ປາກິສຖານ ກຳລັງສ້າງລະເບີດນິວເຄລຍ 20 ລູກຕໍ່ປີ ແລະ
ອາດຈະເປັນ ມະຫາອຳນາດນິວເຄລຍໃຫຍ່ສຸດອັນດັບສາມ
ຂອງໂລກພາຍໃນນຶ່ງທົດສະວັດ ອີງຕາມລາຍງານສະບັບໃໝ່.
ກອງທຶນເພື່ອສັນຕິພາບນາໆຊາດ Carnegie ແລະສູນກາງ
Stimson ກ່າວວ່າ ປາກິສຖານ ອາດຈະມີຫົວລະເບີດນິວ
ເຄລຍ ຢູ່ໃນຄວາມຄອບຄອງແລ້ວ ຢ່າງໜ້ອຍ 350 ລູກ. ມີ
ແຕ່ສະຫະລັດແລະຣັດເຊຍເທົ່ານັ້ນ ທີ່ອາດຈະມີຫົວລະເບີດ
ດັ່ງກ່າວຫລາຍກວ່ານີ້.
ລາຍງານໄດ້ອ້າງວ່າ ປາກິສຖານເບິ່ງຄືວ່າມີຄວາມຕ້ອງການ
ເພື່ອຮັກສາບາດກ້າວ ໃຫ້ທັນກັບອິນເດຍທີ່ເປັນຄູ່ແຂ່ງ.
ລາຍງານກ່າວວ່າ “ຖ້າຫາກການຢັບຢັ້ງ ບໍ່ປະສົບຜົນສຳເລັດເປັນທີ່ປາກົດວ່າປາກິສຖານ
ບໍ່ມີຄວາມຕັ້ງໃຈທີ່ຈະເສຍໄຊ ສົງຄາມນິວເຄລຍໃຫ້ແກ່ອິນເດຍ”.
ແຕ່ລາຍງານກ່າວວ່າ ປາກິສຖານ ຈະຕ້ອງໃຊ້ຈ່າຍເປັນເງິນຈຳນວນຫຼວງຫຼາຍ ໃນການ ເສີມສ້າງຄັງລະເບີດນິວເຄລຍຂອງຕົນ. ລາຍງານກ່າວຕື່ມວ່າ “ໃນຂະນະທີ່ພົນລະເມືອງ ກຳລັງເພີ້ມຂື້ນ ຄວາມຕ້ອງການ ອັນສຳຄັນຂອງສັງຄົມແລະການສຶກສາ ການຂາດພະລັງ ງານທີ່ຮ້າຍແຮງ ພ້ອມ ທັງຄວາມຕ້ອງການທີ່ຈະຊຸກຍູ້ການໃຊ້ກົດໝາຍແລະລະບົບຍຸດຕິ
ທຳ ອິສລາມາ ບັດ ບໍ່ສາມາດທີ່ຈະໃຊ້ຈ່າຍໃນດ້ານນິວເຄລຍທີ່ຈະເປັນໜີ້ສິນເພີ້ມຂຶ້ນໃນ
ຫຼາຍໆ ທົດສະວັດຂ້າງໜ້ານີ້”.
ປາກິສຖານ ຍັງບໍ່ທັນໄດ້ຕອບໂຕ້ໃດໆຕໍ່ລາຍງານນີ້.
ໂຄສົກ ກະຊວງຕ່າງປະເທດ ສະຫະລັດ ຄົນໝຶ່ງ ກ່າວວ່າ ໃນຂະນະທີ່ ບັນດາເຈົ້າໜ້າທີ່
ສະຫະລັດ ຍັງສຶກສາເບິ່ງລາຍງານນີ້ຢູ່ ເຂົາເຈົ້າຂໍຮຽກຮ້ອງໃຫ້ປາກິສຖານ ແລະປະເທດ
ທີ່ມີລະເບີດນິວເຄລຍທັງໝົດ ຈົ່ງໃຊ້ຄວາມຢັບຢັ້ງ.
ອິນເດຍ ແລະປາກິສຖານ ທີ່ໄດ້ສູ້ລົບກັນມາສາມຄັ້ງແລ້ວ ຕ່າງກໍໄດ້ປະກາດຕົນເອງວ່າ
ເປັນມະຫາອຳນາດນິວເຄລຍ ໃນປີ 1998 ແລະສາຍສຳພັນ ລະ ຫວ່າງສອງປະເທດ ຍັງ
ຄົງມີຄວາມເຄັ່ງຕຶງ.
ອິນເດຍໄດ້ໃຫ້ຄຳໝັ້ນສັນຍາວ່າ ຈະບໍ່ເປັນຜູ້ທຳອິດເລີ້ມໂຈມຕີດ້ວຍອາວຸດນິວເຄລຍ
ແຕ່ ປາກິສຖານ ມາຮອດປັດຈຸບັນນີ້ ຍັງບໍ່ຍອມໃຫ້ສັນຍາແບບອິນເດຍ.
