ໜັງສືພິມທີ່ສຳຄັນສະບັບນຶ່ງຂອງສະຫະລັດ ກ່າວວ່າ ບັນດາ
ອົງການສືບລັບຂອງສະຫະລັດ ແລະອິສຣາແອລ ໄດ້ປະຕິບັດ
ງານຮ່ວມກັນໃນເດືອນກຸມພາ ປີ 2008 ເພື່ອສັງຫານ ຜູ້ບັນຊາ
ການຂັ້ນສູງຄົນນຶ່ງຂອງກຸ່ມ Hezbollah ຢູ່ໃນນະຄອນ
Damuscas.
ລາຍງານຢູ່ໃນໜັງສືພິມ The Washington Post ອ້າງແຫຼ່ງ
ຂ່າວ ອະດີດບັນດາເຈົ້າໜ້າທີ່ສືບລັບທີ່ຂໍສະຫງວນຊື່ ທີ່ກ່າວວ່າ
ອົງການສືບລັບ CIA ແລະ Mossad ໄດ້ຮ່ວມມືກັນ ໃນຄວາມ
ພະຍາມຍາມຂອງເຂົາເຈົ້າ ເພື່ອຕາມລ່າ ແລະສັງຫານ ທ້າວ
Imad Mughniyah ຫົວໜ້າປະຕິບັດງານຢູ່ໃນຕ່າງປະເທດ
ຂອງກຸ່ມ Hezbollah.
ລາຍງານດັ່ງກ່າວທີ່ພິມເຜີຍແຜ່ຢູ່ໃນເວັບໄຊທ໌ ຂອງໜັງສືພິມ
ໃນຕອນແລງວັນສຸກວານນີ້ກ່າວວ່າ ທ້າວ Mughniyah ໄດ້
ຖືກສັງຫານໃນທັນໃດ ດ້ວຍລະເບີດ ໃນຂະນະທີ່ລາວກ້າວ
ເຂົ້າໄປຫາລົດຂອງລາວ. ລາຍງານກ່າວວ່າ ລະເບີດໄດ້ຕິດ
ຕັ້ງໃສ່ຕີນລົດເບື້ອງຫລັງ.
ລາຍງານກ່າວວ່າ ລະເບີດດັ່ງກ່າວໄດ້ “ບີບຄະນວນໃຫ້ແຕກ
ຂຶ້ນຈາກໄລຍະໄກ" ທີ່ນະຄອນ Tel Aviv ໂດຍບັນດາສາຍ
ລັບຂອງອົງການ Mossad ຜູ້ທີ່ໄດ້ຕິດຕໍ່ກັບນັກສືບຂອງອົງ
ການ CIA ທີ່ໄດ້ຕິດຕາມສິ້ງຊອມເບິ່ງການເຄຶ່ອນໄຫວຂອງ ທ້າວMughniyah.
ອະດີດເຈົ້າໜ້າທີ່ສືບລັບ ສະຫະລັດ ຄົນນຶ່ງ ກ່າວວ່າ “ວິທີການປະຕິບັດງານນີ້ ສະຫະລັດ
ສາມາດ ປະຕິເສດ ແລະຍົກເລີກໄດ້ ແຕ່ກໍບໍ່ໄດ້ກະທຳ.
ໜັງສືພິມ The Washington Post ກ່າວວ່າ “ການປະສານງານຢ່າງໃກ້ຊິດເປັນພິເສດ”
ລະຫວ່າງ ສະຫະລັດ ແລະໜ່ວຍສຶບລັບອິສຣາແອລ ໄດ້ສະແດງໃຫ້ເຫັນເຖິງ “ຄວາມສຳ
ຄັນຂອງເປົ້າໝາຍ” ຊຶ່ງຜູ້ກ່ຽວ ເປັນຜູ້ຕ້ອງສົງໄສ ເປັນ ຜູ້ບົງການ ຢູ່ເບື້ອງຫລັງການລັກພາ
ໂຕປະກັນ ຊາວຕາເວັນຕົກ ຢູ່ Lebanon ໃນຊຸມປີ 1980 ແລະ ການວາງລະເບີດໃນປີ
1992 ຢູ່ສະຖານທູດອິສຣາແອລ ໃນປະເທດ Agentina ທີ່ເຮັດໃຫ້ 20 ຄົນເສຍຊີວິດ.
ໜັງສືພິມສະບັບນີ້ກ່າວວ່າ ໃນເວລາທີ່ທ້າວ Mughniyah ເສຍຊີວິດນັ້ນ ຜູ້ກ່ຽວ ແມ່ນມີ
ສ່ວນພົວພັນກັບການສັງຫານຊາວອາເມຣິກັນຫລາຍຮ້ອຍຄົນ ຮວມທັງເຈົ້າໜ້າທີ່ສືບລັບ
CIA ແປດຄົນ.
