ລິ້ງ ສຳຫລັບເຂົ້າຫາ

ສະ​ພາບ ອາກາດໜາວ​ຈັດ ປົກ​ຄຸມ ສ່ວນ​ໃຫ​ຍ່ ຂອງ ສຫລ (ສະ​ໄລ​ດ໌/​ວີ​ດີ​ໂອ)


ປະຊາກອນ​ສ່ວນຫລາຍ ຢູ່​ໃນ ສະຫະລັດ ກໍາລັງ​ພາກັນ​ປະ​ເຊີນ​
ໜ້າ​ກັບ ອາກາດ​ໜາວ​ທີ່​ບໍ່ໄດ້ເຫັນມາເປັນ 20 ປີ​ແລ້ວ.

ກົມ​ອຸຕຸ​ນິຍົມ​ແຫ່ງ​ຊາດ ລາຍ​ງານ​ວ່າ ອາກາດ​ທີ່ແຜ່​ຂະຫຍາຍ​ທົ່ວ
​ປະ​ເທດ​ເວລາ​ນີ້ “ເປັນ​ອາກາດ​ໜາວອັນຕະລາຍທີ່​ສຸດ” ແລະ​ໄດ້
​ເຕືອນເຖິງ​ລົມ​ໜາວ​ໃນ​ວັນ​ຈັນ​ມື້​ນີ້ ວ່າ​ຈະ​ມີ​ໄປ​ຕັ້ງ​ແຕ່ ລັດ North
Dakota ມາ​ຫາພາກ​ເໜືອ​ຂອງລັດ New York ​ແລະລົງສູ່ພາກ​
ໃຕ້​ໃນ​ລັດ Alabama.

ທ່ານ Carl Erickson ນັກ​ພະຍາກອນ​ອາກາດ​ຄົນ​ນຶ່ງ ກ່າວ​ຕໍ່ ວີ​ໂອ​ເອ ວ່າ ລົມໜາວ ຢູ່​ໂຕ​ເມືອງ​ຕ່າ​ງໆ​ຂອງ​ຝັ່ງ​ຕາ​ເວັນ​ອອກ ອາດ​ຕໍ່າເຖິງລົບ 20 ຫາ 30 ອົງສາ​ແຊັນ​ຊຽດ ຕໍ່າ​ກວ່າສູນ ​ໃນ​ຂະນະຢູ່​ທີ່ ລັດ Montana ​ແລະ North Dakota ​ໂຕ​ເລກ​ດັ່ງກ່າວ​ອາດ​ຕໍ່າ​ເຖິງລົບ​ 50 ອົງສາກໍ​ເປັນ​ໄດ້.

ທ່ານ Erickson ກ່າວ​ວ່າ:

“ຂ່າວ​ດີ​ນັ້ນ​ກໍ​ຄື ​ເຖິງ​ແມ່ນ​ວ່າ ນີ້​ເປັນລະບົບ​ອາກາດ​ທີ່​ໜາວຫລາຍ ທີ່​ພວກ​ເຮົາ​ບໍ່​ໄດ້​ພົບເຫັນ​ມາ​
ໄດ້​ຫລາຍ​ສິບ​ປິ​ແລ້ວກໍ​ຕາມ​ແຕ່ ມັນກໍ​ຈະ​ຢູ່​ບໍ່​ດົນ. ​ຊຶ່ງເມື່ອ​ຕົກ​ເຖິງ ວັນ​ພຸດ ລົມ​ຈະ​ເລີ້​ມອ່ອນ​ລົງ
ຄວາມ​ໜາວກໍ​ຈະເບົາ​ລົງ ​ແລະ​ເຖິງ​ແມ່ນ​ວ່າຈະ​ບໍ່​ມີ​ກາກາດ​ອົບ​ອຸ່ນ​ຂື້ນ​ມາກໍ​ຕາມ ​ແຕ່​ແນ່ນອນ​
ວ່າ ມັນ​ຈະ​ຮູ້ສຶກ​ດີ​ຂື້ນ​ມາ​ໜ້ອຍ​ນຶ່ງ​ໃນ​ວັນ​ພຸດ ປຽບທຽບ​ໃສ່​ກັບ​ສອງສາມ​ມື້​ຂ້າງໜ້ານີ້.​ເບິ່ງຄື​ວ່າ
​ເມື່ອ ກ້າວ​ເຂົ້າສູ່​ວັນ​ພະຫັດ ​ແລະ​ວັນ​ສຸກ ອາກາດ​ຈະ​ກັບ​ຄືນເຂົ້າ​ສູ່​ລະດັບປົກກະຕິທົ່ວ​ໄປ ອາດ
​ຈະ​ຢູ່​ໃນ​ລະດັບ 5 ຫາ 10 ອົງສາ​ສູງ​ກວ່າສູນ ຢູ່ໃນ​ໂຕເມືອງ​ໃຫ​ຍ່ຕ່າງໆ ​ໃນ​ວັນພະຫັດ ​ແລະ
​ວັນ​ສຸກ.

ອາ​ກາດ​ໜາວ ​ແລະ​ຫິມະ​ຕົກ​ໃໝ່ ​ແທກ​ໄດ້ 30 ຊັງ​ຕີ​ແ​ມດ ຢູ່​ບາງ​ບ່ອນ ທີ່​ພາກ​ຕາ​ເວັນຕົກກາງ
ຂອງ​ປະ​ເທດ ​ໄດ້​ເຮັດ​ໃຫ້​ເປັນ​ອັນຕະລາຍແກ່ສະພາບການ​ເດີນທາງ ບັງຄັບ​ໃຫ້​ໂຮງຮຽນທັງ
ຫລາຍ​ປິດ ​ແລະ​ບັນດາ​ສາຍ​ການບິນ ລົບ​ລ້າງ​ຫລາຍ​ພັນ​ຖ້ຽວ​ບິນ. ​ ​



XS
SM
MD
LG