ລິ້ງ ສຳຫລັບເຂົ້າຫາ

ລາຍງານ ກ່າວວ່າ ​​​​ການ​ກໍ່​ການ​ຮ້າຍ ​ໃນ​ທົ່ວ​ໂລກ ​ຢູ່​ໃນ​ລະດັບ ​ທີ່​ສູງ​ທີ່​ສຸດ ໃນຂະນະນີ້


ການ​ກໍ່​ການ​ຮ້າຍ​ໃນ​ທົ່ວ​ໂລກ ​ແມ່ນ​ຢູ່​ໃນ​ລະດັບ​ທີ່​ສູງ​ທີ່​ສຸດ​ ແບບ​ທີ່​ບໍ່​ເຄີຍມີ​ມາ​ກ່ອນ ​
ແລະ​ຄວາມ​ຮຸນ​ແຮງ​ທີ່​ພົວພັນ​ກັບ​ເລື່ອງ​ດັ່ງກ່າວ ​ເຮັດ​ໃຫ້ເສດຖະກິດ​ໂລກເສຍ​ຫາຍ
14 ພັນ 3 ຮ້ອຍຕື້​ໂດ​ລ່າ ໃນ​ປີ​ກາຍ​ນີ້ ຊຶ່ງ 2 ພັນ 5 ຮ້ອຍຕື້​ໂດ​ລ່າ ​ແມ່ນຢູ່​ໃນ​ສະຫະ
ລັດ ພຽງ​ປະ​ເທດ​ດຽວ​ເທົ່າ​ນັ້ນ.

​ໂຕ​ເລກ​ໃໝ່ຫລ້າ​ສຸດ ​ຈາກ​ດັດຊະນີ​ສັນຕິພາບ​ໂລກ ທີ່​ເອີ້ນ​ວ່າ Global Peace
Index ທີ່ເປັນລາຍ​ງານ ກ່ຽວ​ກັບ​ບັນຫາ​ຂັດ​ແຍ້​ງແລະ​ການ​ຮັກສາ​ຄວາມ​ປອດ​ໄພ
ສະ​ແດງ​ ໃຫ້​ເຫັນ​ວ່າ ​ສັນຕິ​ພາບ​ຂອງ​ໂລກ ​ໄດ້ຊຸດ​ໂຊມ​ລົງ ​ໃນ​ຮອບ​ທົດ​ສະ​ວັດ​ທີ່​
ຜ່ານ​ມາ ຊຶ່ງ​ສ່ວນໃຫຍ່​ແລ້ວແມ່ນເປັນ​ຍ້ອນການ​ກໍ່​ການ​ຮ້າຍ​ແລະບັນຫາ​ຂັດ​ແຍ້​ງ
ຕ່າງໆ ​ໃນ​ພາກ​ຕາ​ເວັນອອກ​ກາງ​ແລະ​ອາ​ຟຣິກາເໜືອ.

ການ​ສຶກສາລະບຸ​ວ່າ ການ​ຊຸດ​ໂຊມ​ລົງ​ນີ້ ​ໄດ້​ລົບ​ກວນສະພາບ​ການ​ທີ່​ໄດ້​ຮັບ​ການ​
ປັບປຸງໃຫ້​ດີຂຶ້ນ​ໃນໄລຍະ​ຍາວ ທີ່​ໂລກ​ໄດ້​ຮັບ ນັບ​ຕັ້ງ​ແຕ່ສົງຄາມ​ໂລກ​ຄັ້ງ​ທີ 2 ​
ສິ້ນ​ສຸດ​ລົງ.

ອີງ​ຕາມ​ລາຍ​ງານ​ແລ້ວ ຈຳ​ນວນ​ການ​ກໍ່​ການ​ຮ້າຍ​ໃນ​ແຕ່ລະ​ປີ ​ໄດ້​ເພີ່ມ​ຂຶ້ນ​ 3 ​ເທົ່າ
ນັບ​ຕັ້ງ​ແຕ່ ປີ 2011 ​ເປັນ​ຕົ້ນ​ມາ.

ການ​ລົ້ມ​ຕາຍ​ຍ້ອນ​ການ​ກໍ່​ການ​ຮ້າຍ ​ໄດ້​ເພີ່ມ​ຂຶ້ນ​ຫຼາຍ​ກວ່າ 900 ​ເປີ​ເຊັນ ນັບ​ຕັ້ງ​ແຕ່
ປີ 2007 ມາ ​ໃນ 35 ປະ​ເທດ ທີ່​ເປັນ​ສະມາຊິກຂອງ​ອົງການການ​ຮ່ວມ​ມື​ທາງ​ເສດ
ຖະກິດ ​ແລະການ​ພັດທະນາ. ຈາກ​ຈຳນວນ​ດັ່ງກ່າວມີ 23 ປະ​ເທດໄດ້​ປະ​ເຊີ​ນ​ກັບ
​ການ​ເສຍ​ຊີວິດທີ່​ກ່ຽວຂ້ອງ​ກັບການ​ກໍ່​ການ​ຮ້າຍ​ໃນ​ຮອບປີທີ່ຜ່ານມາ.

ບັນດາ​ປະ​ເທດ​ດັ່ງກ່າວ ​ແມ່ນ​ຮວມທັງ Denmark, Sweden ຝຣັ່ງ ​ແລະ​ເທີ​ກີ.

ສ່ວນສະຫະລັດ ​ໄດ້​ຫລຸດລົງ​ມາ​ 11 ຕຳ​ແໜ່​ງ ​ໃນການຈັດ​ອັນ​ດັບ​ຂອງ​ການ​ສຶກສາ
​ທີ່​ວ່າ​ນີ້ໂດຍ​ໄດ້ຕົກລົງ​ມາ​ ຢູ່ໃນ​ອັນ​ດັບ​ຕ່ຳສຸດ ​ຂອງ​ບັນດາ​ປະ​ເທດ​ທີ່​ພັດທະນາ​ແລ້ວ.
ນັກ​ຊ່ຽວຊານ​ກ່າວ​ວ່າ ສະຫະລັດ ​ໄດ້​ປະ​ເຊີນກັບ​ການ​ເພີ່ມ​ຂຶ້ນ​ທີ່ສຳຄັນ​ຂອງ​ບັນຫາ​
ຂັດ​ແຍ້​ງພາຍ​ໃນຍ້ອນ ສະພາບ​ການ​ບໍ່​ໄປ​ບໍ່​ມາ​ທາງ​ດ້ານການ​ເມືອງ. ຍິ່ງ​ໄປ​ກວ່າ​ນັ້ນ
ອັດ​ຕາການຄາດ​ຕະກຳ ​ໄດ້​ເພີ່ມ​ຂຶ້ນ​ໃນ​ບັນດາ​ຫົວ​ເມືອງ​ໃຫຍ່ໆ​ໃນ​ສະຫະລັດ ​
ແລະ​ມາດ​ຕະການ​ຕ່າງໆ​ທີ່​ເປັນ​ຜົນ​ກະທົບຈາກການ​ກໍ່​ການ​ຮ້າຍ ​ແມ່ນ​ມາ​ຈາກ
​ການ​ໂຈມ​ຕີຮ້າຍ​ແຮງ​ຫຼາຍໆ​ຄັ້ງ ​ຮວມທັງການ​ຍິງກັນ​ທີ່​ສະຖານ​ບັນ​ເທີ​ງ ​ໃນ​ນະຄອນ
Orlando ລັດ Florida ທີ່​ຍັງ​ຜົນ​ໃຫ້​ມີ 49 ຄົນ ​ເສຍ​ຊີວິດ.

ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG