ປະທານ ຄະນະກຳມະການ ອົງການກາແດງສາກົນ ພວມຢູ່
ໃນປະເທດເຢເມັນ ເພື່ອຈະນຳເອົາເລື້ອງທີ່ ພວກເຂົາເອີ້ນວ່າ
ວິກິດການ ດ້ານມະນຸດສະທຳ ທີ່ຮ້າຍແຮງທີ່ສຸດ ໃນປະເທດ
ເຢເມັນນັ້ນ ຂຶ້ນມາ.
ທ່ານ Peter Maurer ກ່າວຕໍ່ບັນດານັກຂ່າວ ໃນນະຄອນຫຼວງ
ຊານາອາ ທີ່ຄວບຄຸຸມໂດຍພວກກະບົດ ໃນວັນເສົາວານນີ້ ວ່າ
ທ່ານກໍຕ້ອງການຢາກ “ຮັບປະກັນວ່າ ບັດດາກົດລະບຽບ
ແລະ ຫຼັກການຕ່າງໆ ແມ່ນຕ້ອງໄດ້ຮັບການເຄົາລົບນັບຖື
ໃນລະຫວ່າງການສູ້ລົບກັນນັ້ນ.”
ທ່ານ Maurer ກ່າວອີກວ່າ ທ່ານມີແຜນຈະພົບປະກັບທຸກພັກຝ່າຍ ທີ່ກຳລັງຕໍ່ສູ້ກັນ ຢູ່
ໃນເຢເມັນ.
ພວກກະບົດ ຮູທີນິກາຍຊີໄອ ທີ່ໄດ້ຮັບການໜູນຫຼັງຈາກອີຣ່ານ ໄດ້ເຂົ້າຢຶດເອົານະຄອນ
ຫຼວງຊານາອາ ໃນເດືອນກັນຍາທີ່ຜ່ານມາ ແລະ ກໍໄດ້ຢຶດເອົາເມືອງທ່າເຮືອ Aden ທີ່
ສຳຄັນຢູ່ທາງພາກໃຕ້ຂອງປະເທດ ແລະ ບັງຄັບໃຫ້ລັດຖະບານຂອງປະທານາທິບໍດີ
ທ່ານ Abdu Rabu Mansour Hadi ທີ່ສະໜັບສະໜູນໂດຍບັນດາປະເທດຕາເວັນຕົກ
ຫລົບໜີໄປຍັງ ປະເທດຊາອຸດີ ອາເຣເບຍ
ການໂຈມຕີທາງອາກາດທີ່ນຳພາໂດຍຊາອຸດີ ອາເຣເບຍ ແລະ ການຕໍ່ສູ້ທາງພາກພື້ນດິນ
ລະຫວ່າງ ຊາວຮູທີ ແລະ ກອງກຳລັງທີ່ສະໜັບສະໜູນລັດຖະບານ ໄດ້ທະວີຄວາມທຸກ
ຍາກລຳບາກ ຢູ່ໃນເຢເມັນ. ປະມານ 80 ເປີເຊັນຂອງປະຊາກອນເຢເມັນ ແມ່ນຕ້ອງການ
ອາຫານ ແລະ ການຊ່ວຍເຫຼືອດ້ານມະນຸດສະທຳ ໃນທັນທີ ອີງຕາມອົງການສະຫະປະຊາຊາດ.
