ສະຫະລັດແລະບັນດາເຈົ້າໜ້າທີ່ອີຣັກປາກົດວ່າບໍ່ໄດ້ປະສານ
ງານຮ່ວມມືກັນ ກ່ຽວກັບການສ້າງຄວາມປະລາໄຊ ຢ່າງເປັນ
ການຖາວອນໃຫ້ແກ່ກຸ່ມອິສລາມໃນຂະນະທີ່ອີກເມືອງນຶ່ງຂອງ
ອີຣັກ ປາກົດວ່າ ໃກ້ຈະຕົກໄປຢູ່ໃນກຳມື ຂອງກຸ່ມກໍ່ການຮ້າຍ
ດັ່ງກ່າວແລ້ວ.
ບັນດາເຈົ້າໜ້າທີ່ອີຣັກ ກ່າວວ່າ ກຸ່ມລັດອິສລາມ ໄດ້ເຂົ້າຍຶດ
ເອົາສາມໝູ່ບ້ານ ຢູ່ທາງພາກຕາເວັນອອກຂອງຊານເມືອງ
Ramadi ເມືອງຫລວງຂອງແຂວງ Anbar ໃນພາກຕາເວັນ
ຕົກຂອງອີຣັກໃນວັນພະຫັດວານນີ້ ໃນຂະນະທີ່ພວກນັກລົບ
ຂອງກຸ່ມດັ່ງກ່າວ ຍັງສືບຕໍ່ກົດດັນແກ່ ຕໍ່ກອງທະຫານທີ່ພະ
ຍາຍາມປ້ອງ ກັນເມືອງດັ່ງກ່າວເອົາໄວ້.
ບັນດາເຈົ້າໜ້າທີ່ອີຣັກ ໄດ້ຮ້ອງສະຖານະການ ທີ່ພວມຊຸດໂຊມລົງ ຢູ່ເມືອງ Ramadi ວ່າ ເປັນຄວາມຫາຍະນະ ໂດຍກ່າວວ່າ ຢ່າງໜ້ອຍ 2,000 ຄອບ ຄົວໄດ້ຫລົບໜີໄປລີ້ໄພໃນ
ເຂດຊານເມືອງ ທາງພາກໃຕ້ແລະພາກຕາເວັນຕົກຂອງນະຄອນຫຼວງ Bagdad. ແຫລ່ງ
ຂ່າວບາງກະແສມາຈາກພາຍໃນເມືອງ Ramadi ອະທິບາຍວ່າ ເມືອງດັ່ງກ່າວໄດ້ກາຍ
ເປັນເມືອງຮ້າງແລ້ວ.
ເພື່ອເປັນການມ້ວນທ້າຍໃນການຢ້ຽມຢາມ ທີ່ນະຄອນຫລວງວໍຊິງຕັນ ນັ້ນ ນາຍົກລັດຖະ
ມົນຕີອີຣັກ ທ່ານ Haider al-Abadi ໄດ້ພະຍາຍາມທີ່ຈະທຳນາຍ ກ່ຽວກັບເຫດການຢູ່ໃນ ແລະອ້ອມແອ້ມເມືອງ Ramadi ວ່າ ເປັນພາກສ່ວນນຶ່ງຂອງສະພາບການທີ່ດີໆຮ້າຍໆກ່ຽວ
ກັບສົງຄາມອັນຍາວນານກັບສັດຕູທີ່ສະ ຫຼາດລັກແຫລມ.
ເຖິງຢ່າງໃດກໍດີ ທ່ານໄດ້ສະແດງຄວາມເປັນຫ່ວງວ່າ ບັນດາກອງພັນໃໝ່ ອີຣັກ ທີ່ມີກຳນົດ
ວ່າຈະສົ່ງໄປສູ້ລົບກັບກຸ່ມລັດອິສລາມ ຢູ່ໃນແຂວງ Anbar ນັ້ນ ຍັງພາກັນຂາດເຂີນອຸບປະ
ກອນທີ່ມີຄວາມຈຳເປັນ.
ທ່ານເວົ້າວ່າ “ບັນດາກອງພັນໃໝ່ເຫຼົ່ານີ້ ຕ້ອງການອາວຸດໜັກ ແລະຂ້າພະເຈົ້າ ເຂົ້າໃຈວ່າ ກຳລັງຖືກສົ່ງມາໃຫ້. ຂ້າພະເຈົ້າຫວັງວ່າ ພວກເຮົາໄດ້ຮັບອາວຸດ ເຫລົ່ານີ້ຈະມາທັນ
ກັບເວລາ.”
ນາຍົກລັດຖະມົນຕີອີຣັກ ໄດ້ຕິຕຽນສະຫະລັດ ແລະແນວໂຮມ ທີ່ບໍ່ສາມາດ ສະ ໜອງຕອບ
ໄດ້ຢ່າງວ່ອງໄວ ຕໍ່ການຮ້ອງຂໍຂອງອີກຣັກ ໃນການ ໂຈມຕີທາງອາ ກາດນັ້ນ.
