ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ປ. ພູຕິນ ວ່າ ອີຣ່ານ ຕົກລົງ ກ່ຽວກັບ ໂຄງການນີວເຄລຍ ແມ່ນດຳເນີນໄປ ພາຍໃຕ້ການຕັດສິນໃຈ ຂອງທ່ານ


ປ. Vladimir Putin ແຫ່ງຣັດເຊຍ ໃນລາຍການ
ຕອບຄຳຖາມຈາກປະຊາຊົນ ທີ່ຖ່າຍທອດ
ສົດທາງໂທລະພາບ ທົ່ວປະເທດ
ປ. Vladimir Putin ແຫ່ງຣັດເຊຍ ໃນລາຍການ ຕອບຄຳຖາມຈາກປະຊາຊົນ ທີ່ຖ່າຍທອດ ສົດທາງໂທລະພາບ ທົ່ວປະເທດ

ປະທານາທິບໍດີ Vladimir Putin ​ແຫ່ງຣັດ​ເຊຍ ກ່າວ​ວ່າ
ຄວາມ​ເຕັມ​ໃຈ​ຂອງ​ອີຣ່ານ​ເພື່ອ​ພະຍາຍາມໃຫ້​ບັນລຸ​ຂໍ້​ຕົກລົງ
ກ່ຽວ​ກັບ​ໂຄງການ​ນີວ​ເຄລຍຂອງ​ອີຣ່ານ​ໄດ້​ດຳ​ເນີນ​ໄປ​ພາຍ​
ໃຕ້​ຄຳ​ຕັດສິນ​ໃຈ​ຂອງ​ທ່ານ ​ເພື່ອ​ແຜ້ວ​ທາງ​ສຳລັບ​ການ​ຂາຍ​
ລະບົບ​ປ້ອງ​ກັນ​ທາງ​ອາກາດ S-300 ທີ່ ອາດມີຂຶ້ນຂອງຣັດ​
ເຊຍ​ໃຫ້ເຕຫະຣ່ານນັ້ນ.

ທ່ານ​ພູ​ຕິນ ກ່າວ​ເຊັ່ນ​ນີ້​ໃນ​ວັນ​ພະຫັດ​ມື້​ນີ້ ຢູ່​ໃນ​ລະຫວ່າງ​ການ
ຊັກ​ຖາມ​ແລະ​ໃຫ້​ຄຳ​ຕອບປະຈຳ​ປີ ທີ່​ຖ່າຍ​ທອດ​ສົດ​ທາງ​ໂທ
ລະພາບ​ຂອງຣັດ​ເຊຍ​ ​ໂດຍ​ຮັບ​ຄຳ​ຖາມ​ຈາກ​ພວກ​ປະຊາຊົນ
ຊາວຣັດ​ເຊຍ.

ມອສກູ ​ໄດ້​ລົງ​ນາມ​ໃນ​ສັນຍາ​ສະບັບໜຶ່ງ ທີ່​ມີ​ມູນ​ຄ່າ 800 ລ້ານ​ດອນ​ລາ​ໃນ​ປີ 2007 ຜ່ານ​ມາ ​ເພື່ອ​ຂາຍ​ພວກ​ລະບົບ​ດັ່ງກ່າວ 5 ​ເຄື່ອງ​ໃຫ້​ເຕຫະຣ່ານນັ້ນ. ​ແຕ່ຣັດ​ເຊຍ​ໄດ້​ໂຈະ​ສັນຍາ​ດັ່ງກ່າວ​ໃນ​ເວລາ 3 ປີ​ຕໍ່​ມາ ຫຼັງ​ຈາກ​ສະພາ​ຄວາມ​ໝັ້ນຄົງ​ສະຫະ​ປະຊາຊາດ ທຳການ​ການ​ລົງ​ໂທດ​ຕໍ່​ອີຣ່ານ.

​ໃນ​ວັນ​ຈັນ​ຜ່ານ​ມາ​ນີ້ ​ໃນ​ເວລາ​ພຽງ​ບໍ່​ເທົ່າ​ໃດ​ຊົ່ວ​ໂມງ ຫຼັງ​ຈາກ​ມອສກູ​ປະກາດ​ການ​ຕັດສິນ​ໃຈ​ທີ່​ຈະ​ຍົກ​ເລີກ​ການ​ຫ້າມ​ດັ່ງກ່າວ​ໃຫ້​ຮູ້ ລັດຖະບານ​ທ່ານ​ໂອ​ບາ​ມາ ​ໄດ້​ສະ​ແດງ​ຄວາມ​ເປັນ​ຫ່ວງ​ອອກ​ມາ ກ່ຽວ​ກັບ​ການ​ເຄື່ອນ​ໄຫວນີ້.

ກະຊວງ​ການ​ຕ່າງປະ​ເທດ​ສະຫະລັດ ກ່າວ​ວ່າ ການ​ສົ່ງ​ລູກ​ສອນ​ໄຟ S-300 ​ໃຫ້​ອີຣ່ານນີ້​ ຈະ​ບໍ່​ລະ​ເມີດ​ການ​ລົງ​ໂທດ​ຂອງ​ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດ​ ທີ່​ມີ​ຢູ່​ໃນປັດຈຸບັນ ​ແຕ່​ສະຫະລັດ​ເຊື່ອ​ວ່າ" ​ນີ້​ບໍ່​ແມ່ນ​ເວລາ” ສຳລັບ​ການ​ຊື້​ຂາຍ​ ​ເມື່ອ​ຄຳ​ນຶງ​ເຖິງ​ຄວາມ​ວຸ້ນວາຍ​ຢູ່​ໃນພາກ​ພື້ນນັ້ນ.

Russia Putin
please wait
Embed

No media source currently available

0:00 0:00:28 0:00

XS
SM
MD
LG