ລິ້ງ ສຳຫລັບເຂົ້າຫາ

ວັນອາທິດ, ໑໖ ມິຖຸນາ ໒໐໒໔

ຝ່າຍກະບົດທໍາການໂຈມຕີ ເມືອງຫລວງຂອງລີເບຍ


ປະຊາຊົນທີ່ເມືອງ Benghazi ພາກັນສະເຫລີມສະຫລອງ ຫລັງຈາກໄດ້ຂ່າວວ່າ ຝ່າຍກະບົດກໍາລັງບຸກໂຈມຕີ ນະຄອນຫລວງທຣີໂປລີ, ຕອນເຊົ້າມືດຂອງ ວັນທີ 21 ສິງຫາ 2011
ປະຊາຊົນທີ່ເມືອງ Benghazi ພາກັນສະເຫລີມສະຫລອງ ຫລັງຈາກໄດ້ຂ່າວວ່າ ຝ່າຍກະບົດກໍາລັງບຸກໂຈມຕີ ນະຄອນຫລວງທຣີໂປລີ, ຕອນເຊົ້າມືດຂອງ ວັນທີ 21 ສິງຫາ 2011

ສຽງລະເບີດແລະສຽງປືນໄດ້ສັ່ນສະເທືອນ ນະຄອນຫລວງຕຣີໂປລີຂອງ​ລີ​ເບຍ ຕະຫລອດ
ຄືນທີ່​ຜ່ານ​ມາ​ນີ້ ໃນຂະນະທີ່ຝ່າຍທີ່​ຄັດຄ້ານຕໍ່ ມວມມາ ກາດດາຟີ ໄດ້ເປີດສາກໂຈມຕີໃນ
ອັນທີ່ພວກເຂົາຫວັງວ່າ ຈະເປັນການຂັບດັນບັ້ນສຸດທ້າຍໃນການກໍ່ກະບົດມາ​ເປັນ​ເວລາ​ດົນ
ເຖິງຫົກເດືອນແລ້ວ ເພື່ອໂຄ່ນລົ້ມຜູ້ນໍາລີເບຍ ທີ່ປົກຄອງປະເທດມາເປັນເວລາຍາວນານນັ້ນ.

ໃນການຖະແຫລງທີ່​ຖ່າຍ​ທອດ​ອອກ​ອາກາດ​ສົດ​ທາງໂທລະພາບຂອງລັດ ​ໃນ​ວັນ​ອາທິດ​ມື້​ນີ້
ທ່ານກາດດາຟີ ໄດ້ຮຽກຮ້ອງພວກສະໜັບສະໜຸນຕົນ ຈົ່ງພາກັນອອກມາເດີນຂະບວນເປັນ
ຈໍານວນຫລາຍລ້ານຄົນ ເພື່ອທັບມ້າງການລຸກຮືຂື້ນຕໍ່ຕ້ານລັດຖະບານນັ້ນ. ທ່ານກາດດາຟີ
ບໍ່​ໃຫ້​ຄວາມ​ສໍາຄັນ​ແກ່ການປະທ້ວງ ​ໂດຍ​ກ່າວ​ວ່າ ມັນເປັນຄວາມພະຍາຍາມທີ່ບໍ່​ມີ​ທາງ​ປະ
ສົບ​ຜົນ​ສໍາ​ເລັດ ຂອງພວກທໍລະຍົດ ແລະພວກເນລະຄຸນ.

ນາຍ Seif al-Islam ລູກຊາຍຂອງກາດດາຟີ ກໍ​ໄດ້ກ່າວໃນຄໍາປາໃສ ທີ່ອອກອາກາດໃນ
ວັນອາທິດມື້ນີ້ເຊັ່ນກັນນັ້ນວ່າ ລັດຖະບານກາດດາຟີ ຈະບໍ່ມີວັນປະລະການຕໍ່ສູ້.

ທາງ​ຝ່າຍທ່ານ Moussa Ibrahim ໂຄສົກລັດຖະບານ ກໍ​ໄດ້ປະຕິເສດຕໍ່ຂ່າວທີ່ວ່າ ລັດ
ຖະບານລີເບຍ ກໍາລັງຈະພັງທະລາຍນັ້ນ.

ລາຍງານກ່ຽວ​ກັບການສູ້ລົບກັນຢູ່ໃນນະຄອນຫລວງທຣິໂປລີ ແມ່ນມີຂຶ້ນ​ໃນ​ເວລາ​ບໍ່​ເທົ່າ​
ໃດ​ຊົ່ວ​ໂມງ ຫລັງຈາກມີລາຍງານວ່າພວກກະບົດຍຶດໄດ້ເມືອງຍຸທະສາດສອງເມືອງ ຄືເມືອງ
Zawiya ຢູ່ທາງພາກຕາເວັນຕົກ ແລະເມືອງ Brega ທາງພາກຕາເວັນອອກຂອງປະເທດ.

XS
SM
MD
LG