ລິ້ງ ສຳຫລັບເຂົ້າຫາ

ຮອງຫົວໜ້າ ສັນຕິບານກາງ ທີ່ຕົກເປັນເປົ້າ ໃນການຕ້ອງຕິ ຂອງ ປ. ທຣຳ ນັ້ນ ​ລາອອກ


ຮອງ​ຜູ້ອຳນວຍການ​ອົງການ​ FBI ​​ ​​​​​​ທ່ານ​ແອນ​ດຣູ ​ແມັກ​ເຄບ (Andrew McCabe) ປະກົດຕົວຕໍ່ໜ້າປະທານ​ຄະນະກຳມະ ການສືບລັບຂອງສະພາສູງ ທີ່ຮັບຟັງຄຳໃຫ້ການກ່ຽວກັບ ກົດລະບຽບຂອງການການສືບລັບຕ່າງປະເທດ ໂດຍວິທີໃຊ້ ກ້ອງວົງຈອນປິດເກັບກຳ, ລັດຖະສະພາ, ວໍຊີງຕັນ, 7 ມິຖຸນາ 2017.

ທ່ານ​ແອນ​ດຣູ ​ແມັກ​ເຄບ ​ເຈົ້າ​ໜ້າ​ທີ່ໝາຍເລກ 2 ​ຂອງ​ ອົງການ​ສັນຕິ​ບານ​ກາງ​ ຫຼື FBI ຂອງສະຫະລັດຜູ້ທີ່ປະທາ​ນາ​ທິບໍດີ​ສະຫະລັດ ທ່ານ​ດໍ​ໂນ​ລ ທຣຳ ​ໄດ້​ຕຳ​ໜິຕິຕຽນ
ຢ່າງເປີດເຜີຍ ​ໂດຍກ່າວ​ຫາວ່າ​ມີຄວາມລຳອຽງທາງ​ການ​ເມືອງ​ແລະມີ​ລາຍ​ງານ​ວ່າ
ຢາກໃຫ້​ປົດອອກ​ ຈາກຕຳແໜ່ງນັ້ນ ໄດ້​ລາອອກຈາກ​ອົງການ​ດັ່ງກ່າວ ​ໃນ​ວັນ​ຈັນ​
ວານ​ນີ້ ຫຼາຍ​ສັບປະດາ​ກ່ອນ​ ທີ່​ທ່ານ​ຈະ​ອອກກິນເບ້ຍ​ບຳນານ.

ການ​ເຄື່ອນໄຫວ​ດັ່ງກ່າວ ​ໄດ້ມີ​ຂຶ້ນຫຼາຍ​ເດືອນ​ຫຼັງຈາກ​ຖືກ​ຕຳ​ໜິຕິຕຽນ​ໂດຍ​ທ່ານ​ທຣຳ
ແລະ​ພັນທະ​ມິດ ໃນ​ພັກຣີພັບບຣີກັນ ທີ່​ວ່າ ທ່ານ ແມັກ​ເຄບ ​ແມ່ນ​ເປັນ​ຜູ້​ຕໍ່ຕ້ານ​ທ່ານ​ທຣຳ.
​ໃນ​ລາຍ​ງານ​ຫວ່າງ​ມໍ່ໆ​ມາ​ນີ້ ​ແມ່ນກ່າວວ່າ ທ່ານແມັກ​ເຄບ ​ໄດ້​ຖືກກົດ​ດັນ​ໃຫ້​ລາອອກ​
ຈາກ​ອົງ ການ​ດັ່ງກ່າວ.

ສະມາ​ຊິກ​ສະພາຕ່ຳ ຈາກ​ລັດ​ເວີ​ຈີ​ເນຍ ທ່ານ ບອບ ກູເລຕ, ປະທານ​ຄະນະກຳມະການ
ຕຸລາການຂອງສະພາຕ່ຳ ​ໄດ້​ກ່າວ​ວ່າ “ຂ່າວ​ໃນມື້​ນີ້ ທີ່​ວ່າ ທ່ານ​ແອນ​ດຣູ ​ແມັກ​ເຄບ ​
ຮອງ​ຜູ້ ອຳນວຍການ​ອົງການ​ FBI ໄດ້​ລາອອກ​ຈາກ​ຕຳ​ແໜ່​ງ​ນັ້ນ​ແມ່ນ​ກາຍ​ຍາມ​ແລ້ວ,”

ແລະ​ທ່ານ​ ຍັງ​ໄດ້​ກ່າວ​ຕື່ມ​ວ່າ “ວິທີ​ທາງ​ດຽວ​ທີ່​ຈະ​ເຮັດ​ໃຫ້​ເປັນ​ທີ່​ແນ່ນອນ​ວ່າ ອົງການ​
FBI ​ຍັງ​ຈະເປັນອົງການຄຸ້ມ​ຄອງ​ກົດ​ໝາຍຊັ້ນນຶ່ງ​ໃນ​ໂລກ​ນີ້ ກໍ​ແມ່ນຄ້ຳປະກັນວ່າ
ຜູ້ນຳ​ຂອງ​ອົງການ​ດັ່ງກ່າວ ເປັນທີ່ໄວ້​ໃຈ​ຂອງປະຊາຊົນ​ຊາວ​ອາ​ເມຣິ​ກັນ. ​ການ​ປ່ຽນ​ແປງ​ຜູ້ນຳຂອງອົງການ​ FBI ແມ່ນ​ເປັນ​ບາດກ້າວທີ່ດີອັນ​ທຳ​ອິດ​ ​ໃນ​ການ​ປົວແປງ​ຊື່​ສຽງ​ທີ່ຖືກທຳລາຍໄປຂອງ​ພວກ​ເຂົາ​ເຈົ້າ.”

ທ່ານ ບອບ ກູເລຕ (Bob Goodlatte), ປະທານ​ຄະນະກຳມະການ ຕຸລາການຂອງສະພາຕ່ຳ, ສັງກັດພັກ ຣີພັບບລີກັນ ຈາກລັດ ເວີຈີເນຍ, ນັ່ງຟັງຄຳໃຫ້ການໃນລັດຖະສະພາ ທີ່ວໍຊີງຕັນ, 2 ມັງກອນ 2017.
ທ່ານ ບອບ ກູເລຕ (Bob Goodlatte), ປະທານ​ຄະນະກຳມະການ ຕຸລາການຂອງສະພາຕ່ຳ, ສັງກັດພັກ ຣີພັບບລີກັນ ຈາກລັດ ເວີຈີເນຍ, ນັ່ງຟັງຄຳໃຫ້ການໃນລັດຖະສະພາ ທີ່ວໍຊີງຕັນ, 2 ມັງກອນ 2017.

​ໂຄສົກ​ປະຈຳ​ທຳນຽບຂາວ ທ່ານ​ນາງ​ຊາຣາ ຮັກ​ກາ​ບີ ​ແຊນ​ເດີຣສ໌ ​ໄດ້​ກ່າວ​ວ່າ ທ່ານ​ທຣຳ
“ຍັງ​ຢືນ​ຢັດ​ຕໍ່​ການ​ໃຫ້​ຄຳ​ເຫັນ​ຂອງ​ຄັ້ງ​ກ່ອນ” ກ່ຽວ​ກັບ​ທ່ານ​ແມັກ​ເຄບ ​ແຕ່​ວ່າ ​ໄດ້​ບອກ​ກັບ​
ພວກ​ນັກ​ຂ່າວ​ວ່າ ປະທານາທິບໍດີ “ບໍ່​ແມ່ນສ່ວນ​ນຶ່ງ​ຂອງ​ຂັ້ນ​ຕອນ​ການ​ຕັດສິນ” ທີ່​ນຳ​ໄປ
ສູ່​ການ​ອອກ​ກິນ​ເບ້ຍ​ບຳນານ ກ່ອນ​ກຳນົດ​ຂອງທ່ານແມັກເຄບ.

“ຂ້າພະ​ເຈົ້າ​ສາມາດ​ບອກ​ທ່ານ ​ໄດ້​ວ່າ ການ​ຕັດສິນ​ໃຈ​ໃດ​ໆ​ກ່ຽວກັບ​ເລື່ອງ​ນີ້ ບໍ່​ໄດ້​ມາ​
ຈາກ​ທຳນຽບຂາວ,”
ນັ້ນຄືຄຳເວົ້າຂອງທ່ານ​ນາງແຊນ​ເດີຣສ໌ ທີ່​ໄດ້​ກ່າວໄວ້.

ທ່ານ​ ​ແມັກ​ເຄບ ​ແມ່ນ​ໄດ້​ຕົກເປັນຂ່າວຂອງ​ການ​ຖົກ​ຖຽງ​ ບໍ່​ເທົ່າ​ໃດ​ມື້ ກ່ອນ​ທີ່ມີ​ການ
​ເລືອກຕັ້ງ​ປະທານາທິບໍດີ ໃນປີ 2016 ເວລາມີການ​ພົບ​ເຫັນ​ວ່າ ພັນ​ລະ​ຍາ​ຂອງ​ທ່ານ
ທ່ານ​ນາງ ຈິລ ແມັກ​ເຄບ ຜູ້​ລົງສະໝັກທີ່​ສັງກັດ​ພັດ​ເດ​ໂມ​ແຄຣັດ ເພື່ອຍາດ​ເອົາ​ຕຳ​ແໜ່​ງ
​ໃນ​ສະພາ​ສູງຂອງ​ລັດເວີຈີເນຍ ​ໃນ​ປີ 2015, ​ໄດ້​ຮັບ​ເງິນ​ບໍລິຈາກ​ຈຳນວນ​ຫຼາຍ​ຮ້ອຍ​ພັນ
​ໂດ​ລາ​ເພື່ອການໂຄສະນາຈາກຄະນະ​ກຳມະການ​ທາງ​ການ​ເມືອງທີ່​ຄວບ​ຄຸມ​ໂດຍເພື່ອນ
ຂອງ​ທ່ານ​ນາງ​ຮິ​ລລາຣີ ຄລິນ​ຕັນ. ທ່ານ​ແທຣີ ​ແມັກ​ໂອ​ລິ​ຟ ​ຊຶ່ງເປັນ​ຜູ້​ປົກຄອງ​ລັດ​ເວີ​ຈີ​ເນຍໃນເວລານັ້ນນັ້ນ.

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

ລັດຖະມົນຕີກະຊວງຍຸຕິທຳ ທ່ານເຈັຟ ແຊັຊຊັນ (Jeff Sessions) ໃຫ້ຄຳຖະແຫຼງການ ໃນກອງປະຊຸມຖະແຫຼງຂ່າວ ທີ່ກະຊວງຍຸຕິທຳ, ວໍຊີງຕັນ, 15 ທັນວາ 2017.
ລັດຖະມົນຕີກະຊວງຍຸຕິທຳ ທ່ານເຈັຟ ແຊັຊຊັນ (Jeff Sessions) ໃຫ້ຄຳຖະແຫຼງການ ໃນກອງປະຊຸມຖະແຫຼງຂ່າວ ທີ່ກະຊວງຍຸຕິທຳ, ວໍຊີງຕັນ, 15 ທັນວາ 2017.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

ທ່ານອາດຈະມັກເລື້ອງນີ້ຄືກັນ

XS
SM
MD
LG