົ້າວ່າ ປະທານປະເທດຈີນ ທ່ານ ຊີ ຈິນຜິງ ໄດ້ມີ
ຄໍາສັ່ງໃຫ້ໃຊ້ມາດຕະການທຸກຢ່າງທີ່ມີ ເພື່ອຊ່ວຍກູ້ໄພພວກເຄາະຮ້າຍ ແລະຫລຸດຈໍານວນ
ຜູ້ບາດເຈັບລົ້ມຕາຍລົງ ເທົ່າທີ່ຈະເຮັດໄດ້ ລຸນຫຼັງເຫດການແຜ່ນດິນໄຫວດັ່ງກ່າວ. ທ່ານ ລີ
ເກີຈຽງ ນາຍົກລັດຖະມົນຕີຈີນ ໄດ້ບິນໄປຍັງຂົງເຂດດັ່ງກ່າວ ເພື່ອກໍາກັບເບິ່ງນໍາຄວາມພະຍາຍາມປະຕິບັດການກູ້ໄພ.
ກົມສໍາຫຼວດທໍລະນີຂອງສະຫະລັດເວົ້າວ່າ ແຜ່ນດິນໄຫວທີ່ມີຄວາມແຮງ 6.6 ຣິກເຕີ້ ຄັ້ງນີ້
ແມ່ນເກີດຂື້ນ ຢູ່ເລິກລົງໄປ ພຽງ 13 ຫຼັກເທົ່ານັ້ນ.
ຮູບພາບຖ່າຍທາງອາກາດທີ່ນໍາອອກເຜີຍແຜ່ໂດຍກອງທັບຈີນ ແລະອອ ອາກາດທາງທີວີ
ຂອງລັດ ສະແດງໃຫ້ເຫັນພາບຂອງບ້ານເຮືອນແຕ່ລະຫຼັງຖືກເພພັງ ແລະໂຮງການເມືອງ
ແລະໝູ່ບ້ານ ຖືກທໍາລາຍຢ່າງລາບຄາບ.
ເຫດການດັ່ງກ່າວນີ້ ໄດ້ເຕືອນຄວາມຊົງຈໍາອັນເຈັບປວດ ສໍາລັບແຂວງ Sichuan ທີ່ໄດ້ຮັບ
ຄວາມຫາຍະນະຈາກເຫດແຜ່ນດິນໄຫວເມື່ອປີ 2008 ທີ່ໄດ້ເອົາຊີວິດປະຊາຊົນໄປຫຼາຍ
ກວ່າ 70,000 ຄົນ.
