ສະພາຕ່ຳສະຫະລັດ ໄດ້ເລືອກເອົາ ທ່ານ Paul Ryan ເປັນປະ
ທານຄົນໃໝ່ໃນວັນພະຫັດວານນີ້ ຊຶ່ງເປັນມື້ທີ່ມີການສະຫລອງ
ຢ່າງສຳຄັນ ມີຄວາມຫວັງສູງແລະມີຈິດໃຈແຫ່ງຄວາມເປັນເອກ
ກະພາບ ທີ່ບໍ່ຄ່ອຍໄດ້ເຫັນກັນ ຢູ່ໃນສະພາຕ່ຳ. ປະທານສະພາ
ຕ່ຳເປັນຕຳແໜ່ງນຶ່ງທີ່ມີອິດທິພົນທີ່ສຸດໃນນະຄອນຫຼວງວໍຊິງຕັນ
ແມ່ນເປັນບຸກຄົນທີສອງໃນເສັ້ນສາຍຂອງການສືບທອດອຳນາດ
ຈາກທຳນຽບຂາວ ຖ້າຕຳແໜ່ງປະທານາທິບໍດີ ແລະຮອງປະທາ
ນາທິບໍດີຫາກຫວ່າງລົງ.
ທ່ານ Ryan ທີ່ມີອາຍຸ 45 ປີ ແມ່ນເປັນດາວຮຸ່ງ ຂອງພັກຮີພັບ
ບລີກັນຈາກລັດວິສຄັນຊິນ ແລະເປັນບຸກຄົນ ທີ່ມີອາຍຸນ້ອຍທີ່
ສຸດທີ່ໄດ້ເຂົ້າກຳແໜ່ງປະທານສະພາຕ່ຳໃນຮອບ 100 ກວ່າປີ.
ທ່ານ Ryan ແມ່ນເຮັດວຽກກ້າວຂຶ້ນມາທີລະຂັ້ນ ໂດຍເຄີຍຮັບໜ້າທີ່ເປັນຜູ້ຊ່ອຍທາງດ້ານ
ນິຕິບັນຢັດ ແລະເຄີຍເປັນຜູ້ເສີບອາຫານ ທີ່ຮ້ານອາຫານເມັກຊິໂກ ຢູ່ທີ່ລັດຖະສະພາສະ
ຫະລັດກ່ອນຈະຖືກເລືອກເປັນສະມາຊິກສະພາຕ່ຳໃນປີ 1998. ທ່ານໄດ້ເປັນທານຄະນະ
ກຳມະການເກັບພາສີ ທີ່ມີອິດທິພົນຂອງສະພາຕ່ຳ ໃນ ເດືອນມັງກອນປີນີ້.
ທ່ານ Mitt Romney ທີ່ໄດ້ຖືກແຕ່ງຕັ້ງໃຫ້ເປັນຜູ້ສະໝັກປະທານາທິບໍດີຂອງພັກຣີພັບບລີ
ກັນ ໄດ້ເລືອກເອົາທ່ານ Ryan ເປັນຜູ້ຮອງໃນການເລືອກຕັ້ງປີ 2012 ເວລາປະທານາທິບໍ
ດີບາຣັກ ໂອບາມາ ຊະນະການເຂົ້າຮັບຕຳແໜ່ງ ເປັນສະໄໝທີສອງ ຂອງທ່ານ.ທ່ານ Romney ແລະພັນລະຍາຂອງທ່ານ ກໍໄດ້ໄປມີໜ້າຢູ່ທີ່ສະພາແລະກໍໄດ້ຖ່າຍຮູບຮ່ວມກັບ
ທ່ານ Ryan ຫລັງຈາກສະພາໄດ້ລົງຄະແນນສຽງແລ້ວ.
ການເລືອກຕັ້ງຢູ່ໃນສະພາຕ່ຳໄດ້ເປັນໄປດ້ວຍຄວາມລາບລື່ນດີ ຫລັງຈາກໄດ້ເກີດຄວາມ
ວຸ້ນວາຍ ມາເປັນເວລານຶ່ງເດືອນ ໃນໝູ່ບັນດາສະມາຊິກ ຂອງພັກຣີພັບບລີກັນ ທີ່ກຳສຽງ
ສ່ວນຫຼາຍຢູ່ໃນສະພານັ້ນ. ທ່ານ Ryan ໄດ້ຮັບຄະແນນສຽງ ສະໜັບສະໜຸນ 236 ສຽງ
ໂດຍມີສະພາຊິກພັກຣີພັບບລີກັນພຽງແຕ່ 10 ຄົນເທົ່ານັ້ນ ທີ່ປ່ອນບັດເອົາຄົນອື່ນ. ຜູ້ນຳ
ສຽງສ່ວນນ້ອຍໃນສະພາຕ່ຳທ່ານນາງ Nancy Pelosi ໄດ້ຮັບ 184 ສຽງຈາກສະພາຊິກ
ພັກຂອງທ່ານນາງ ໂດຍມີສະມາຊິກຂອງພັກປ່ອນບັດເອົາຄົນອື່ນພຽງແຕ່ 2 ຄົນເທົ່ານັ້ນ.
ທ່ານນາງ Pelosi ໄດ້ເຮັດພິທີມອບໄມ້ຄ້ອນຂອງສະພາໃຫ້ແກ່ທ່ານ Ryan ທີ່ ໄດ້ເບິ່ງໄປ
ຍັງສະມາຊິກສະພາຕ່ຳ 435 ທ່ານແລ້ວກໍກ່າວວ່າເບິ່ງຄືວ່າກັບປະຊາຊົນຊາວອາເມຣິກັນ
ທັງມວນກຳລັງຢູ່ຕໍ່ໜ້າຂ້າພະເຈົ້າ.
