ໃນວັນຈັນວານນີ້ ຕຳຫລວດຮັງກາຣີ ໄດ້ປະສົບກັບຄວາມຫຍຸ້ງ
ຍາກທີ່ຈະຄວບຄຸມການເຂົ້າເມືອງຂອງພວກອົບພະຍົບຈຳນວນ
ຫຼາຍພັນຄົນ ໃນເຂດຊາຍແດນທີ່ຕິດກັບ Serbia ນັ້ນ.
ຕຳຫຼວດໄດ້ຄວບຄຸມພວກອົບພະຍົບ ທີ່ອ່ອນເພຍ ແລະພວກ
ທີ່ບໍ່ຢູ່ເສີຍກັບທີ່ໃນບໍລິເວນຄຸມຂັງບ່ອນນຶ່ງບໍ່ເທົ່າໃດແມັດຫ່າງ
ຈາກຮົ້ວຊາຍແດນ ບ່ອນທີ່ທາງລົດໄຟ ເສື່ອມຕໍ່ເຊີເບຍກັບຮັງ
ກາຣີນັ້ນ ແລະບ່ອນທີ່ພວກອົບພະຍົບ ທີ່ໄດ້ພາກັນຍ່າງເຂົ້າມາ. ໃນຂະນະທີ່ລົດເມໄດ້ມາ
ຮອດສະຖານທີ່ເພື່ອສົ່ງຜູ້ຄົນໄປສູນຈົດທະບຽນ ຜູ້ຄົນຈຳນວນຫຼາຍຮ້ອຍຄົນ ພາກັນຍາດກັນແລະຢຽບກັນ.
ວິກິດການ ຊາວອົບພະຍົບ ໃນຢູໂຣບ ວັນທີ 7 ກັນຍາ
ບາງຄົນພະຍາຍາມທີ່ຈະາຂຶ້ນໄປໃນລົດເມ ໃນຂະນະທີ່ອີກຫຼາຍໆຄົນ ພາກັນເລີ້ມຍ່າງ
ມຸ່ງໜ້າໄປຍັງນະຄອນ Budapest ບ່ອນທີ່ຫຼາຍໆຄົນຫວັງທີ່ຈະຂຶ້ນລົດໄຟ ເພື່ອໄປຍັງ
ຈຸດໝາຍປາຍທາງ ຄືຊາຍແດນ Austria ແລະ ຕໍ່ໄປຍັງເຢຍຣະມັນ.
ທ່ານ Kristof Gancs ໂຄສົກຂອງອົງການຊ່ອຍເຫຼືອບັນເທົາທຸກໂບດຂອງຮັງກາຣີ ໄດ້
ກ່າວວ່າ: “ໃນແຕ່ລະມື້, ຜູ້ຄົນຈຳນວນຫຼາຍພັນຄົນພາກັນລຸລັ່ງຂ້າມຊາຍແດນເຂົ້າມາ;
ມື້ນີ້ ພຽງມື້ດຽວເທົ່ານັ້ນ ມີຫຼາຍກວ່າ 2 ພັນ ຄົນ ໄດ້ຜ່ານເຂົ້າມາທາງເຂດຊາຍແດນ ຊຶ່ງໝາຍຄວາມວ່າ ພວກເຂົາເຈົ້າໄດ້ເຂົ້າສູ່ເຂດສະຫະພາບຢູໂຣບແລ້ວ.” ທ່ານ Gancs
ແລະພວກພະນັກງານຄົນອື່ນໆ ໄດ້ບອກທາງແລະຂັ້ນຕອນຕ່າງໆ ໃຫ້ແກ່ພວກອົບພະຍົບ ທີ່ພາກັນຍ່າງເຂົ້າມາຕາມທາງລົດໄຟນັ້ນ ບາງຄົນກໍ່ຍູ້ລໍ້ໃສ່ລູກ ແລະບາງພວກກໍຍູ້ຜູ້ເຖົ້າ
ຜູ້ແກ່ ໃສ່ລົດເຂັນມາ.
ພວກອົບພະຍົບ ທີ່ຖືກສຳພາດນັ້ນ ພາກັນເລົ່າເຖິງເລື້ອງລາວທີ່ວ່າ ພວກເຂົາເຈົ້າໄດ້ອົບ
ພະຍົບໜີອອກຈາກບ້ານເກີດເມືອງນອນຂອງຕົນ. ຜູ້ອົບພະຍົບຈາກອັຟການິສຖານ
ກ່າວໃນຂະນະທີ່ລາວກຳລັງເຂົ້າໄປເຖິງເຂດທີ່ຕຳຫຼວດກວດກາ ທີ່ກີດກັນດ້ວຍຮົ້ວນັ້ນວ່າ: “ຂ້ອຍຕ້ອງການທີ່ຈະໄປຍັງສະຖານທີ່ຂ້ອຍສາມາດດຳລົງຊີວິດ ແລະບ່ອນທີ່ຈະມີຊີວິດ
ຢູ່ຕໍ່ໄປໄດ້”
ພວກພະນັກງານຊ່ອຍເຫຼືອ ແມ່ນພະຍາຍາມທີ່ຈະໃຫ້ພວກອົບພະຍົບ ຢູ່ໃນຄວາມສະງົບ ຄວບຄຸມສະຕິອາລົມຊຶ່ງພວກຢ້ານກົວວ່າທາງຕຳຫຼວດຮັງກາຣີຈະສົ່ງພວກເຂົາເຈົ້າກັບຄືນ
ປະເທດ.
ໃນການປ່ຽນນະໂຍບາຍນັ້ນ, ປະຈຸບັນນີ້ ຮັງກາຣີ ໄດ້ອະນຸຍາດໃຫ້ພວກອົບພະຍົບຜ່ານ
ປະເທດຕົນ ໄປຍັງຊາຍແດນ Austria ສຳຫຼັບພວກທີ່ກ່າວວ່າ ຕົນແມ່ນພວກອົບພະຍົບ
ແລະບໍ່ແມ່ນພວກອົບພະຍົບທາງເສດຖະກິດ. ໃນຂັ້ນຕອນການດຳເນີນງານ ເຈົ້າໜ້າທີ່
ຮັງກາຣີ ແມ່ນໄດ້ລົງທະບຽນ ເກັບກຳເອົາລາຍມື ແລະຄວບຄຸມໃຫ້ພວກເຂົາເຈົ້າ ຢູ່ໃນສູນ
ຈົດທະບຽນໃນຂະນະທີ່ສະຖານະພາບຂອງພວກເຂົາເຈົ້າຖືກກວດສອບແລະລະບຸ
ພ້ອມທັງ ການຕັດສິນໃຈ ທີ່ວ່າຈະສົ່ງພວກອົບພະຍົບນີ້ໄປຍັງຊາຍແດນ Austria ຫຼືສົ່ງກັບ
ເຊີເບຍ.
ເບິ່ງ: ຊາຍແດນຮັງກາຣີ ແລະເຊີເບຍ ຈາກນັກຂ່າວຂອງ VOA - Luis Ramirez
