ລິ້ງ ສຳຫລັບເຂົ້າຫາ

ວັນພຸດ, ໒໙ ພຶດສະພາ ໒໐໒໔

ມີໂຈມຕີກັນ ໂດຍໃຊ້ຄຳເວົ້າ ທີ່ບໍ່ສຸພາບ ໃນການໂຕ້ວາທີ ຜູ້ສະໝັກ ປະທານາທິບໍດີ ພັກຣີພັບບລີກັນ


ຜູ້ສະໝັກປະທານາທິບໍດີພັກຣີພັບບລີກັນ ນັກທຸລະກິດ Donald Trump ແລະສະມາຊິກສະພາສູງ ຈາກລັດເທັກຊັສ ທ່ານ Ted Cruz ພວມຖຽງກັນ ໃນລະຫວ່າງການໂຕ້ວາທີ ໃນຄືນວັນພະຫັດ ວານນີ້.
ຜູ້ສະໝັກປະທານາທິບໍດີພັກຣີພັບບລີກັນ ນັກທຸລະກິດ Donald Trump ແລະສະມາຊິກສະພາສູງ ຈາກລັດເທັກຊັສ ທ່ານ Ted Cruz ພວມຖຽງກັນ ໃນລະຫວ່າງການໂຕ້ວາທີ ໃນຄືນວັນພະຫັດ ວານນີ້.

ໂດຍເອີ້ນ​ຄູ່​ແຂ່ງ​ ຂອງ​ທ່ານວ່າ Ted ຂີ້ຕົວະ ແລະ Marco ນ້ອຍ
ທ່ານ Donald Trump ​ໄດ້​ປ້ອງ​ກັນ ຕໍ່​ການ​ກ່າວ​ໂຈມ​ຕີ​ ຢ່າງ​ຂຸ້ນ
ຂ້ຽວຂອງ​ພວກ​ທີ່​ຄາດ​ຫວັງວ່າ​ຈະ​ໄດ້​ເປັນ​ປະທານາທິບໍດີ​ນຳ​ກັນ
ຢູ່​ໃນ​ການ​ໂຕ້​ວາທີ ​ໃນ​ແລງ​ວັນ​ພະຫັດ​ວານນີ້​ ຊຶ່ງ​ມີຂຶ້ນທ່າມກາງ​
ຮ່ອງຮອຍ​ ຂອງ​ການ​ແຕກ​ແຍກ​ກັນ​ຢ່າງ​ເລິກ​ເຊິ່ງຢູ່​ພາຍ​ໃນພັກ​ຣີ
ພັບ​ບລີ​ກັນ.

​ໃນ​ລະຫວ່າງ ​ການ​ໂຕ້​ວາທີ​ກັນນັ້ນ ສະມາຊິກ​ສະພາ​ສູງ​ຈາກ​ລັດ
​ຟລໍຣິດາ​ ທ່ານ Marco Rubio ສະມາຊິກ​ສະພາ​ສູງ​ຈາກ​ລັດ Te-
xas ທ່ານ Ted Cruz ​ແລະ​ຜູ້​ປົກຄອງ​ລັດ Ohio ທ່ານ John
Kasich ຕ່າງ​ກໍ​ໄດ້​ປ່ຽນ​ຜຽນ​ກັນກ່າວໂຈມ​ຕີ​ນັກທຸລະກິດ​ຈາກນິວ
ຢອກ ທີ່​ປາກົດ​ວ່າກຳລັງ​ກ້າວ​ໄປ​ສູ່​ການ​ຈະໄດ້​ຮັບ​ການ​ແຕ່ງຕັ້ງ​ໃຫ້​ເປັນ​ຜູ້ຕາງໜ້​າຂອງ​ພັກ​
ນັ້ນ.

ການ​ໂຕ້​ວາທີ ຊຶ່ງ​ຈັດ​ໃຫ້​ມີຂຶ້ນທີ່​ນະຄອນ Detroit ​ໃນ​ພາກ​ເໜືອ​ຂອງ​ສະຫະລັດແມ່ນ​ເຕັມ​
ໄປ​ດ້ວຍ​ການ​ຮ້ອງ​ໃສ່​ກັນ​ແລະ​ກັນ ການ​ສົບ​ປະໝາດ​ໃນ​ທາງ​ສ່ວນ​ຕົວແລະ​ການ​ໃຫ້​ຄວາມ​
ເຫັນ​ແບບ​ຕະລົກ​ທີ່​ບໍ່​ສຸຸພາບ ທີ່​ໄດ້​ຄອບ​ງຳການໂຄສະນາຫາສຽງເອົາຕຳ​ແໜ່​ງປະທານາທິ
ບໍດີ​ຂອງ​ພັກ​ຣີພັບ​ບລີ​ກັນ​ໃນ​ປີ 2016.

ພາຍ​ໃນ​ 5 ນາ​ທີ ທີ່​ການ​ໂຕ້​ວາທີ​ເລີ້ມຂຶ້ນ ​ທ່ານ Trump ​ເບິ່ງ​ຄື​ວ່າ ​ໄດ້​ກ່າວ​ເຖິງອະ​ໄວ​ຍະ
​ວະ​ລັບ​ຂອງ​ທ່ານ.

ທ່ານ Trump ​ໄດ້​ກ່າວ ພ້ອມ​ກັບ​ຍົກ​ມືຂອງ​ທ່ານ​ຂຶ້ນວ່າ Rubio ​ເວົ້າວ່າ ຖ້າ​ຂ້ອຍ​ຫາກມີມື​
ນ້ອຍດັ່ງນັ້ນສິ່ງ​ອື່ນໆ​ອີກ​ກໍຈະ​ນ້ອຍ​ຄື​ກັນ.​ ຂ້າພະ​ເຈົ້າຂໍ​ຄ້ຳປະກັນ​ວ່າ ບໍ່​ມີ​ບັນຫາ​ເລີຍ. ຂ້າ
ພະ​ເຈົ້າຂໍ​ຄ້ຳປະກັນ​ຕໍ່​ທ່ານ.

ທ່ານ Trump ​ແມ່ນ​ໝາຍ​ເຖິງການ​ໃຫ້​ຄວາມ​ເຫັນ​ຂອງ​ທ່ານ Rubio ​ໃນ​ອາທິດແລ້ວນີ້ ​ທີ່​
ໄດ້​ມີ​ການ​ເບິ່ງ​ກັນ​ຢ່າງ​ກວ້າງຂວາງ​ວ່າເປັນ​ການເວົ້າເຖິງຄວາມ​ສາມາດທາງ​ເພດ​ຂອງ​ນັກ
ທຸລະກິດ​ຈາກ​ນິວຢອກ​ນັ້ນ.

ທ່ານ Rubio ໄດ້ກ່າວປ້ອງກັນ ການໂຈມຕີຂອງທ່ານ ໂດຍເວົ້າວ່າ ທ່ານ Trump ເປັນຜູ້ ເລີ້ມກ່ອນ.

XS
SM
MD
LG