ບັນດາກຳມະກອນ ໃນທົ່ວໂລກ ໄດ້ພາກັນລົງສູ່ຖະໜົນ
ສາຍຕ່າງໆ ໃນວັນສຸກມື້ນີ້ ເພື່ອເປັນຂີດໝາຍ ວັນກຳມະກອນ
ສາກົນ ທີ່ຮູ້ຈັກກັນໂດຍທົ່ວໄປ ຄືວັນ May Day ດ້ວຍການເດີນ
ຂະບວນ ແລະ ຮຽກຮ້ອງ ໃຫ້ເພີ້ມຄ່າຈ້າງສູງຂຶ້ນ ແລະປັບປຸງ
ສະພາບໃນການເຮັດວຽກໃຫ້ດີຂຶ້ນກວ່າ ເກົ່າ.
ຫຼາຍພັນຄົນໄດ້ ພາກັນຊຸມນຸມ ເດີນຂະບວນຢູ່ໃນອິນໂດເນເຊຍ
ແລະ ຟີລິບປິນ ບ່ອນທີ່ພວກກຳມະກອນ ມີລາຍໄດ້ຕ່ຳກວ່າສອງ
ດອນລາຕໍ່ມື້ ເພື່ອຮຽກຮ້ອງໃຫ້ເພີ້ມຄ່າຈ້າງຂັ້ນຕ່ຳ ສູງຂຶ້ນກວ່າເກົ່າ
ໃຫ້ຮັບປະກັນດ້ານວຽກງານ ແລະ ໃຫ້ຍຸດຕິ ອັນທີ່ເອີ້ນວ່າ
“ສັນຍາຈ້າງ.” ພະນັກງານສັນຍາຈ້າງ ບໍ່ມີສິດ ແລະ ຜົນປະ
ໂຫຍດຕ່າງໆ ຄືກັນກັບ ພະນັກງານທຳມະດາ.
ບັນດາກຳມະກອນ ໃນເກົາຫຼີໃຕ້ ໄດ້ປະຕິຍານວ່າ ຈະນັດກັນຢຸດງານ ປະທ້ວງຢ່າງໃຫຍ່
ຖ້າຫາກລັດຖະບານ ຍັງຈະສືບຕໍ່ດຳເນີນແຜນການ ປະຕິຮູບກົດໝາຍແຮງງານຕ່າງໆນັ້ນ.
ການສະເຫຼີມສະຫຼອງ ວັນ May Day ໃນທົ່ວໂລກ
ບັນດາກຳມະກອນອີຣ່ານ ໄດ້ຈັດການປະທ້ວງວັນ May Day ຢູ່ໃນນະຄອນຫລວງ Tehran ເພື່ອໃຫ້ປັບປຸງສະພາບໃນການເຮັດວຽກດີ ຂຶ້ນ ແລະ ເພື່ອປະທ້ວງ ຕໍ່ຕ້ານພວກແຮງງານຕ່າງດ້າວ ທີ່ໄດ້ມາເອົາວຽກງານຕ່າງໆ ຢູ່ໃນອີຣ່ານ.
ຢູ່ທີ່ເທີກີນັ້ນ ແມ່ນໄດ້ມີຄຳສັ່ງຫ້າມບໍ່ໃຫ້ໂຮມຊຸມນຸມຍ້ອນເຫດຜົນດ້ານ ຄວາມປອດໄພ
ຂະນະທີ່ ຕຳຫລວດພະຍາຍາມ ຍຸດຕິການປະທ້ວງໃນວັນ May Day ທີ່ບໍ່ໄດ້ຮັບ
ອະນຸຍາດຕ່າງໆ.
ສະຫະພັນກຳມະບານຂອງກຣິສ ໄດ້ຮຽກຮ້ອງ ໃຫ້ ມີການນັດຢຸດງານປະທ້ວງ 24 ຊົ່ວໂມງ. ກຳມະກອນກຣິສ ຫຼາຍພັນຄົນ ໄດ້ພາກັນລົງສູ່ຖະໜົນສາຍຕ່າງໆ ໃນນະຄອນຫລວງ Athens ເພື່ອເປັນຂີດໝາຍ ວັນ May Day ແລະ ເພື່ອປະທ້ວງ ການປະຕິຮູບ ໂຄງການປະຍັດມັດທະຍັດຕ່າງໆ ທີ່ຮຽກຮ້ອງໂດຍບັນດາເຈົ້າໜີຈາກນາໆຊາດນັ້ນ.
ໃນຂະນະດຽວກັນ ຢູ່ໃນເຢຍຣະມັນ ການແຂ່ງຂັນລົດຖີບ ໃນວັນ May Day ໄດ້ຖືກຍົກເລີກ ຫຼັງຈາກ ຕຳຫລວດ ນະຄອນ Frankfurt ໄດ້ຄົ້ນພົບແຜນການໂຈມຕີຂອງພວກຫົວຮຸນແຮງອິສລາມ ກ່ອນໜ້າການແຂ່ງຂັນ.
ບັນດາກຳມະກອນ ແລະ ນັກສຶກສາ ຣັດເຊຍ ໄດ້ພາກັນໂບກທຸງຊາດຣັດເຊຍ ຢູ່ຈັດຕຸລັດແດງ ໃນນະຄອນຫຼວງມົສກູ ເນື່ອງໃນ
ໂອກາດວັນ May Day.