ລິ້ງ ສຳຫລັບເຂົ້າຫາ

logo-print

ແຜ່ນ​ດິນ​ໄຫວ ໃນ​ປະ​ເທດ ເຮ​ຕີ ໄດ້ສັງ​ຫານ​ຢ່າງ​ໜ້ອຍ 11 ຄົນ ບາດ​ເຈັບຫຼາຍກວ່າ 130 ຄົນ


ເມືອງ ຜອດ​ ເດິ ແປ (Port-de-Paix) ໃນ​ພາກ​ຕາ​ເວັນ​ຕົກ​ສຽງ​ເໜືອ​ຂອງ​ປະ​ເທດ ເຮ​ຕີ, 295 ກິ​ໂລ​ແມັດ ຫ່າງ​ຈາກ​ນະ​ຄອນ ຫຼວງ ຜອດ ໂອ ພ​ຣິນ​ສ໌. 7 ພຶດ​ສະ​ພາ, 2016.

ແຜ່ນ​ດິນ​ໄຫວ​ຄວາມ​ແຮງ 5.9 ໄດ້​ສັ່ນ​ສະ​ເທືອນ​ພາກ​ຕາ​ເວັນ​ຕົກ​ສຽງ​ເໜືອ​ຂອງ ປະ
ເທດ ເຮຕີ ໃນວັນເສົາວານນີ້, ເຮັດໃຫ້ປະຊາຊົນເສຍຊີວິດຢ່າງໜ້ອຍ 11 ຄົນ ແລະ
ບາດເຈັບຫຼາຍກວ່າ 130 ຄົນ.

ໂຄ​ສົກ​ລັດ​ຖະ​ບານ ​ໄດ້​ກ່າວ​ຕໍ່​ອົງ​ການ​ຂ່າວ​ ຝ​ຣັ່ງ (AFP) ວ່າ7 ຄົນ​ໄດ້​ເສຍ​ຊີ​ວິດ​ ໃນ​
ເມືອງ ຜອດ ເດິ ແປ (Port de Paix), ເມືອງຫຼວງຂອງກົມ ຕາເວັນຕົກສຽງເໜືອຂອງ
ເກາະ ເຮຕີ.

ອີກ 4 ຄົນ​ໄດ້​ເສຍ​ຊີ​ວິດ​ໃນ​ເມືອງ ໂກ​ຣ-ມອນ (Gros-Morne), 50 ກິ​ໂລ​ແມັດ ​ທິດ​ຕາ​
ເວັນອອກສຽງໃຕ້ຂອງເມືອງ ຜອດ ເດິ ແປ.

ມີ​ລາຍ​ງານ​ວ່າ​ເຮືອນຫຼາຍຫຼັງ ແລະ ໂຮງ​ໝໍ ໄດ້ຖືກ​ທຳ​ລາຍ​ໂດຍ​ແຜ່ນ​ດິນ​ໄຫວ​ດັ່ງ​ກ່າວ.

ອົງ​ການ​ປົ​ກ​ປ້ອງ​ພົນ​ລະ​ເຮືອນ​ຂອງ ເຮ​ຕີ ​ກ່າວ​ວ່າ ເມືອງ ຜອດ ເດິ ແປ​, ເມືອງ ໂກ​ຣ-
ມອນ, ຊັງໂຊມ (Chansolme) ແລະ ຕໍຕູກາ ແມ່ນເຂດທີ່ໄດ້ຮັບຜົນກະທົບແຮງທີ່ສຸດ.

ກົ​ມ​ສຳຫຼວດ​ທໍ​ລະ​ນີ​ວິ​ທະ​ຍາ​ ສະ​ຫະ​ລັດ ​ກ່າວ​ວ່າ ແຜ່ນ​ດິນ​ໄຫວ​ຕື້ນ ໄດ້​ເກີດ​ຂຶ້ນ 19 ກິ​
ໂລແມັດຫ່າງຈາກເມືອງ ຜອດ ເດິ ແປ ເຊິ່ງຕັ້ງຢູ່ຊາຍຝັ່ງເໜືອສຸດຂອງປະເທດນັ້ນ.

ປະ​ທາ​ນາ​ທິ​ບໍ​ດີ ໂຈ​ເວີ​ແນ​ລ ມົວ​ເຊ (Jovenel Moise) ໄດ້​ຮຽກ​ຮ້ອງ​ໃຫ້​ປະ​ຊາ​ຊົນ​ສະ​
ຫງົບສະຕິອາລົມ. ທ່ານໄດ້ກ່າວເພີ່ມເຕີມວ່າ ແຫຼ່ງຊັບພະຍາກອນທັງໝົດຂອງ ປະເທດ
ຈະຖືກສົ່ງໄປຊ່ວຍເຫຼືອເຂດທີ່ໄດ້ຮັບຜົນກະທົບຈາກແຜ່ນດິນໄຫວຄັ້ງນີ້.

ປະ​ເທດ ເຮ​ຕີ, ເຊິ່ງ​ແມ່ນ​ປະ​ເທດ​ທີ່​ທຸກ​ຍາກ​ທີ່​ສຸດ​ໃນ​ຊີ​ກ​ໂລກ​ຕາ​ເວັນ​ຕົກ, ແມ່ນ​ບໍ່​ເຄີຍ​
ຟື້ນຕົວຄືນຢ່າງເຕັມທີ່ ຈາກແຜ່ນດິນໄຫວຄວາມແຮງ 7.1 ໃນປີ 2010 ທີ່ໄດ້ສັງຫານ
ປະຊາຊົນຫຼາຍກວ່າ 200,000 ຄົນ ແລະ ເຮັດໃຫ້ປະຊາຊົນປະມານນຶ່ງລ້ານຄົນບໍ່ມີທີ່
ຢູ່ອາໄສ.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG