ການປະກາດຂອງປະທານາທິບໍດີຣັດເຊຍ ທ່ານ Vladimir
Putin ໃນວັນອັງຄານອາທິດແລ້ວນີ້ທີ່ວ່າທ່ານມີຄວາມຕັ້ງໃຈ
ທີ່ຈະເພີ້ມລູກສອນໄຟຂີປະນາວຸດຂ້າມທະວີບຫຼາຍ ກວ່າ 40
ຊະນິດ ເຂົ້າສົມທົບໃສ່ຄັງອາວຸດນິວເຄລຍຂອງຕົນນັ້ນ ກຳລັງ
ໄດ້ຮັບການຕອບໂຕ້ຢ່າງງຽບໆແຕ່ກໍຍັງຖືກເຕືອນແບບມີເງື່ອນ
ງຳຈາກທຳນຽບຂາວ. Luis Ramirez ນັກຂ່າວວີໂອເອ ປະຈຳ
ທຳນຽບຂາວ ມີລາຍງານກ່ຽວກັບເລື້ອງນີ້ ຊຶ່ງ ກິ່ງສະຫວັນ ຈະນຳມາສະເໜີທ່ານ.
ມັນເປັນການປະກາດ ທີ່ຄາດວ່າຈະສ້າງຄວາມຕື່ນຕົກໃຈ ໃນໂລກຫລັງຍຸກສົງຄາມເຢັນ.
ປະທານາທິບໍດີ Vladimir Putin ໄດ້ໃຊ້ງານໂຊອາວຸດ ສະແດງໃຫ້ເຫັນແສນຍານຸພາບ
ທີ່ທັນສະໄໝຂອງກອງທັບຣັດເຊຍ ເພື່ອເປັນການສົ່ງຂ່າວຂອງທ່ານ.
ທ່ານ Putin ກ່າວວ່າ “ກຳລັງນິວເຄລຍຂອງພວກເຮົາ ຈະໄດ້ຮັບການສະໜອງຈະຫລວດ
ຂີປະນາວຸດຂ້າມທະວີບ ຫຼາຍກວ່າ 40 ກວ່າຊະນິດ ທີ່ສາມາດເອົາຊະນະລະບົບປ້ອງກັນ
ຕໍ່ຕ້ານລົດຖັງ ເຖິງແມ່ນວ່າມັນເປັນເທັກນິກ ທີ່ກ້າວໜ້າທີ່ສຸດກໍຕາມ.”
ຢູ່ທີ່ທຳນຽບຂາວ ແມ່ນມີຄຳຕອບທີ່ງຽບໆແບບໃດແບບນຶ່ງ ຈາກໂຄສົກ ທ່ານ Josh
Earnest.
“ຂ້າພະເຈົ້າເຫັນລາຍງານເຫລົ່ານັ້ນແລ້ວ ຂ້າພະເຈົ້າ ບໍ່ມີປະຕິກິລິຍາທີ່ເຈາະຈົງ
ຕໍ່ລາຍງານເຫລົ່ານັ້ນ.”
ການປະກາດຂອງ ທ່ານ Putin ມີຂື້ນຫລັງຈາກຣັດເຊຍໄດ້ເຕືອນ ກ່ຽວກັບແຜນຂອງສະ
ຫະລັດ ທີ່ຈະສົ່ງອຸບປະກອນ ແລະທະຫານ ໄປປະຈຳການໃນຢູໂຣບຕາເວັນອອກ ແລະ
ເຂດທະເລ Baltic ຫລັງຈາກມົສກູ ຍັງສືບຕໍ່ເຂົ້າພົວພັນຢູ່ໃນຢູເຄຣນ ຊຶ່ງຣັດເຊຍກ່າວວ່າ
ອາດຈະມີຜົນຕິດຕາມມາທີ່ເປັນໄພອັນຕະລາຍ.
ທ່ານ Josh Earnest ໄດ້ເຕືອນມົສກູ ໃນວັນອັງຄານທີ່ຜ່ານມານີ້ວ່າ.
“ສະຫະລັດ ຍັງຈະສືບຕໍ່ ດຳເນີນບາດກ້າວ ທີ່ພວກເຮົາເຊື່ອວ່າມີຄວາມຈຳເປັນ
ເພື່ອປ້ອງກັນຄວາມປອດໄພຂອງພວກເຮົາ ດິນແດນຂອງພວກເຮົາ ອະທິປະ
ໄຕຂອງພວກເຮົາ ແລະພວກເຮົາຖືວ່າ ສິ່ງທັງໝົດເຫລົ່ານັ້ນ ເປັນເລື້ອງທີ່ຈິງຈັງ.”
ສະຫະລັດ ໄດ້ໃຫ້ການຢືນຢັນອີກຄັ້ງນຶ່ງເຖິງຄວາມໝັ້ນໝາຍຂອງຕົນ ເພື່ອຊ່ວຍປ້ອງກັນ
ພັນທະມິດຂອງອົງການ NATO ທີ່ໄດ້ຕື່ນຕົກໃຈໂດຍການປະກາດຂອງທ່ານ Putin.
ເລຂາທິການໃຫຍ່ຂອງອົງການ NATO ທ່ານ Jens Stoltenberg ກ່າວວ່າ:
“ການຂົ່ມຂູ່ທີ່ຈະໃຊ້ກຳລັງນິວເຄລຍຂອງຣັດເຊຍດັ່ງກ່າວນີ້ ແມ່ນບໍ່ມີເຫດຜົນ
ພຽງພໍ. ມັນເຮັດໃຫ້ເກີດຄວາມບໍ່ມີຄວາມທຸ່ນທ່ຽງ ແລະເປັນອັນຕະລາຍ.”
ແລະ ບັນດາເຈົ້າໜ້າທີ່ອົງການ NATO ກ່າວວ່າ ມັນເປັນເຫດຜົນທີ່ວ່າ ເປັນຫຍັງເຂົາ
ເຈົ້າຈຶ່ງເພີ້ມການກຽມພ້ອມ ກຳລັງຂອງເຂົາເຈົ້າ.
ຢູ່ໃນປະເທດໂປແລນ ອາທິດນີ້ ກອງກຳລັງເຄື່ອນຢ່າງວ່ອງໄວຂອງອົງການ NATO
ໄດ້ທຳການຊ້ອມລົມເຕັມທີ່ເປັນເທື່ອທຳອິດ ນັບແຕ່ໄດ້ສ້າງຂື້ນມາໃນປີແລ້ວນີ້ ເພື່ອ
ເປັນການຕອບໂຕ້ຕໍ່ວິກິດການໃນຢູເຄຣນ.
