ສື່ລາຍງານວ່າສະຫະລັດໄດ້ແຊກຊຶມເຂົ້າໄປໃນລະບົບຄອມພິວເຕີ
ຂອງເກົາຫຼີເໜືອ ຫຼາຍປີມາແລ້ວ ແລະໃຊ້ຄວາມສາມາດດັ່ງກ່າວ
ລົງຄວາມເຫັນວ່າ ພຽງຢາງເປັນຜູ້ຮັບຜິດຊອບໃນການໂຈມຕີທາງ
ອິນເຕີແນັດຕໍ່ບໍລິສັດຮູບເງົາ Sony ເມື່ອໄວໆມານີ້.
ໜັງສືພິມ “New York Times” ໄດ້ອ້າງຄຳເວົ້າຂອງເຈົ້າໜ້າທີ່
ໜ່ວຍສືບລັບສະຫະລັດແລະຕ່າງ ປະເທດ ທີ່ກ່າວວ່າ ວໍຊີງຕັນ
ສາມາດເຂົ້າໄປໃນລະບົບຄອມພິວເຕີຂອງເກົາຫຼີເໜືອ ໃນທ້າຍປີ
2010 ໂດຍໃຊ້ຊອບແວຣ໌ທີ່ມີເປົ້າໝາຍເພື່ອທຳລາຍລະບົບ
ຄອມພິວເຕີທີ່ເອີ້ນວ່າ malware ນັ້ນ.
ໜັງສືພິມ New York Times ໄດ້ກ່າວວ່າ ພວກສອດແນມຂອງສະຫະລັດ “ໄດ້ເຈາະເຂົ້າໄປ
ໃນຕາໜ່າງຂອງຈີນ ທີ່ເຊື່ອມຕໍ່ເກົາຫຼີເໜືອກັບໂລກພາຍນອກ ໂດຍເລືອກເອົາຕາໜ່າງ ເຊື່ອມຕໍ່ທາງ ມາເລເຊຍ ທີ່ພວກໂຈມຕີເຈາະຂໍ້ມູນຂອງເກົາຫຼີເໜືອຫຼືແຮັກເກີ້ນິຍົມໃຊ້ນັ້ນ ແລະກໍເຈາະໂດຍກົງ ເຂົ້າໄປໃນຕາໜ່າງເກົາຫຼີເໜືອ ໂດຍໄດ້ຮັບການຊ່ອຍເຫຼືອຈາກເກົາຫຼີໃຕ້ ແລະປະເທດພັນທະມິດ ອື່ນໆຂອງອາເມຣິກັນ.”
ເຈົ້າໜ້າທີ່ໄດ້ບອກກັບໜັງສືພິມ New York Times ວ່າ ການແຊກຊຶມຂອງສະຫະລັດ ເຂົ້າ
ໄປໃນຕາໜ່າງຂອງເກົາຫຼີເໜືອນັ້ນ ແມ່ນມີຄວາມຫຼໍ່ແຫຼມສຳຄັນ ຕໍ່ການຊັກຊວນໃຫ້ປະທາ
ນາທິບໍດີສະຫະລັດ ທ່ານບາຣັກ ໂອບາມາ ກ່າວຫາຢ່າງເປັນການເປີດເຜີຍວ່າ ພຽງຢາງ ເປັນຜູ້ທຳການໂຈມຕີທາງອິນເຕີແນັດ ຕໍ່ບໍລິສັດຮູບເງົາ Sony ໃນເດືອນພະຈິກປີກາຍ.
