ລິ້ງ ສຳຫລັບເຂົ້າຫາ

ວັນອາທິດ, ໑໔ ກໍລະກົດ ໒໐໒໔

ມີຜູ້ນຶ່ງ ບາດເຈັບ ໃນເຫດລະເບີດ ຢູ່ນອກ ສະຖານທູດ ອາເມຣິກັນ ທີ່ປັກກິ່ງ


ເຈົ້າໜ້າທີ່ ແລະເຈົ້າໜ້າທີ່ຮັກສາຄວາມປອດໄພ ພາກັນຢືນ
ສຳຫຼວດ ໃກ້ໆກັບບ່ອນເກີດເຫດ ທາງໃຕ້ຂອງສະຖານທູດ
ອາເມຣິກັນ ທີ່ປັກກິ່ງ, 26 ກໍລະກົດ 2018.
ເຈົ້າໜ້າທີ່ ແລະເຈົ້າໜ້າທີ່ຮັກສາຄວາມປອດໄພ ພາກັນຢືນ ສຳຫຼວດ ໃກ້ໆກັບບ່ອນເກີດເຫດ ທາງໃຕ້ຂອງສະຖານທູດ ອາເມຣິກັນ ທີ່ປັກກິ່ງ, 26 ກໍລະກົດ 2018.

​ຊາຍ​ຜູ້​ນຶ່ງ​ໄດ້​ຮັບ​ບາດ​ເຈັບ ເວລາ​ລະ​ເບີດ​ທີ່​ເຮັດ​ຂຶ້ນ​ເອງ ຊຶ່ງ​ລາວ​ຖືໄປນຳນັ້ນໄດ້ແຕກຂຶ້ນ
ຢູ່ຂ້າງ​ນອກ​ສະຖານທູດອາ​ເມຣິກັນ ​ທີ່ນະຄອນຫຼວງ​ປັກ​ກິ່ງ ​ໃນ​ວັນ​ພະ ຫັດ​ມື້​ນີ້.

ຕຳຫຼວດ​ໃນປັກ​ກິ່ງ ​ໄດ້​ລະບຸມືລະ​ເບີດ​ນັ້ນ​ວ່າ ​ແມ່ນ​ຊາຍ​ໄວ 26 ປີ ຈາກ​ເຂດ​ມົງ​ໂກ​ເລຍ
​ໃນ. ມື​ຂອງ​ລາວ​ໄດ້​ຮັບ​ບາດ​ເຈັບ​ຍ້ອນ​ລະ​ເບີດ​ດັ່ງກ່າວແຕກໃສ່ ຊຶ່ງ​ຕຳຫຼວດ​ກ່າວ​ວ່າ
ລະ​ເບີດທີ່​ວ່າ​ນີ້ ​ແມ່ນ​ເຮັດ​ຈາກບັ້ງໄຟດອກ.

​ເຫດ​ລະ​ເບີດດັ່ງກ່າວ​ນີ້ ​ໃກ້​ໆກັບບ່ອນ​ທີ່​ພວກ​ຜູ້​ຄົນຢືນ​ເຂົ້າ​ແຖວ ທີ່ຍື່ນ​ໃບ​ສະໝັກ​ຂໍ​ວີ​ຊາ ​
ເພື່ອ​ການ​ສຳພາດ. ​

ພາບ​ທີ່​ໄດ້​ລົງ​ໃນ​ສື່​ສັງຄົມ ຫຼັງ​ຈາກ​ລະ​ເບີດ​ໄດ້​ແຕກ​ຂຶ້ນ ​ສະ​ແດງ​ໃຫ້​ເຫັນ​ວ່າ ມີແປວ
ຄວັນຂະໜາດໃຫຍ່ ​ກຸ້ມ​ຂຶ້ນ​ ຢູ່ຂ້າງ​ນອກ​ສະຖານທູດ ​ໃນ​ນະຄອນ​ຫຼວງ​ຂອງ​ຈີນ. ສະຖານ
ທູດ​ແມ່ນ​ຕັ້ງ​ຢູ່ໃນເຂດ ​ທີ່​ມີ​ບັນດາ​ສະຖານທູດຂອງປະເທດ​ອື່ນໆ​ຕັ້ງ​ຢູ່ ຊຶ່ງ​ຮວມທັງສະຖານ
ທູດ​ອິນ​ເດຍ​ແລະ​ອິສຣາ​ແອ​ລ ນຳ ຂອງນະຄອນຫຼວງປັກກິ່ງ.

ໜັງສືພິມ​ Global Times ຂອງທາງການ ​ໃນ​ເຊົ້າ​ວັນ​ພະຫັດ​ມື້​ນີ້ ​ໄດ້​ກ່າວ​ວ່າ ຕຳຫຼວດ
ໄດ້​ຈັບ​ກຸມ​ແມ່ຍິງ​ຄົນ​ນຶ່ງ​ໃກ້ໆ​ກັບ​ສະຖານທູດອາ​ເມຣິກັນ ຜູ້​ຊຶ່ງ​ໄດ້​ເທ​ນ້ຳມັນ​ໃສ່​ລາວ​ເອງ
ໃນ​ຄວາມ​ພະ​ຍາ​ຍາມທີ່ສົງໄສວ່າ ອາດຈະ​ເຜົາ​ຕົວ​ເອງ​ຕາຍ.

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

XS
SM
MD
LG