ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ຢ່າງໜ້ອຍ 6 ຄົນເສຍຊີວິດ ໃນເຫດລະເບີດທີ່ອີຣັກ


ກຳມະກອນກວດຊາກຫັກພັງ ແລະສະເກັດລະເບີດຖິ້ມ ພາຍຫລັງມີການວາງລະເບີດຫລາຍຄັ້ງຕິດຕໍ່ກັນ ທີ່ໄດ້ເຮັດໃຫ້ຢ່າງໜ້ອຍ 6 ຄົນເສຍຊີວິດໃນນະຄອນຫລວງແບກແດດ, ວັນທີ 23 ມັງກອນ 2011.
ກຳມະກອນກວດຊາກຫັກພັງ ແລະສະເກັດລະເບີດຖິ້ມ ພາຍຫລັງມີການວາງລະເບີດຫລາຍຄັ້ງຕິດຕໍ່ກັນ ທີ່ໄດ້ເຮັດໃຫ້ຢ່າງໜ້ອຍ 6 ຄົນເສຍຊີວິດໃນນະຄອນຫລວງແບກແດດ, ວັນທີ 23 ມັງກອນ 2011.

ພວກ​ເຈົ້າໜ້າທີ່ອີຣັກ​ເວົ້າວ່າ ການວາງລະ​ເບີດ​ຫລາຍ​
ຄັ້ງຕິດຕໍ່ກັນໄດ້​ເຮັດ​ໃຫ້​ຢ່າງໜ້ອຍ 6 ຄົນ​ເສຍ​ຊີວິດ
ແລະອີກ​ປະມານ 30 ຄົນ ​ໄດ້ຮັບບາດ​ເຈັບ​ໃນ​ນະ
ຄອນຫລວງ​ແບກ​ແດດ.

ພວກ​ເຈົ້າໜ້າທີ່ກ່າວຊີ້​ແຈງວ່າ ການ​ໂຈມ​ຕີ​ດ້ວຍ​ລະ​ເບີດ​ທີ່​
ຫ້າງ​ໄວໃນ​ລົດ​ສອງ​ຄັ້ງ​ໃນ​ວັນ​ອາທິດ​ມື້ນີ້ ແມ່ນ​ແນ​ເປົ້າ​
ໝາຍ​ໃສ່ການລາດ​ຕະ​ເວນຂອງຕຳຫລວດ ​ໃນ​ຂະນະ​ທີ່​
ອີກລູກ​ນຶ່ງ​ນັ້ນ​ແມ່ນແນໃສ່​ລົດ​ເມ​ ທີ່ຂົນ​ສົ່ງ​ພວກໄປສະ
ແຫວງ​ບຸນຊາວ​ອີຣ່ານ. ມີ​ຫລາຍ​ຄົນ​ໄດ້​ເສຍ​ຊີວິດໃນ​ເຫດ
ການ​ລະເບີດ​ເຫ​ລົ່ານີ້, ​ລວມທັ​ງຕຳຫລວດ​ຄົນນຶ່ງ.

ພ້ອມ​ກັນນັ້ນ, ຢູ່​ໃນ​ເມືອງ Taji ທາງ​ທິດເໜືອ​ຂອງ​ນະ
ຄອນຫລວງ​ແບກ​ແດດ​ນັ້ນ ລະ​ເບີ​ດ​ລົດ​ຄັນ​ນຶ່ງກໍ​ໄດ້​ເຮັດ​
ໃຫ້​ສອງ​ຄົນ​ເສຍ​ຊີວິດ.

ເຖິງ​ແມ່ນຄວາມຮຸນ​ແຮງ​ໃນ​ອີຣັກໄດ້​ຫລຸດໜ້ອຍຖອຍ​ລົງ​ຢ່າງ​ຫລວງຫລາຍ ​ໃນໄລຍະສອງ-
ສາມ​ປີຜ່ານມາ​ນີ້​ກໍ​ຕາມ ​ແຕ່​ວ່າການ​ໂຈມ​ຕີ​ກໍຍັງ​ມີ​ຢູ່​ທົ່ວ​ໄປ​ໃນ​ທົ່ວ​ປະ​ເທດ​ອີຣັກ. ແລະມີການ
ໂຈມ​ຕີເພີ້ມຂຶ້ນຫລາຍ​ໃນ​ເດືອນນີ້ ນັບ​ຕັ້ງແຕ່ນາ​ຍົກ​ລັດຖະມົນຕີ Nouri al-Maliki ​ໄດ້
ສ້າງຕັ້ງລັດຖະບານ​ໃໝ່ຂຶ້ນ​ມາ ​ແລະເວລາ​ນີ້ ທ່ານ al-Maliki ກໍຍັງ​ບໍ່ທັນ​ໄດ້​ແຕ່ງຕັ້ງ​ໃຫ້
ໃຜ​ເປັນລັດຖະມົນຕີຮັບຜິດ​ຊອບດ້ານ​ປ້ອງ​ກັນ​ຊາດ, ​ຮັກສາ​ຄວາມ​ສະ​ງົບພາຍ​ໃນ ​ແລະ
ຄວາ​ມໝັ້ນຄົງ​ຂອງ​ຊາດ​ເທື່ອ.

XS
SM
MD
LG