ລາຍງານປະຈຳປີຂອງສະຫະລັດ ກ່ຽວກັບເສລີພາບໃນ
ການເຊື່ອຖື ສາສະໜາໃນທົ່ວໂລກ ໄດ້ໃຫ້ຂໍ້ສັງເກດວ່າ
ສິ່ງທ້າທາຍຕໍ່ເສລີພາບໃນການເຊື່ອຖື ແລະການປະຕິບັດ
ສາສະໜາຢູ່ໃນຫລາຍປະເທດໃນພາກພື້ນເອເຊຍຕາເວັນ ອອກສຽງໃຕ້ນັ້ນ ແມ່ນຍັງມີຢູ່.
ກະຊວງການຕ່າງປະເທດສະຫະລັດ ລາຍງານວ່າ ມຽນ
ມາ ”ເປັນປະເທດທີ່ໜ້າເປັນຫ່ວງເປັນພິເສດ” ເພາະລະ
ບອບຜະເດັດການຂອງປະເທດນັ້ນ ໄດ້ວາງຂໍ້ກີດກັ້ນຕໍ່
ການປະຕິ ບັດສາສະໜາກິດ ຂອງພວກຊົນກຸ່ມນ້ອຍ
ເຊ່ນພວກມຸສະລິມແລະຄຣິສຕຽນ. ນອກນັ້ນ ພວກເຈົ້າ
ໜ້າທີ່ຍັງຕິດຕາມເບິ່ງຢ່າງໃກ້ຊິດ ການດໍາເນີນຄວາມ
ພະຍາຍາມຂອງພວກພະສົງ ທີ່ຈະສົ່ງເສີມສິດທິມະນຸດ
ແລະເສລີພາບທາງການເມືອງ. ໂດຍທົ່ວໄປແລ້ວ ລັດຖະ
ບານທະຫານມຽນມາໄດ້ອະນຸຍາດໃຫ້ບັນດາກຸ່ມສາສະ
ໜາທີ່ໄດ້ລົງທະບຽນນຳລັດ ນັບຖືສາສະໜາໃດກໍໄດ້ ຕາມທີ່ພວກເຂົາເຈົ້າມັກ.
ລາຍງານນີ້ຍັງເວົ້າອີກວ່າ ສະພາບການໂດຍທົ່ວໄປ ແມ່ນດີຂຶ້ນຢູ່ໃນອິນໂດເນເຊຍແລະ
ມາເລເຊຍ ເຖິງແມ່ນວ່າ ລັດຖະບານປະເທດເຫລົ່ານີ້ ບໍ່ໄດ້ປົກປ້ອງພວກທີ່ຖືສາສະໜາ
ທີ່ມີຄົນນັບຖືໜ້ອຍ ຈາກການຖືກຈຳແນກກີດກັນ ເປັນລາຍບຸກຄົນ ໂດຍພວກຊົນກຸ່ມ
ໃຫຍ່ ທີ່ນັບຖືສາສະໜາອິສລາມນັ້ນ.
ລາຍງານນີ້ ຍັງລະບຸວ່າ ລັດຖະບານຄອມມີວນິສ ຢູ່ຫວຽດນາມກໍໄດ້ ຈໍາກັດຮັດແຄບກິດ
ຈະກຳທາງສາດສະໜາ ຂອງພວກກຸ່ມສາດສະໜາຕ່າງໆ.
ສ່ວນຢູ່ລາວນັ້ນ ລາຍງານເວົ້າວ່າ ພວກເຈົ້າໜ້າທີ່ ຢູ່ໃນເຂດຕົວເມືອງຕ່າງໆ ໄດ້ສະແດງໃຫ້
ເຫັນວ່າ ມີການຍອມຮັບການປະຕິບັດສາສະໜາ ທີ່ບໍ່ແມ່ນສາສະໜາພຸດຫລາຍຂຶ້ນ ແຕ່ກໍ
ຍັງມີການບໍ່ຍອມຮັບຢູ່ໃນຫລາຍໆເຂດຊົນນະບົດ.
