ລິ້ງ ສຳຫລັບເຂົ້າຫາ

ກຸ່ມກະບົດກະຈິນ ກ່າວວ່າ ທະຫານມຽນມາ ບໍ່ຫົວຊານໍາ ຄໍາສັ່ງໃຫ້ຢຸດຍິງ


ທະຫານຈຸນຶ່ງ ຂອງກອງທັບກະຈິນ ຫຼື KIA ກໍາລັງລາດຕະເວນ ຢຸ່ໃນເມືອງ Laiza, ວັນທີ 4 ມັງກອນ 2013.
ພວກກະບົດຊົນເຜົ່າກະຈິນຢູ່ທາງພາກເໜືອຂອງມຽນມາເວົ້າວ່າ ທະຫານລັດຖະບານບໍ່ ໄດ້ເອົາ​ຫົວຊາ​ຕໍ່ຄໍາສັ່ງຢຸດຍິງ ທີ່ຄວນ​ໄດ້ມີ​ເລີ້ມຜົນບັງຄັບໃຊ້ ມາ​ຕັ້ງ​ແຕ່ວັນເສົາວານນີ້.

ປະທານນາທິບໍດີ Thein Sein ໄດ້ອອກຄໍາສັ່ງໃນວັນສຸກຜ່ານມາ ໃຫ້ພວກ ທະຫານທີ່ ປະຈໍາຢູ່ລັດກະຈິນ ຢູ່ພາກຕາ​ເວັນ​ອອກສຽງເໜືອຂອງມຽນມາ ໃກ້ຊາຍແດນຕິດກັບຈີນ ນັ້ນ ປະຕິບັດ​ການ​ຢຸດ​ຍິງ. ແຕ່ວ່າ ກອງທັບເອກະລາດ ຊົນເຜົ່າກະຈິນເວົ້າໃນວັນເສົາ ວານນີ້ວ່າ ການໂຈມຕີ ທີ່ລວມມີການຍິງປືນໃຫຍ່ ແລະໃຊ້ກໍາລັງທະຫານ ແມ່ນຍັງດໍາ ເນີນຢູ່ຕໍ່ມາ.

ການສູ້ລົບກັນໄດ້ທໍາລາຍຄວາມຫວັງ ກ່ຽວກັບການປະຕິຮູບທາງການເມືອງ ຢູ່ມຽນມາ ​ໃນ​ຂະນະ​ທີ່​ມຽນມ​າໂຜ່​ໂຕ​ ອອກມາຈາກການ​ປົກຄອງ​ແບບຜະເດັດ ການຂອງ​ກອງທັບ ເປັນເວລາຫລາຍທົດສະວັດນັ້ນ.

ໃນວັນເສົາວານນີ້ ທ່ານ Thein Sein ໄດ້ຮຽກຮ້ອງໃຫ້ບັນດາປະເທດ​ແລະ​ ກຸ່ມ​ຈັດ​ຕັ້ງ ສາກົນ ທີ່ໃຫ້ທຶນຊ່ວຍເຫລືອນັ້ນ ເຂົ້າ​ໄປຊ່ວຍພັດທະນາສ້າງສາເສດຖະກິດ ທີ່ໄດ້ຮັບ ຄວາມເສຍຫາຍຂອງປະເທດທ່ານ ແລະປັບປຸງມາດຕະຖານຊີວິດການເປັນຢູ່ຂອງປະຊາ ຊົນທີ່ທຸກຍາກຂອງຕົນ ໃຫ້ດີຂຶ້ນ. ທ່ານໄດ້ ໃຫ້ຄວາມ​ໝັ້ນ​ໃຈ​ແກ່​ເຂົາ​ເຈົ້າວ່າ ລັດຖະບານ ຂອງ ທ່ານແມ່ນເອົາໃຈໃສ່ຢ່າງຈິງຈັງ ຕໍ່ການຍຸດຕິບັນຫາຂັດແຍ້ງກັນ​ທາງ​ອາວຸດລະ ຫວ່າງຊົນຊາດຊົນເຜົ່າ ນັ້ນ.
XS
SM
MD
LG