ພະຂອງກຸ່ມສາສະໜາຄຣິສຕ໌ທີ່ໄດ້ຍົກເລີກແຜນການທີ່ຈະ ຈູດພະຄຳພີໂກຣ່ານກ່າວວ່າ ທ່ານຫວັງວ່າ ຈະໄດ້ພົບປະ ກັບນັກສອນສາສະໜາທີ່ຢູ່ເບື້ອງຫຼັງ ການກໍ່ສ້າງສູນກາງ ສາສະໜາອິສລາມ ໃກ້ໆກັບບ່ອນຕັ້ງຂອງຕຶກອາຄານສູນ ກາງການຄ້າໂລກກ່ອນຈະຖືກພວກກໍ່ການຮ້າຍໂຈມຕີໃນ ວັນທີ 11 ກັນຍາປີ 2001 ນັ້ນ.
ພະ Terry Jones ໄດ້ເດີນທາງ ໄປເຖິງນະຄອນນິວ ຢອກ ໃນຕອນແລງຂອງມື້ວັນສຸກວານນີ້ ໃນຄວາມພະຍາ ຍາມ ເພື່ອຢາກພົບພໍ້ ກັບອີໝຳ Feisal Abdul Rauf ທີ່ກ່າວວ່າ ທ່ານບໍ່ມີແຜນທີ່ຈະພົບປະ ຫລືຍ້າຍແຜນການກໍ່ສ້າງວັດສາສະໜາອິສລາມນັ້ນ ແຕ່ປະການໃດ.
ເພື່ອນຂອງພະ Jones ກ່າວວ່າ ທ່ານຈະບໍ່ຈູດພະຄຳພີໂກຣ່ານ ໃນວັນເສົາມື້ນີ້ຕາມທີ່ໄດ້ມີ ການວາງແຜນໄວ້ ແຕ່ກໍເວົ້າວ່າ ທ່ານບໍ່ສາມາດຢືນຢັນໄດ້ ກ່ຽວກັບແຜນການໃນອະນາຄົດ.
ປະທານາທິບໍດີ ບາຣັກ ໂອບາມາ ກ່າວວ່າ ແຜນການຈູດພະຄຳພີໂກຣ່ານ ຈະເຮັດໃຫ້ທະ ຫານອະເມຣິກັນ ຢູ່ໃນຕ່າງປະເທດ ຊຶ່ງຫຼາຍສິບພັນຄົນ ຢູ່ໃນບັນດາປະເທດ ທີ່ນັບຖືສາສະ ໜາອິສລາມນັ້ນ ຕົກຢູ່ໃນອັນຕະລາຍ. ໃນກອງປະຊຸມຖະແຫຼງຂ່າວ ມື້ວານນີ້ ປະທານາທິບໍ ດີໂອບາມາຊີ້ໃຫ້ເຫັນ ເຖິງການກໍ່ຈະລາຈົນ ທີ່ໄດ້ເກີດຂຶ້ນແລ້ວ ໃນອັຟການິສຖານ ເປັນໂຕ ຢ່າງ. ທ່ານກ່າວວ່າ ການຈູດພະຄຳພີໂກຣ່ານ ອາດຈະສ້າງຄວາມເສຍຫາຍ ຢ່າງເລິກເຊິ່ງ ຢູ່ໃນທົ່ວໂລກ ໃຫ້ແກ່ສະຫະລັດ.
ທ່ານໂອບາມາ ໄດ້ຮ້ອງຂໍໃຫ້ມີຄວາມອະນຸໂລມຜ່ອນຜັນທາງດ້ານສາສະໜາ ແລະເວົ້າວ່າ ສະຫະລັດ ບໍ່ໄດ້ເຮັດສົງຄາມ ຕໍ່ຕ້ານສາສະໜາອິສລາມ ແຕ່ໄດ້ເຮັດສົງຄາມຕໍ່ຕ້ານອົງການ ກໍ່ການຮ້າຍ ທີ່ໄດ້ບິດເບືອນຄຳສັ່ງສອນ ຂອງສາສະໜາ ອິສລາມນັ້ນ.
