ລິ້ງ ສຳຫລັບເຂົ້າຫາ

logo-print

ທ່ານແຣນ ພອລ ເປັນສະມາຊິກສະພາສູງຄົນທຳອິດ ທີ່ໄດ້ກວດພົບວ່າ ຕິດເຊື້ອໄວຣັສໂຄວິດ-19


ສະມາຊິກສະພາສູງ ທ່ານແຣນ ພອລ ໄດ້ກວດພົບວ່າ ຕິດເຊື້ອໄວຣັສໂຄວິດ-19. 

ສະມາຊິກສະພາສູງສະຫະລັດ ທ່ານແຣນ ພອລ ໄດ້ຢືນຢັນໃນວັນອາທິດວານນີ້ວ່າ ທ່ານ
ໄດ້ກວດພົບວ່າ ຕິດເຊື້ອໄສຣັສໂຄວິດ-19 ຊຶ່ງເປັນສະມາ ຊິກສະພາສູງຄົນທຳອິດ ທີ່ຕິດ
ເຊື້ອດັ່ງກ່າວ.

ສະມາຊິກສະພາສູງທ່ານນີ້ກ່າວວ່າ ທ່ານບໍ່ໄດ້ມີອາການ ແລະກໍບໍ່ໄດ້ຕິດຕໍ່ກັບຜູ້ມີ ຕິດເຊື້ອ
ໄວຣັສໂຄໂຣນາແຕ່ຢ່າງໃດ ແຕ່ທ່ານໄດ້ກວດເບິ່ງຕົນເອງ “ເພື່ອຄວາມ ລະມັດລະວັງຢາກ
ຮູ້ ເພາະວ່າ ທ່ານໄດ້ເດີນທາງໄປຫຼາຍໆບ່ອນ ແລະເຂົ້າຮ່ວມ ໃນພິທີຕ່າງໆ.

ສະມາຊິກສະພາສູງ ທ່ານມິດ ຣອມນີ ໄດ້ປະກາດແນະນຳໃຫ້ທ່ານ ໄປກັກໂຕ ພື່ອປິ່ນປົວ
ເພາະໄດ້ນັ່ງຢູ່ໃກ້ກັບທ່ານພອລ ໃນໄລຍະສອງສາມມື້ທີ່ຜ່ານມານີ້ ແລະໃນຂະນະທີີ່ທ່່ານ
ບໍ່ມີອາການ ທ່ານກໍຄວນຈະໄປກວດ.

ສະມາຊິກສະພາສູງໄມຄ໌ ລີ ກ່າວວ່າ ທ່ານເອງກໍເຊັ່ນດຽວກັນ ຄວນທີ່ຈະກັກ ໂຕ ຍ້ອນ
ທ່ານເອງກໍຢູ່ໃກ້ທ່ານພອລ ແຕ່ທ່ານຈະບໍ່ໄປກວດ.

ສະມາຊິກສະພາຕໍ່າສອງທ່ານຄື ທ່ານມາຣີໂອ ດີອາສ-ບາເລີຕ ແລະທ່ານເບັນ ແມັກອາ
ດຳສ໌ ເປັນບັນດາສະມາຊິກສະພາຕໍ່າຈຸຜູ້ທຳອິດ ທີ່ກວດພົບວ່າ ຕິດ ເຊື້ອໄວຣັສໂຄໂຣນາ.

ໃນຂະນະທີ່ຊາວອາເມຣິກັນຫຼາຍໆຄົນຢູ່ທົ່ວສະຫະລັດ ພາກັນດິ້ນລົນຢາກກວດ ເບິ່ງວ່າ
ຕິດເຊື້ອໂຄວິດ-19 ຢູ່ນັ້ນ ບັນດາຜູ້ຕຳນິໄດ້ກ່າວຢູ່ໃນສື່ສັງຄົມວ່າ ເປັນ ຫຍັງ ແລະເຮັດຢ່າງ
ໃດທີ່ທ່ານພອລ ຈຶ່ງສາມາດໄດ້ຮັບການກວດ ຖ້າຫາກທ່ານບໍ່ມີອາການ ແລະບໍ່ໄດ້ຕິດຕໍ່
ກັບຜູ້ຕິດເຊື້ອ.

ສູນກາງແລະຄວບຄຸມແລະປ້ອງກັນພະຍາດຫຼື (CDC) ຂອງສະຫະລັດໄດ້ກ່າວ ວ່າ ຄວາມ
ສາມາດໃນການກວດ ຢູ່ໃນສະຫະລັດ ຄາດວ່າຈະເພີ້ມສູງຂຶ້ນ.

ອ່ານຂ່າວນີ້ເພີ້ມເປັນພາສາອັງກິດ

ເບິ່ງຄວາມເຫັນ

XS
SM
MD
LG