ຜູ້ພິພາກສາຣັດເຊຍທ່ານນຶ່ງ ກ່າວໃນວັນອາທິດວານນີ້ວ່າ
ອະດີດຜູ້ບັນຊາການຕຳຫຼວດເຊັດຈະເນຍຄົນນຶ່ງ ໄດ້ຮັບສາ
ລະພາບວ່າ ມີສ່ວນພົວພັນໃນການສັງຫານ ທ່ານ Boris
Nemtsov ອະດີດຜູ້ນຳຝ່າຍຄ້ານ ຂະນະທີ່ບັນດາເຈົ້າໜ້າ
ທີ່ສືບຕໍ່ທຳການສືບສວນສອບສວນ ກ່ຽວກັບພວກຜູ້ຕ້ອງ
ສົງໄສອື່ນໆອີກ 4 ຄົນ.
ພວກຜູ້ຕ້ອງສົງໄສທັງ 5 ຄົນ ໄດ້ໄປປາກົດໂຕຢູ່ໃນສານແຫ່ງ
ນຶ່ງທີ່ນະຄອນຫຼວງມົສກູ ລຸນຫລັງຖືກຈັບກຸມ ຫລັງຈາກທີ່ບັນ
ດາເຈົ້າໜ້າທີ່ໄດ້ສອບປາກຄຳ ກ່ຽວກັບການຍິງສັງຫານທ່ານ
Nemtsov ໃນວັນທີ 27 ກຸມພາຜ່ານມານີ້ ຊຶ່ງຜູ້ກ່ຽວເປັນຜູ້ຄັດ
ຄ້ານຢ່າງແຂງຂັນຕໍ່ປະທານາ ທິບໍດີ Vladimir Putin ນັ້ນ. ທ່ານ Nemtsov ຖືກຍິງຕາຍ 4 ນັດໃສ່ທາງຫຼັງ ເວລາທ່ານກຳລັງຍ່າງຂ້າມຂົວແຫ່ງນຶ່ງ ກັບແຟນສາວ ໃກ້ໆກັບວັງ Kremlin.
ທ່ານນາງ Nataliya Mushnikova ຜູ້ພິພາກສາ ກ່າວວ່າ ຄົນນຶ່ງໃນຈຳນວນຜູ້ຊາຍຫ້າຄົນ
ທີ່ໄດ້ຖືກກ່າວຫາໃນຖານເປັນຄາດຕະກອນໃນຄະດີ ຄື ອະດີດຮອງຜູ້ບັນຊາການຕຳຫຼວດ
ເຊັດຈະເນຍ Zaur Dadayev ໄດ້ເຊັນເອກະສານຮັບສາລະພາບ ແຕ່ບໍ່ໄດ້ແຈ້ງລາຍລະ
ອຽດໃດໆໃຫ້ຊາບກ່ຽວກັບບົດບາດຂອງຜູ້ກ່ຽວ. ຜູ້ພິພາກສາກ່າວ ອີກວ່າ ຜູ້ຕ້ອງສົງໄສຄົນທີ
ສອງ ທີ່ຖືກກ່າວຫາເປັນຄາດຕະກອນໃນການເສຍຊີວິດຂອງທ່ານ Nemtsov ຊື່ Anzor
Gubashev ໄດ້ປະຕິເສດວ່າ ຕົນບໍ່ໄດ້ມີສ່ວນພົວພັນໃດໆ.
ນອກຈາກສອງຄົນນີ້ແລ້ວ ເຈົ້າໜ້າທີ່ໄດ້ຢັ້ງຢືນພວກຜູ້ຕ້ອງສົງໄສອື່ນອີກ 3 ຄົນ ແລະກ່າວ
ວ່າ ຜູ້ຕ້ອງສົງໄສຄົນທີ 6 ໄດ້ດຶງຂະນວນລະເບີດມືຂ້າຕົວເອງຕາຍ ຂະນະທີ່ພວກຕຳຫຼວດ
ພະຍາຍາມຈັບກຸມຜູ້ກ່ຽວ ຢູ່ນະຄອນຫຼວງ Grozny ຂອງເຊັດຈະເນຍນັ້ນ.
