ກຸ່ມປົກປ້ອງສິດທິມະນຸດສາກົນກຸ່ມນຶ່ງໄດ້ຮຽກຮ້ອງໃຫ້ສະຫະ
ພາບຢູໂຣບ “ສືບຕໍ່ການປະຕິບັດງານຊອກຫາ ແລະກູ້ໄພທີ່
ເຂັ້ມແຂງ” ເພື່ອຊ່ວຍພວກອົບພະຍົບ ທີ່ຊອກຫາບ່ອນລີ້ໄພ
ໃນຂະນະທີ່ອົບພະຍົບຫລາຍພັນຄົນ ພາກັນຂ້າມທະເລ
Mediterranean ແລະຢູໂຣບດີ້ນລົນພັດທະນານະໂຍບາຍ
ໃໝ່ ເພື່ອຮັບມືກັບວິກິດການດັ່ງກ່າວ.
ກຸ່ມປົກປ້ອງສິດທິມະນຸດ Human Rights Watch ຫຼື HRW
ໄດ້ເຜີຍແຜ່ລາຍງານສະບັບນຶ່ງ ຮຽກຮ້ອງໃຫ້ບັນດາຜູ້ນຳສະ
ຫະພາບຢູໂຣບໃຫ້ບູລິມະສິດ ແກ່ເລື້ອງສິດທິມະນຸດເວລາເຂົາ
ເຈົ້າສອບຖາມອົບພະຍົບ ຢູ່ທີ່ກອງປະຊຸມສຸດຍອດໃນອາທິດ
ໜ້າ ຄືລະຫວ່ງວັນທີ 25 ຫາ 26 ມິຖຸນາຈະມາເຖິງນີ້.
ກຸ່ມປົກປ້ອງສິດທິມະນຸດກຸ່ມນີ້ກ່າວວ່າ ຕົນໄດ້ສຳພາດອົບພະຍົບທີ່ຫາກໍ່ມາເຖິງ ຫວ່າງມໍ່ໆ
ມານີ້ 150 ຄົນ ທີ່ໝູ່ເກາະຂອງອີຕາລີ ແລະກຣິສ ຊຶ່ງເປັນເປົ້າໜາຍທີ່ສຳຄັນໃນການເດີນ
ທາງຂອງຜູ້ຄົນທີ່ຫລົບໜີຈາກພາກຕາເວັນອອກກາງແລະ ອາຟຣິກາ ໄປສູ່ຢູໂຣບ. HRW
ກ່າວວ່າ ພວກອົບພະຍົບຫລາຍຄົນກ່າວວ່າ ເຂົາເຈົ້າພະຍາຍາມຫລົບໜີຈາກການລະເມີດ
ສິດທິມະນຸດ ຢູ່ໃນປະເທດຂອງເຂົາເຈົ້າ.
ຫວ່າງມໍ່ໆມານີ້ໄດ້ມີການເພີ້ມທະວີຂື້ນຂອງພວກອົບພະຍົບ ທີ່ສ່ຽງຕໍ່ການເດີນ ທາງຂ້າມ
ທະເລ. ບັນດາຜູ້ສັງເກດການກ່າວວ່າ ຖິ້ມໂທດໃສ່ສະພາບທີ່ຊຸດໂຊມລົງໃນປະເທດລີເບຍ
ຊຶ່ງບ້ານເມືອງບໍ່ມີຂື່ມີແປ ອັນເປັນຈຸດເລີ້ມອອກເດີນທາງໃນ ອາຟຣິກາເໜືອຂອງພວກອົບ
ພະຍົບ. ພວກອົບພະຍົບຫລາຍຄົນພາກັນມາຈາກ Syria, Nigeria, Mali ແລະ Eritrea
ເພື່ອຫລົບໜີຈາກສົງຄາມ ກນປະຫັດ ປະຫານດ້ານການເມືອງ ແລະຄວາມລຳບາກດ້ານເສດຖະກິດ.
ທ່ານນາງ Judith Sunderland ເຈົ້າໜ້າທີ່ຄົ້ນຄວ້າຂັ້ນສູງຂອງຢູໂຣບຕາເວັນຕົກ ທີ່ຫ້ອງການສິດທິມະນຸດ HRW ແລະຜູ້ຂຽນລາຍງານສະບັບນີ້ ກ່າວວ່າ “ສ່ວນຫລາຍ ຂອງພວກທີ່ຂ້າມທະເລ Mediterranean ແມ່ນພາກັນສ່ຽງສູງ ເພາະວ່າເຂົາເຈົ້າຈຳເປັນ ບໍ່ແມ່ນເຂົາເຈົ້າຢາກເຮັດ. ການຊ່ວຍຊີວິດ ແລະເພີ້ມເສັ້ນທາງການເດີນທາງທີ່ປອດໄພໄປສູ່ຢູໂຣບ ຄວນເປັນບູລິມະສິດຂອງສະຫະ ພາບຢູໂຣບ ໃນຂະນະທີ່ໃຫ້ການຄໍ້າປະກັນວ່າ ການປະສານງານທັງໝົດກັບບັນ ດາປະເທດຕ່າງໆ ອັນເປັນທີ່ມາ ແລະບັນດາປະເທດຂ້າມຜ່ານ ໃຫ້ການນັບຖືມາດຕະຖານສິດທິມະນຸດຂອງນາໆຊາດ.
