ລິ້ງ ສຳຫລັບເຂົ້າຫາ

logo-print

ລາຍ​ງານ ແຈ້ງວ່າ ນັກ​ຂ່າວ ຊ​າ​ອຸ​ດີ ອາດ​ບັນ​ທຶກ ການ​ເສຍ​ຊີ​ວິດ ຂອງທ່ານ​ເອງ


ພວກ​ນັກ​ເຄື່ອນ​ໄຫວ​ເພື່ອ​ສິດ​ທິ​ມະ​ນຸດ ຖື​ຮູບ​ນັກ​ຂ່າວຊາ​ອຸ​ດີ ທ່ານ​ຈາ​ມາ​ລ ຄາ​ຊອ​ກ​ກີ ໃນ​ລະ​ຫວ່າງ​ການ​ປະ​ທ້ວງ ຢູ່ນອກ ກົງ​ສຸນ​ຊາ​ອຸ​ດີ ອາ​ຣາ​ເບຍ ທີ່​ນະ​ຄອນ​ອິ​ສ​ຕັນ​ບູ​ລ ປະ​ເທດ​ເທີ​ກີ. (ວັນ​ທີ 9 ຕຸ​ລາ 2018)

ສື່ມວນ​ຊົນ​ລາຍ​ງານ​ວ່າ ນັກ​ຂ່າວ​ຊາ​ອຸ​ດີ ອາ​ຣາ​ເບຍ ທ່ານ​ຈາມາລ ຄາຊອກກີ ອາດ​ໄດ້​
ບັນ​ທຶກ​ການ​ເສຍ​ຊີ​ວິດ​ຂອງ​ທ່ານ​ເອງ ດ້ວຍ​ໂມງ​ແ​ອັບ​ເປີ​ລ​ທີ່​ທ່ານ​ໃສ່​ຢູ່.

ລາຍ​ງານ​ຂ່າວ​ແຈ້ງວ່າ ທ່ານ​ຄາຊອກກີໄດ້​ເປີດ​ການ​ບັນ​ທຶກ​ສຽງ ທີ່​ມີ​ຢູ່​ໃນ​ໂມງຂອງ​ທ່ານ
ຂະ​ນະ​ທີ່​ທ່ານ​ຍ່າງ​ເຂົ້າ​ໄປ​ໃນສະ​ຖານ​ກົງ​ສຸນ​ຂອງ​ຊາ​ອຸ​ດີທີ່​ນະ​ຄອນ ​ອິ​ສ​ຕັນບູ​ລ ເມື່ອ​ວັນ
​ທີ 2 ຕຸລາ​ຜ່ານ​ມາ ເພື່ອ​ໄປ​ເອົາ​ເອກ​ກະ​ສານ​ທີ່​ທ່ານ​ຕ້ອງ​ການ​ສຳລັບ​ການ​ແຕ່ງ​ງານ​ຂອງ​
ທ່ານ.

ມີ​ລາຍ​ງານ​ວ່າ​ ໂມ​ງ​ຂອງ​ທ່ານ​ໄດ້​ເຊື່ອມ​ຕໍ່ iCloud ແລະ​ໂທ​ລະ​ສັບ​ມື​ຖື​ທີ່​ທ່ານປະ​ໄວ້ກັບ​
ຄູ່​ໝັ້ນ​ຂອງ​ທ່ານກ່ອນ​ທີ່​ຈະ​ເຂົ້າ​ໄປ​ໃນ​ສະ​ຖານ​ກົງ​ສຸນ. ຄູ່​ໝັ້ນ​ຂອງທ່ານ​ກ່າວ​ວ່າ ຍາ​ນາງ​
ໄດ້​ລໍ​ຖ້າ​ທ່ານ​ຄາຊອກກີ​ອອກ​ມາ​ຈາກ​ຕຶກ​ກົງ​ສຸນ ແຕ່​ທ່ານບໍ່​ໄດ້​ກັບ​ອອກ​ມາ​ເລີຍ.

ລາຍ​ງານ​ຂ່າວ​ແຈ້ງວ່າ ໂມງ​ແ​ອັບ​ເປີ​ລ​ໄດ້​ບັນ​ທຶກບໍ່​ພຽງ​ແຕ່​ການ​ສອບ​ປາກ​ຄຳແລະ​ການ
​ທໍ​ລະ​ມານ ທ່ານ​ຄາຊອກກີ​ເທົ່າ​ນັ້ນ ແຕ່​ຍັງ​ຮວມ​ທັງ​ການ​ຄາດ​ຕະ​ກຳ​ທ່ານນຳ​ດ້ວຍ.

ທ່ານ​ຄາຊອກກີທີ່ເຂົ້າ​ມາ​ອາ​ໄສ​ຢູ່​ໃນ​ສະ​ຫະ​ລັດ ໄດ້​ຂຽນ​ບົດ​ຄວາມ​ລົງໜັງ​ສື​ພິມ​ວໍ​ຊິງ​ຕັນ
​ໂພ​ສ​ທ໌ ທີ່ຕ້ອງ​ຕິ​ຊາ​ອຸ​ດີ ອາ​ຣາ​ເບຍ.

ປ. ດໍ​ໂນ​ລ ທ​ຣຳ ກຳ​ລັງ​ຟັງ​ຄຳ​ຖາມ ກ່ຽວ​ກັບ​ນັກ​ຂ່າວ​ຊາ​ອຸ​ດີ ອາ​ຣາ​ເບຍ ທີ່​ຫ​າຍ​ສາບ​ສູນ
ປ. ດໍ​ໂນ​ລ ທ​ຣຳ ກຳ​ລັງ​ຟັງ​ຄຳ​ຖາມ ກ່ຽວ​ກັບ​ນັກ​ຂ່າວ​ຊາ​ອຸ​ດີ ອາ​ຣາ​ເບຍ ທີ່​ຫ​າຍ​ສາບ​ສູນ

ປະ​ທາ​ນາ​ທິ​ບໍ​ດີ​ສະ​ຫະ​ລັດ ທ່ານ​ດໍ​ໂນ​ລ ທ​ຣຳ​ໄດ້​ໃຫ້​ຄຳ​ໝັ້ນ​ສັນ​ຍາ​ວ່າ ທ່ານ​ຈະໂທ​ໄປ​
ຫາ​ກະ​ສັດ​ຊາ​ລ​ມາ​ນ ແຫ່ງ​ຊາ​ອຸ​ດີ ອາ​ຣາ​ເບຍ ເພື່ອ​ຫາ​ລື​ ກ່ຽວ​ກັບ​ອັນ​ທີ່​ທ່ານ ເອີ້ນ​ວ່າ
“ສະ​ຖາ​ນະ​ການ​ທີ່​ໜ້າ​ຢ້ານ​ກົວ” ຢູ່​ໃນ​ເທີ​ກີ. ທ່ານ​ກ່າວ​ຕໍ່​ພວກ​ນັກ​ຂ່າວ​ທີ່​ເມືອງຊິນ​ຊະ
​ເນ​ຕີ ໃນ​ລັດ​ໂອ​ຮາຍ​ໂອ​ວ່າ ສະ​ຫະ​ລັດ​ຈະ​ສືບ​ສວນ​ເບິ່ງວ່າ​ ແມ່ນຫຍັງ​ໄດ້​ເກີດ​ຂຶ້ນ​ກັບ
​ທ່ານ​ຄາຊອກກີ.

ໜັງ​ສື​ພິມ​ວໍ​ຊິງ​ຕັນ​ໂພ​ສ​ທ໌ ລາຍ​ງານ​ໃນ​ອາ​ທິດ​ນີ້​ວ່າ ​ລັດ​ຖະ​ບານ​ເທີ​ກີ ​ໄດ້ແຈ້ງ​ໃຫ້​ເຈົ້າ
​ໜ້າ​ທີ່​ສະ​ຫະ​ລັດ​ຊາບວ່າ ອັງ​ກາ​ຣາ ມີວິ​ດີ​ໂອ ທີ່​ພິ​ສູດ​ໃຫ້​ເຫັນ​ວ່າ ​ນັກ​ຂ່າວ​ ຄາຊອກກີ
ໄດ້​ຖືກ​ສັງ​ຫານ ​ຢູ່​ໃນ​ກົງ​ສຸນ​ຊາ​ອຸ​ດີ ທີ່ນະ​ຄອນ​ອິ​ສ​ຕັນບູ​ລ.

ເຈົ້າ​ໜ້າ​ທີ່​ຊາ​ອຸ​ດີ ໄດ້​ປະ​ຕິ​ເສດ​ວ່າ ຕົນ​ບໍ່​ມີ​ສ່ວນ​ພົວ​ພັນ​ໃດໆ ​ໃນ​ການ​ຫາຍ​ສາບ​ສູນ​
ໄປ​ຂອງ​ທ່ານ​ຄາຊອກກີ ແລະ​ກ່າວ​ວ່າ ຜູ້​ກ່ຽວ​ໄດ້​ອອກ​ຈາກ​ກົງ​ສຸນ​ໄປ ບໍ່​ດົນຫຼັງ​ຈາກ​
ເຂົ້າ​ໄປ​ ໃນ​ສະ​ຖານ​ທີ່​ດັ່ງ​ກ່າວ​ແລ້ວ. ລັດ​ຖະ​ມົນ​ຕີ​ກະ​ຊວງ​ພາຍ​ໃນ​ຂອງ​ຊາ​ອຸ​ດີ ເຈົ້າ​
ຊາຍ​ອັບ​ແດ​ລ ອາ​ຊິ​ສ ບິນ​ ໂຊ ບິນ ນາ​ເຢັບ ເອີ້ນ​ລາຍ​ງານ​ຂ່າວ​ທີ່ວ່າ ລັດ​ຖະ​ບານ​ສັ່ງ
​ຂ້າ ທ່ານ​ຄາຊອກກີນັ້ນ​ ເປັນ "ເລື້ອງ​ຂີ້​ຕົວະ​ແລະ​ການ​ກ່າວ​ຫາທີ່​ບໍ່​ມີ​ມູນ​ຄວາມ​ຈິງ.”

​ມີ​ລາຍ​ງານ​ວ່າ ພວກ​ຜູ້​ຊາຍ​ຊາ​ອຸ​ດີ ​ຈຳ​ນວນ 15 ຄົນ ໄດ້​ບິນ​ໄປ​ຍັງ​ນະ​ຄອນ​ອິ​ສຕັນ​
ບູ​ລ ມື້​ດຽວ​ກັນ​ກັບ​ທີ່​ທ່ານຄາຊອກກີ ໄດ້​ເຂົ້າ​ໄປ​ໃນ​ສະ​ຖານ​ກົ​ງ​ສຸນ. ສື່ມວນຊົນ​ລາຍ
​ງານ​ວ່າ ພວກ​ຜູ້​ຊາຍ​ຈຸນີ້ ໄດ້​ເຂົ້າ​ໄປ​ໃນ​ສະ​ຖານ​ກົງ​ສຸນໃນ​ເວ​ລາ​ທີ່​ທ່ານ ຄາຊອກກີ
​ຢູ່​ທີ່ນັ້ນ. ພວກ​ຜູ້​ຊາຍ​ຈຸນີ້ຢູ່​ທີ່ກົງ​ສຸນ​ເປັນ​ເວ​ລາ​ສອງ​ສາມ​ຊົ່ວ​ໂມງ​ແລະຫຼັງ​ຈາກນັ້ນ​ກໍ
​ເດີນ​ທາງ​ກັບ​ຄືນ​ຊາ​ອຸ​ດີ ອາ​ຣາ​ເບຍ.

ພວກ​ເຈົ້າ​ໜ້າ​ທີ່​ເທີ​ກີ ກຳ​ລັງ​ເຮັດ​ວຽກ​ເພື່ອ​ລົງ​ຄວາມ​ເຫັນ​ກ່ຽວ​ກັບ​ວ່າ ພວກ​ຜູ້​ຊາຍ
ຈຸ​ດັ່ງ​ກ່າວນີ້​ແມ່ນ​ໃຜ​ກັນ​ແທ້.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG