ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ການ​ແບ່ງ​ແຍກ ​ດ້ານຜິວ​ພັນ ກີດກັ້ນ ບໍ່ໃຫ້ ສຫລ ປະຕິບັດ ຫຼັ​ກອຸດົມ​ການ ​ຂອງ​ຕົນໄດ້


ນາງ Desiree Griffiths ຖືປ້າຍກ່າວວ່າ "Black Lives Matter" ພ້ອມດ້ວຍຊື່ຂອງທ້າວ Michael Brown ແລະ Eric Garner ຜູ້ຊາຍຜິວດຳ ທີ່ຖືກຕຳຫລວດຍິງຕາຍ.
ນາງ Desiree Griffiths ຖືປ້າຍກ່າວວ່າ "Black Lives Matter" ພ້ອມດ້ວຍຊື່ຂອງທ້າວ Michael Brown ແລະ Eric Garner ຜູ້ຊາຍຜິວດຳ ທີ່ຖືກຕຳຫລວດຍິງຕາຍ.

ຜູ້​ຊ່ຽວຊາ​ນດ້ານ​ສິດທິມະນຸດສະຫະ​ປະຊາ​ຊາດ​ຄົນ​ນຶ່ງ ​ກ່າວ​ວ່າ ການ​ແບ່ງ​ແຍກ ທາງ​ດ້ານເຊື້ອຊາດ​ຜິວ​ພັນ ​ແລະຄວາມ​ບໍ່​ສະ​ເໝີ​ພາບ​ທາງ​ດ້ານ​ສັງຄົມແລະເສດ ຖະກິດ​ເຮັດ​ໃຫ້ສະຫະລັດບໍ່​ສາມາດ​ປະຕິບັດ​ຕາມ​ຫຼັກອຸດົມ​ການ​ຂອງ​ຕົນ ຮວມທັງ​ສິດທິ​ເສລີພາບ​ໃນ​ການ​ໂຮມຊຸມນຸມ​ ​ແລະ​ຄົບ​ຄ້າສະມາຄົມ.

ຜູ້​ຂຽນ​ລາຍ​ງານ​ພິ​ເສດ ທ່ານ​ Maina Kiai ​ໄດ້ອອກລາຍງານ ​ກ່ຽວ​ກັບ​ການ​ຢ້ຽມຢາມ​ສະຫະລັດເປັນ​ເວລາ 17 ມື້ຂອງ​ທ່ານ ​ໃນວັນ​ພະຫັດ​ວານ​ນີ້ ບ່ອນ​ທີ່​ທ່ານ​ໄດ້​ຢ້ຽມຢາ​ມ​ຫລາຍໆ​ເມືອງ ຮວມທັງເມືອງ Baltimore, Washington, New York ​ແລະ Philadelphia.

ທ່ານ Kiai ກ່າວ​ວ່າ “ຜູ້ຄົນ​ມີ​ເຫດຜົນ​ດີ ​ທີ່ພາກັນ​ໂກ​ດ​ແຄ້ນ ​ແລະ​ໃຈ​ຮ້າຍ​ຢູ່​ໃນ​ຂະນະ​ນີ້.”

ທ່ານ​ກ່າວ​ວ່າ ​ໃນ​ຂະນະ​ການ​ປະຕິບັດ​ງານຊອກ​ຫາຄວາມຈິງຂອງ​ທ່ານ ​ບໍ່​ຄວນ​ທີ່ຈະຮວ​ມ​ເອົາ​ບັນຫາ​ໃນ​ດ້ານ​ເຊື້ອຊາດ​ຜິວ​ພັນ ມັນ​ເປັນ​ໄປ​ບໍ່​ໄດ້​ ທີ່ຈະທຳການ​ທ່ອງ​ທ່ຽວ​ສະຫະລັດ ​ໂດຍປາດ​ສະ​ຈາກການ​ໂອ້​ລົມ​ກັນ​ໃນ​ດ້ານ​ເຊື້ອຂ່ດຜິວ​ພັນ.

ທ່ານ Kiai ກ່າວ​ວ່າ ​ເພື່ອ​ເຂົ້າ​ໃຈ​ເຖິງການຈຳ​ແນ​ກ​ເຊື້ອຊາດຜິວ​ພັນໝາຍ​ຄວາມ ວ່າ ​ຕ້ອງ​ເບິ່ງ​ຄືນ​ຫລັງ​ໄປ 400 ປີໃນ​ປະຫວັດສາດ​ສະຫະລັດທີ່​ຮວມທັງການ​ຄ້າ​ທາດ ​ແລ​ະ​ການ​ແບ່ງ​ແຍກທີ່​ຖືກຕ້ອງ​ບຕາມ​ຜິດ​ກົດໝາຍ ທີ່​ມີຂອບ​ເຂດ​ສຳລັບ ຊາວ​ອາ​ເມຣິກັນ​ເຊື້ອສາຍອາ​ຟຣິກາ ທີ່ເຮັດ​ໃຫ້​ຫລາຍ​ລ້ານ​ຄົນ ​ຢູ່​ດ້ວຍ “ຄວາມ​ທຸກທໍລະມານ ທຸກ​ຈົນ ​ແລະ​ຖືກລົງ​ໂທດ.”

ນັບ​ແຕ່ເລື້ອງຂ້າ​ທາດ​ໄດ້​ສິ້ນສຸດ​ລົງເປັນ​ເວລາ​ນານ ​ແລະ​ການ​ແບ່ງ​ແຍກ​ຜິ​ວພັນ ​ເປັນ​ເລືອງຜິດ​ກົດໝາຍ ທ່ານ Kiai ກ່າວ​ວ່າ ການ​ຈຳ​ແນ​ກກີດ​ກັນຢູ່​ໃນ​ສະຫະ ລັດບັດ​ນີ້​ໄດ້​ຍັງ​ລີ້​ຢູ່​ໃນ​ຫລາຍ​ຄຳ​ສັບ ​ເຊັ່ນ​ວ່າ “ສົງຄາມ​ຕ້ານ​ຢາ​ເສບ​ຕິດ” ​ແລະ ນະ​ໂຍບາຍ “ທຳ​ຄວາມ​ຜິດ​ສາມ​ເທື່ອ” ​ແລ້ວ​ຖືກ​ລົງ​ໂທດ ​ທີ່​ຮວມ​ທັງການ​ຕິດ​ຄຸກ​ເປັນ​ເວລາ​ນານ ​ແມ່ນ​ແຕ່​ເປັນ​ການ​ກະທຳ​ຜິດ​ເລັກ​ນ້ອຍກໍ​ຕາມ.

ຜູ້ປະທ້ວງ Black Lives Matter ຄົນນຶ່ງກ່າວຕໍ່ບັນດາເພື່ອນເຂົ້າຮ່ວມປະທ້ວງ.
ຜູ້ປະທ້ວງ Black Lives Matter ຄົນນຶ່ງກ່າວຕໍ່ບັນດາເພື່ອນເຂົ້າຮ່ວມປະທ້ວງ.

ທ່ານ​ກ່າວ​ວ່າ ມັນ​ເຮັດ​ໃຫ້ການ​ຊອກ​ຫາວຽກ​ທີ່​ດີໆ ​ແລະເຮືອນ​ຊານ​ບ້ານ​ຊ່ອງ​ທີ່​ມີຄຸນ​ນະພາ​ບ ​ເປັນ​ການຍາກລຳບາກ​ແກ່​ຊາວ​ອາ​ເມຣິກັນ​ເຊື້ອສາຍ​ອາ​ຟຣິກາ ຫລາຍໆ​ຄົນ.

ທ່ານ Kiai ກ່າວ​ວ່າ “ການ​ໃຫ້ເຫດຜົນ ​ແລະຄວາມ​ໂກດ​ຮ້າຍທີ່ສາມາດຮູ້ສຶກໄດ້​ຢູ່​ໃນ ​ປະຊາຄົມ​ຊາວຜິວດຳກ່ຽວ​ກັບເລື້ອງບໍ່​ຍຸຕິ​ທຳ​ເຫລົ່າ​ນີ້” ​ໄດ້​ເຮັດໃຫ້ເກີດການ​ເຄື່ອນ​ໄຫວ Black Lives Matter ທີ່​ໄດ້​ເຕີບ​ໂຕ ຫລັງ​ຈາກ​ໄດ້​ມີ​ການ​ຍິງ​ສັງຫານ​ຂອງ​ຕຳ​ຫຼວດ​ໃສ່​ພວກຊາວໜຸ່ມ ​ແລະ​ຜູ້​ຊາຍຜິວ​ດຳ.

ທ່ານ​ຍັງ​ໄດ້​ຕິຕຽນ​ສະພາບ​ແຮງງານຕ່າງ​ດ້າວ​ຢູ່​ໃນ​ສະຫະລັດ ​ໂດຍກ່າວ​ວ່າ​ເຂົາ​ເຈົ້າ​ໄດ້ ສວຍໃຊ້​ ​ແລະ​ຢ້ານ​ວ່າຈະມີການເອົາ​ເອົາ​ບາດກ້າວ ເພື່ອປັບປຸງສະພາບ​ການ​ເຮັດ​ວຽກ ​ໃຫ້​ດີ​ຂຶ້ນ ​ເພາະວ່າ​ອາດຈະ​ມີ​ການ​ແກ້​ແຄ້ນຄືນ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG