ລິ້ງ ສຳຫລັບເຂົ້າຫາ

ວັນຈັນ, ໒໐ ພຶດສະພາ ໒໐໒໔

ທ່າ​ນ Mitt Romney ແລະທ່ານໂອບາມາ ຫາສຽງ ຢູ່ລັດ ທີ່ຍັງບໍ່ມີຝ່າຍໃດ ກຳຄະແນນໄດ້ ຢ່າງເດັດຂາດ (ວີດີໂອ)


ຜູສະມັກເລືອຕັ້ງ ປະທານາທິບໍດີສະຫະລັດ ຂອງພັກຣີພັບບລີກັນ ທ່ານ Mitt Romney ພວມໂຄສະນາຫາສຽງທີ່ເມືອງ Fishersville ໃນລັດ Virginia (4 ຕຸລາ 2012)
ຜູສະມັກເລືອຕັ້ງ ປະທານາທິບໍດີສະຫະລັດ ຂອງພັກຣີພັບບລີກັນ ທ່ານ Mitt Romney ພວມໂຄສະນາຫາສຽງທີ່ເມືອງ Fishersville ໃນລັດ Virginia (4 ຕຸລາ 2012)
ການ​ໂຄສະນາ​ຫາງ​ສຽງ​ເລືອກຕັ້ງປະທານາທິບໍດີທີ່​ມີ​ຊີວິດ​ຊີວາ​
ຄືນ​ໃໝ່ຂອງທ່າ​ນ Mitt Romney ຫວັງ​ວ່າ​ ຈະໄດ້​ຮັບ​ຜົນ​ປະ​
ໂຫຍ​ດ ຈາກ​ການ​ໂຕ້​ວາ​ທີຢ່າງ​ແຂງ ຂັນ ​ດ້ວຍ​ການ​ໂຮມ​ຊຸມນຸມ​
ໂຄສະນາ​ຫາ​ສຽງ ​ຢູ່​ໃນ​ລັດເວີ​ຈີ​ເນຍ ​ແລະ​ລັດ​ຟຣໍລິ​ດາ ຊຶ່ງ​ເປັນ​
ລັດ​ທີ່​ຍັງ​ມີ​ການ​ແຂ່ງຂັນ​ກັນຢ່າງ​ດຸ​ເດືອດ​ຢູ່​ນັ້ນ.

ຜູ້​ສະມັກ​ຂອງພັກ​ຣິພັບ​ບລິ​ກັນ ຊຶ່ງຍັງ​ມີ​ຄະ​ແນນ​ສຽງເປັນ​ຮອງ​ໃນ​
ການ​ຢັ່ງ​ຫາງສຽງ ​ກ່ອນການ​ໂຕ້​ວາທີ ໃນ​ວັນ​ພຸດຜ່ານ​ມາ ​ໄດ້​ກ່າວ​
ຕໍ່​ພວກ​ສະໜັບສະໜູນໃນ​ວັນ​ພະຫັດວານ​ນີ້​ວ່າ ປະທານາທິບໍດີ
Barack Obama ບໍ່ສາມາດທີ່​ຈະ​ເຊື່ອຖື​ໄດ້​ຕໍ່​ໄປ​ອີກ​ແລ້ວ ກ່ຽວ​
ກັບເສ​ດຖະກິດ​ທີ່​ພວມ​ດິ້ນຮົນຂອງສະຫະ​ລັດ.

ທ່ານ Romney ກ່າວ​ວ່າ “​ເປັນ​ຫຍັງ ພວກ​ຊົນຊັ້ນ​ກາງ ຈຶ່ງຍັງ
ສືບ​ຕໍ່​ໄດ້​ຮັບຄວາມ​ຝືດ​ເຄືອງ​ຢູ່ໃນ​ປະ​ເທດ​ນີ້? ​ເປັນ​ຫຍັງ​ ພວກເຮົາ​ຈຶ່ງຍັງ​ມີ 23 ລ້ານ​ຄົນ ພາກັນ​ຫວ່າງ​ງານ? ​ເປັນ​ຫຍັງ ​ເຍົາວະ​ຊົນ​ຂອງ​ພວກ​ເຮົາ ທີ່​ຈົບຈາກມະຫາວິທະຍາ​ໄລຈຶ່ງ
ບໍ່​ສາມາດມີ​ວຽກ​ດີໆເຮັດ? ​ເປັນ​ຫຍັງ ນຶ່ງໃນ​ຈໍານວນ​ຫົກ​ຄົນ​ໃດ ຈຶ່ງ​ຕົກ​ຢູ່​ໃນ​ຄວາມ​ທຸກ​ຍາກ? ​ເປັນ​ຫຍັງ ​ເວລາ​ທີ່ທ່ານ​ເຂົ້າ​ກໍາ​ຕໍາແໜ່​ງມີ 32 ລ້ານ​ຄົນ​ໄດ້​ຮັບ Food Stamps ຫລືການ​ຊ່ວຍເຫລືອບັດ​ຊື້ອາຫານ ​ແລະ​ປັດຈຸບັນ​ນີ້ ຈຶ່ງມີ 47 ລ້ານ​ຄົນ ໄດ້​ຮັບ​ບັດ​ຊື້​ອາຫານ.”

​ໃນ​ຕອນຕໍ່​ມາຂອງ​ມື້ວານ​ນີ້ ທ່ານ Romney ​ໄດ້ພະຍາຍາມ​ປົວ​ແປງ​ຄວາມ​ເສຍ​ຫາຍຈາກ​ການ​ວີ​ດີ​ໂອລັບ ທີ່​ທ່ານ​ໄດ້​ກ່າວວ່າ 47 ​ເປີ​ເຊັນ ຂອງຊາວອາ​ເມຣິກັນ ​ພົບ​ວ່າ​ຕົນ​ເອງເປັນ​ຜູ້​ເຄາະ​ຮ້າຍ​ແລະ​ກາງ​ຕໍ່ອາ​ໄສລັດຖະບານ. ທ່ານ Romney ​ໄດ້ບອກ​ຕໍ່ໂທ
ລະພາບ Fox News ວ່າ ຄໍາ​ເວົ້າ​ດັ່ງກ່າວ “​ເປັນການ​ຜິດພາດ​ທີ່​ສຸດ.”

ໃນ​ຂະນະ​ດຽ​ວກັນ ປະທານາທິບໍດີ Barack Obama ຊຶ່ງ​ຈະ​ໂຄສະນາ​ຫາ​ສຽງ​ທີ່ມະຫາ​ວິທະຍາ​ໄລຕ່າງໆ ​ໃນລັດ Virginia ​ແລະລັດ​ Ohio ​ໃນ​ວັນ​ສຸກມື້ນີ້​ ກໍ​ໄດ້​ທຳ​ການ​ໂຈມຕີ ​ໂດຍກ່າວ​ຫາ​ຄູ່​ແຂ່ງ​ຂອງ​ທ່ານ​ວ່າປ່ຽນ​ທ່າ​ທີ​ໃນ​ການ​ໂຄສະນາຫາ​ສຽງ ມາ​ເປັນສາຍກາງຫຼາຍຂຶ້ນ ​ໃນ​ລະຫວ່າງ​ການ​ໂຕ້​ວາທີ.

ປະທານາທິບໍດີ​ໂອ​ບາ​ມາ​ກ່າວ​ວ່າ “​ເວລາ ຂ້າພະ​ເຈົ້າ ກ້າວ​ຂື້ນ​ໄປ​ເທິງ​ເວທີ ຂ້າ​ພະ​ເຈົ້າ​ໄດ້​ພົບ​ກັບ​ຊາຍ​ຄົນ​ນຶ່ງ​ທີ່ມີ​ຄວາມອົງອາດ ທີ່​ອ້າງວ່າລາວ​ເປັນທ່ານ Mitt Romney. ​ແຕ່​ຂ້າ
ພະ​ເຈົ້າຮູ້ວ່າ ບໍ່​ແມ່ນທ່ານ Mitt Romney ​ເພາະວ່າ ທ່ານ Romney ທີ່ແທ້​ຈິງ​ນັ້ນ ​ໄດ້​ວິ່ງເຕັ້ນ​ອ້ອມ​ປະ​ເທດ ​ໃນ​ປີ​ກາຍ​ນີ້ ​ໂດຍ​ໃຫ້​ຄໍາ​ໝັ້ນ​ສັນຍາ​ທີ່ຈະ​ຕັດພາສີ 5 ພັນ​ຕື້​ໂດ​ລາສຳ​ຫຼັບຄົນ​ຮັ່ງມີ ​ແລະ​ຍັງ​ບໍ່​ແລ້ວ ຜູ້ຊາຍ ​ທີ່ຢູ່​ເທິງ​ເວ​ທີ​ມື້​ຄືນ​ນີ້ທີ່​ເບິ່ງ​ຄື​ວ່າ​ແມ່ນ Mitt Romney ນັ້ນກ່າວ​ວ່າລາວ​ບໍ່​ຮູ້​ຫຍັງ ​ໝົດ​ກ່ຽວ​ກັບ​ເລື້ອງນີ້.”

ເບິ່ງລາຍງານວີດີໂອ ທ່ານໂອບາມາກັບທ່ານຣອມນີ ອອກໂຄສະນາຫາສຽງ
ຢູ່ລັດເວີຈີເນຍ:

Obama and Romney Campaigns Target Virginia
please wait

No media source currently available

0:00 0:02:52 0:00
ລິງໂດຍກົງ
XS
SM
MD
LG