ພວກຫົວຮຸນແຮງອິສລາມ ນະໂຍບາຍການຕ່າງປະເທດ ແລະ
ການຄ້າ ແມ່ນຮວມຢູ່ໃນບັນຫາຕ່າງໆ ທີ່ໄດ້ຖືກຍົກຂຶ້ນມາ ອະ
ພິປາຍກັນໂດຍຜູ້ສະໝັກເປັນປະທານາທິບໍດີ ສີ່ຄົນທີ່ຍັງເຫຼືອ
ຢູ່ ຂອງພັກຣີພັບບລີກັນ ໃນການໂຕ້ວາທີ ເທື່ອສຸດທ້າຍ ກ່ອນ
ການປະຊຸມປ່ອນບັດແລະການເລືອກຕັ້ງຂັ້ນຕົ້ນໃນວັນອັງຄານ
ຈະມານີ້.
ໃນການຫາລືກັນຢ່າງຍືດຍາວກ່ຽວກັບໄພຂົ່ມຂູ່ຂອງພວກມຸສ
ລິມຫົວຮຸນແຮງນັ້ນ ທ່ານ Donald Trump ຜູ້ສະໝັກປະທາ
ນາທິບໍດີ ຂອງພັກຣີພັບບລີກັນ ແມ່ນຢືນຢັດຢ່າງໜັກແໜ້ນຕໍ່
ການກ່າວອ້າງຂອງທ່ານທີ່ວ່າມີຊາວມຸສລິມເປັນຈຳນວນຫຼວງ
ຫລາຍທີ່ກຽດຊັງຊາວອາເມຣິກັນແລະເວົ້າວ່າທ່ານຈະພິຈາລະນາສົ່ງກຳລັງພາກພື້ນດິນ
ຫຼາຍເຖິງ 30,000 ຄົນໄປສູ້ລົບກັບພວກຫົວຮຸນແຮງລັດອິສລາມຢູ່ພາກຕາເວັນອອກກາງ.
ທ່ານ Trump ໄດ້ຖືກຊັກຖາມກ່ຽວກັບຄຳເວົ້າຂອງທ່ານທີ່ໄດ້ກ່າວໃນລະຫວ່າງການໃຫ້
ສຳພາດໃນອາທິດນີ້ທີ່ວ່າ ສາສະໜາອິສລາມກຽດຊັງພວກເຮົາ. ເມື່ອມີການຖາມ ໃນລະ
ຫວ່າງການໂຕ້ວາທີນັ້ນ ທ່ານໝາຍເຖິງຊາວມຸສລິມ ທັງໝົດບໍ? ທ່ານ Trump ຕອບວ່າ
ຂ້າພະເຈົ້າໝາຍເຖິງຈຳນວນຫຼວງຫຼາຍຂອງພວກເຂົາເຈົ້າ. ທ່ານກ່າວວ່າທ່ານບໍ່ມີຄວາມ
ສົນໃຈໃນການຫລີກລ່ຽງຄຳເວົ້າຕ່າງໆ ເພື່ອເຫັນແກ່ຄວາມຖືກຕ້ອງທາງດ້ານການເມືອງ.
ທ່ານ Marco Rubio ຊຶ່ງເປັນຄູ່ແຂ່ງ ໄດ້ກ່າວຕອບຢ່າງແຮງວ່າ ຂ້າພະເຈົ້າບໍ່ສົນໃຈ ໃນ
ການກ່າວເພື່ອເຫັນແກ່ຄວາມຖືກຕ້ອງທາງດ້ານການເມືອງ ແຕ່ພະເຈົ້າສົນໃຈເພື່ອເຫັນ
ແກ່ຄວາມຖືກຕ້ອງ. ສະມາຊິກສະພາສູງຂອງລັດຟລໍຣິດາ ກ່າວວ່າ ມີວິທີດຽວທີ່ຈະຮັບມື
ກັບພວກອິສລາມຫົວຮຸນແຮງໄດ້ ກໍຄືເປັນພັນທະມິດ ກັບຊາວມຸສລິມ ທີ່ມີເຊື່ອໃນສາສະ
ໜາທີ່ບໍ່ມັກຄວາມຮຸນແຮງແລະທ່ານໄດ້ເຕືອນວ່າ ປະທານາທິບໍດີບໍ່ສາມາດທີ່ຈະເວົ້າໃນ
ສິ່ງທີ່ຕົນຕ້ອງການຍ້ອນມັນມີຜົນທີ່ຈະຕິດຕາມມາຢູ່ໃນທົ່ວໂລກ.
ສ່ວນສະມາຊິກສະພາສູງ Ted Cruz ຈາກລັດເທັກຊັສ ໄດ້ຕິຕຽນໃນອັນທີ່ທ່ານຮ້ອງວ່າ
ການແກ້ໄຂແບບງ່າຍໆທາງດ້ານການຄ້າແລະພວກຫົວຮຸນແຮງຈັດໂດຍເວົ້າວ່າຄຳຕອບ
ບໍ່ແມ່ນພຽງແຕ່ຮ້ອງອອກມາວ່າ ຈີນບໍ່ດີ ມຸສລິມບໍ່ດີ ເທົ່ານັ້ນ.
ນອກນັ້ນຄວາມສຳພັນກັບຄິວບາກໍໄດ້ຖືກຍົກຂຶ້ນມາໂຕ້ຖຽງກັນໂດຍທີ່ທ່ານ Rubio ແລະ
ທ່ານ Cruz ໄດ້ປະນາມຄວາມສຳພັນທາງການທູດ ທີ່ພວມອົບອຸ່ນຂຶ້ນ ລະຫວ່າງວໍຊິງຕັນ
ແລະຮາວານາ.
ສ່ວນຜູ້ປົກຄອງລັດ Ohio ທ່ານ John Karsich ຊຶ່ງມີຄະແນນລາກທ້າຍ ໃນການຢັ່ງຫາງ ສຽງນັ້ນ ບໍ່ໄດ້ເຂົ້າພົວພັນໃນການໂຕ້ຖຽງກັນ ແຕ່ທ່ານກໍເອົາສາມາດເອົາທ່າທີຢືນຢັນກ່ຽວ ກັບຮ່າງກົດໝາຍ ການປ່ຽນແປງ ຂອງດິນຟ້າອາກາດ. ທ່ານກ່າວວ່າ ທ່ານເຊື່ອວ່າກິດຈະ ການຂອງມະນຸດ ມີສ່ວນປະກອບເຮັດໃຫ້ດິນຟ້າອາກາດປ່ຽນແປງ ແຕ່ທ່ານສືບຕໍ່ຢືນຢັດ
ວ່າ ມັນເປັນໄປໄດ້ທີ່ຈະອອກກົດລະບຽບຢ່າງເຄັ່ງຄັດກ່ຽວກັບສິ່ງແວດລ້ອມ ທີ່ຈະບໍ່ສ້າງ
ຄວາມເສຍຫາຍໃຫ້ແກ່ເສດຖະກິດ.
