ກຳລັງປະສົມຕໍ່ຕ້ານລັດຖະບານ ທີ່ນິຍົມແນວທາງປານກາງ ໃນ
ຊີເຣຍໄດ້ຍຶດເອົາຄ້າຍທະຫານທີ່ສຳຄັນແຫ່ງນຶ່ງຢູ່ທາງພາກໃຕ້
ປະເທດຈາກກຳລັງລັດຖະບານ ໃນວັນອັງຄານວານນີ້.
ກຸ່ມພັນທະມິດແນວໜ້າທາງພາກໃຕ້ ໄດ້ຍຶດເອົາໃນອັນທີ່ຮູ້ກັນວ່າ
ເປັນຄ້າຍທະຫານກອງພັນທີ 52 ຫລັງຈາກໜຶ່ງມື້ ໃນອັນທີ່ໂຄສົກ
ຂອງພວກຕໍ່ຕ້ານ ຮ້ອງວ່າ “ໃຊ້ເວລາສັ້ນໆ ແລະວ່ອງໄວ” ແຕ່ມີ
ການສູ້ລົບຢ່າງດຸເດືອດ.
ຫ້ອງການສິ້ງຊອມສິດທິມະນຸດໃນຊີເຣຍ ທີ່ມີຫ້ອງການຢູ່ອັງກິດ
ກ່າວວ່າ ທະຫານລັດຖະບານ 20 ຄົນ ແລະພວກນັກລົບກະບົດ 14 ຄົນໄດ້ເສຍຊີວິດ.
ຄ້າຍທະຫານນີ້ ຕັ້ງຢູ່ໃກ້ກັບທາງຫຼວງທີ່ສຳຄັນ ຈາກນະຄອນDamacus ໄປຫາຊາຍ
ແດນຂອງປະເທດຈໍແດນ ໃນແຂວງDaraa ຂອງຊີເຣຍ. ກຳລັງຊີເຣຍ ໄດ້ປະສົບກັບ
ການສູນເສຍທີ່ສຳຄັນຢູ່ໃນແຂວງດັ່ງກ່າວໃນບໍ່ເທົ່າໃດ ເດືອນ ທີ່ຜ່ານມານີ້ຮວມທັງ
ການສູນເສຍດ່ານຂ້າມຊາຍແດນໄປຈໍແດນ ໃຫ້ແກ່ພວກຕໍ່ຕ້ານລັດຖະບານ.
ລັດຖະບານ ປະທານາທິບໍດີຊີເຣຍ ທ່ານ Bashar al-Assad ຍັງ|ໄດ້ສູນເສຍບໍລິເວນ
ອັນກວ້າງໃຫຍ່ ໃຫ້ແກ່ພວກຫົວຮຸນແຮງຈັດ ຢູ່ທາງພາກເໜືອຂອງປະ ເທດໃກ້ກັບຊາຍແດນເທິກີ.
