ພັກຣີພັບບລິກັນ ໄດ້ຮັບຮອງເອົາຫຼັກນະໂຍບາຍທີ່ຕໍາໜິຕິຕຽນຈີນຢ່າງຮຸນແຮງ ໃນຂະນະທີ່ສື່ມວນຊົນລັດຈີນກໍກ່າວໂຈມຕີທ່ານມິດ ຣອມນີ ທີ່ໄດ້ຖືກແຕ່ງຕັ້ງໃຫ້ເປັນຜູ້ສະມັກແຂ່ງຂັນປະທານາທິບໍດີຂອງພັກຣີພັບບລິກັນນັ້ນ ວ່າມີອັນທີ່ສື່ມວນຊົນຈີນເອີ້ນວ່າ ແນວຄິດແບບສົງຄາມເຢັນ.
ຫຼັກນະໂຍບາຍຂອງພັກຣີພັບບລິກັນ ທີ່ໄດ້ຮັບຜ່ານເມື່ອວັນອັງຄານວານນີ້ ຢູ່ທີ່ກອງປະຊຸມຫຼວງພັກທີ່ເມືອງ Nampa ລັດ ຟລໍຣິດາ ໃຫ້ຄໍາໝັ້ນສັນ ຍາວ່າຈະເອົາທ່າທີຢ່າງເຂັ້ມແຂງທີ່ສຸດກັບຈີນ ໃນເລື້ອງການກົດຄ່າເງິນຕາຂອງຕົນໃຫ້ຕໍ່າກ່ວາທ້ອງຕະຫລາດ ແລະການ ລັກຂະໂມຍຊັບສິນທາງປັນຍາຕາມທີ່ມີການກ່າວຫານັ້ນ. ນະໂຍບາຍດັ່ງກ່າວຂອງພັກຣີພັບບລິກັນຍັງໄດ້ປະນາມໃນສິ່ງທີ່ເອີ້ນວ່າ ການອ້າງເອົາກໍາມະສິດໃນເຂດທະເລຈີນໃຕ້ຂອງຈີນ ທີ່ເປັນການທໍາລາຍສະຖຽນລະພາບນັ້ນ ແລະສັນຍາວ່າ ຈະສືບຕໍ່ຂາຍອາວຸດຍຸດໂທປະກອນໃຫ້ໄຕ້ຫວັນ ຊຶ່ງເປັນສອງບັນຫາທີ່ໄດ້ສ້າງ ຄວາມຂຸ່ນເຄືອງໃຫ້ແກ່ຈີນ ໃນອະດີດຜ່ານມາ.
ປັກກິ່ງ ຊຶ່ງໃນທາງການແລ້ວ ບໍ່ເຂົ້າຂ້າງພັກໃດໃນການເລືອກຕັ້ງຂອງສະຫະລັດນັ້ນ ໃນອາທິດນີ້ ກໍໄດ້ອອກມາກ່າວໂຈມຕີນະໂຍບາຍຕ່າງໆກ່ຽວກັບຈີນ ຂອງທ່ານ ມິດ ຣອມນີ ໃນບົດບັນນາທິການທີ່ລົງໃນສື່ມວນຊົນລັດຢ່າງຕໍ່ເນື່ອງນັ້ນ. ໜັງສືພິມ China Daily ຂອງທາງການຂອງຈີນ ເອີ້ນນະໂຍບາຍດັ່ງກ່າວຂອງທ່ານ ມິດ ຣອມນີ ວ່າ ເປັນນະໂຍບາຍ ທີ່ໜ້າລັງກຽດ ໂດຍກ່າວວ່າ ມັນຈະສ້າງພິດໄພຕໍ່ຄວາມສໍາພັນລະຫວ່າງສະຫະລັດ ກັບຈີນໄດ້ ຖ້າຫາກມີການຈັດຕັ້ງປະຕິບັດ
.
ຫຼັກນະໂຍບາຍຂອງພັກຣີພັບບລິກັນ ທີ່ໄດ້ຮັບຜ່ານເມື່ອວັນອັງຄານວານນີ້ ຢູ່ທີ່ກອງປະຊຸມຫຼວງພັກທີ່ເມືອງ Nampa ລັດ ຟລໍຣິດາ ໃຫ້ຄໍາໝັ້ນສັນ ຍາວ່າຈະເອົາທ່າທີຢ່າງເຂັ້ມແຂງທີ່ສຸດກັບຈີນ ໃນເລື້ອງການກົດຄ່າເງິນຕາຂອງຕົນໃຫ້ຕໍ່າກ່ວາທ້ອງຕະຫລາດ ແລະການ ລັກຂະໂມຍຊັບສິນທາງປັນຍາຕາມທີ່ມີການກ່າວຫານັ້ນ. ນະໂຍບາຍດັ່ງກ່າວຂອງພັກຣີພັບບລິກັນຍັງໄດ້ປະນາມໃນສິ່ງທີ່ເອີ້ນວ່າ ການອ້າງເອົາກໍາມະສິດໃນເຂດທະເລຈີນໃຕ້ຂອງຈີນ ທີ່ເປັນການທໍາລາຍສະຖຽນລະພາບນັ້ນ ແລະສັນຍາວ່າ ຈະສືບຕໍ່ຂາຍອາວຸດຍຸດໂທປະກອນໃຫ້ໄຕ້ຫວັນ ຊຶ່ງເປັນສອງບັນຫາທີ່ໄດ້ສ້າງ ຄວາມຂຸ່ນເຄືອງໃຫ້ແກ່ຈີນ ໃນອະດີດຜ່ານມາ.
ປັກກິ່ງ ຊຶ່ງໃນທາງການແລ້ວ ບໍ່ເຂົ້າຂ້າງພັກໃດໃນການເລືອກຕັ້ງຂອງສະຫະລັດນັ້ນ ໃນອາທິດນີ້ ກໍໄດ້ອອກມາກ່າວໂຈມຕີນະໂຍບາຍຕ່າງໆກ່ຽວກັບຈີນ ຂອງທ່ານ ມິດ ຣອມນີ ໃນບົດບັນນາທິການທີ່ລົງໃນສື່ມວນຊົນລັດຢ່າງຕໍ່ເນື່ອງນັ້ນ. ໜັງສືພິມ China Daily ຂອງທາງການຂອງຈີນ ເອີ້ນນະໂຍບາຍດັ່ງກ່າວຂອງທ່ານ ມິດ ຣອມນີ ວ່າ ເປັນນະໂຍບາຍ ທີ່ໜ້າລັງກຽດ ໂດຍກ່າວວ່າ ມັນຈະສ້າງພິດໄພຕໍ່ຄວາມສໍາພັນລະຫວ່າງສະຫະລັດ ກັບຈີນໄດ້ ຖ້າຫາກມີການຈັດຕັ້ງປະຕິບັດ
.
