ລິ້ງ ສຳຫລັບເຂົ້າຫາ

ວັນພະຫັດ, 29 ກັນຍາ 2022

ພັກຣີພັບບຣິກັນ ກວດເອົາ ໄຊຊະນະ ການແຂ່ງຂັນ ຜູ້ປົກຄອງລັດ ໃນຫຼາຍລັດ ທີ່ສຳຄັນໆ


ຜູ້ສະໝັກ ເປັນຜູ້ປົກຄອງລັດ ພັກຣີພັບບຣິກັນ ທ່ານ Bruce Rauner ຂອງລັດ Illinois ສະເຫຼີມສະຫຼອງ ໄຊຊະນະ ຄູ່ແຂ່ງຂັນ ເຈົ້າຄອງລັດ Illinois ທ່ານ Pat Quinn ຂອງພັກເດໂມແຄຣັດ ໃນ ນະຄອນ Chicago, ວັນທີ 4 ພະຈິກ 2014.

ຂະນະດຽວກັນ ພັກຣີພັບບຣິກັນ ກໍໄດ້ຮັບໄຊຊະນະ ໃນ​ການ
​ເລືອກຕັ້ງຜູ້​ປົກຄອງ​ລັດ ໃນທົ່ວສະຫະລັດ ​ໃນ​ວັນ​ອັງຄານ
ວານ​ນີ້ ລວມທັງ​ການ​ ເລືອກຕັ້ງທີ່ມີການແຂ່ງຂັນກັນຢ່າງ
ດຸເດືອດ ທີ່​ລັດ Florida ​ແລະລັດ Wisconsin.

ນອກນັ້ນ ຜູ້ສະໝັກ​ຂອງ​ພັກຣີພັບບຣິກັນ ຍັງ​ໄດ້​ຮັບ​ໄຊຊະນະ
​ໃນ​ຢ່າງ​ນ້ອຍ 3 ລັດ ​ຊຶ່ງຕາມປົກກະຕິແລ້ວ ແມ່ນ​ມີທ່າອຽງໄປ
​ທາງ​ພັກ​ເດ​ໂມ​ແຄຣັດ ​ເຊັ່ນ ລັດ Illinois Maryland ​ແລະ
Massachusetts.

ການ​ໄດ້​ຮັບ​ໄຊຊະນະ​ນີ້ ​ແມ່ນສົມທົບ​ເຂົ້າ​ ກັບຄ່ຳ​ຄືນ​ຂອງການ​ເລືອກ​ຕັ້ງທີ່​ໜັກ​ແໜ້ນ​ຢູ່​ແລ້ວ ສຳ​ຫລັບ​ພັກຣີພັບບຣິກັນ ຊຶ່ງຍັງສາມາດເຂົ້າ ຄວບຄຸມສະພາ​ສູງ​ ແລະເພີ້ມຄວາມແຂງ​ແກ່ນ ​ຢູ່ໃນ​ສະພາ​ຕ່ຳ​ທີ່​ເຂົາ​ເຈົ້າຄວບ​ຄຸມ​ຢູ່​ນັ້ນແລ້ວ.

ທີ່​ລັດ Florida ຜູ້​ປົກຄອງ​ລັດ ທ່ານ Rick Scott ໄດ້ເອົາຊະນະ ທ່ານ Charlie Crist ອະດີດຜູ້ປົກຄອງລັດ​ພັກຣີພັບບຣິກັນ ທີ່ປ່ຽນ ໄປສັງກັດພັກ​ເດ​ໂມ​ແຄຣັດ ຢູ່​ໃນ​ການ​ແຂ່ງຂັນ ທີ່​ມີການໃຊ້ຈ່າຍ​ສູງ​ທີ່​ສຸດ ​ແລະຫຼາຍໆ​ຄົນ​ກ່າວ​ວ່າ ​ເປັນ​ການແຂ່ງຂັນທີ່ມີການແບ່ງແຍກຮ້າຍ ແຮງທີ່ສຸດ ໃນ​ປະ​ເທດ.

ຢູ່​ລັດ Wisconsin ທ່ານ Scott Walker ສັງກັດ​ພັກຣີພັບບຣິກັນ ກໍສາມາດເອົາຊະນະ​ຜູ້​
ທ້າ​ຊິງ​ຈາກ​ພັກ​ເດ​ໂມ​ແຄຣັດ ທ່ານ​ນາງ Mary Burke. ທ່ານ Walker ​ແມ່ນ​ມີຄວາມ​ນິຍົມ
ທີ່​ສຸດ ​ໃນ​ໝູ່​ບັນດາ​ຜູ້​ປ່ອນ​ບັດ​ເລືອກຕັ້ງຈາກພວກ​ນິຍົມ​ແນວທາງ​ເດີ​ມ Tea Party ​ແລະ
ເບິ່ງກັນ​ວ່າ​ ອາດ​ເປັນຜູ້​ສະໝັກ​ປະທາ​ນາທີ​ບໍດີ ​ໃນ​ປີ 2016 ກໍໄດ້.

ພັກຣີພັບບລີກັນຍັງໄດ້ຮັບໄຊຊະນະ ໃນການເລືອກຕັ້ງຜູ້ປົກຄອງລັດ ຢູ່​ລັດ Illinois
Maryland Massachusetts Kansas Texas Arkansas Georgia ແລະ Ohio.

ສ່ວນຢູ່ລັດ Pennsylvania ຜູ້ສະໝັກຂອງພັກເດໂມແຄຣັດ ທ່ານ Tom Wolf ສາມາດ
ເອົາຊະນະຜູ້ປົກຄອງລັດຂອງພັກຣີພັບບລີກັນ ທ່ານ Tom Corbett ທີ່ລົງແຂ່ງຂັນເອົາ
ຕຳແໜ່ງຕື່ມອີກສະໄໝນຶ່ງ.

ທ່ານອາດຈະມັກເລື້ອງນີ້ຄືກັນ

XS
SM
MD
LG