ລິ້ງ ສຳຫລັບເຂົ້າຫາ

ວັນພຸດ, ໑໗ ເມສາ ໒໐໒໔

ທ່ານ ພູຕີນ ຈະເຫັນດີນໍາ ການແຊກແຊງ ໃນຊີເຣຍ ຖ້າມີຫລັກຖານ ການໃຊ້ ອາວຸດເຄມີ (ວີດິໂອ)


ປະທານາທິບໍດີ Vladimir Putin ເຫັນດີກັບ ການສະໜັບສະໜູນ ສະຫະປະຊາຊາດ ໃຊ້ກໍາລັງໃນຊີເຣຍ ຖ້າຫາກມີຫລັກຖານ ການ ໃຊ້ອາວຸດເຄມີ ຢູ່ຊີເຣຍ
ປະທານາທິບໍດີ Vladimir Putin ເຫັນດີກັບ ການສະໜັບສະໜູນ ສະຫະປະຊາຊາດ ໃຊ້ກໍາລັງໃນຊີເຣຍ ຖ້າຫາກມີຫລັກຖານ ການ ໃຊ້ອາວຸດເຄມີ ຢູ່ຊີເຣຍ
ປະທາ​ທນາ​ທິບໍດີຣັດ​ເຊຍ ທ່ານ Vladimir Putin ກ່າວ​ວ່າ
ທ່ານ​ບໍ່​ປະຕິ​ເສດ​ຕໍ່ຊ່ອງ​ທາງ ​ໃນ​ການ​ສະໜັບສະໜຸນ​ການ​
ອະນຸຍາດ​ຂອງອົງການ​ສະຫະ​ປະຊາ​ຊາດ ​ໃຫ້​ໃຊ້​ກໍາລັງ​ທະ
ຫານ​ຕໍ່​ຊີເຣຍນັ້ນ ຖ້າ​ຫາກ​ມີ​ຫລັກ​ຖານ​ຢືນຢັນ​ວ່າ ກໍາລັງ
ຂອງ​ລັດຖະບານຊີ​ເຣຍ​ໄດ້​ໃຊ້​ອາວຸດ​ເຄມີ ​ໂຈມ​ຕີ​ພວກ​ພົນ
ລະ​ເຮືອນ​ແທ້.

ທ່ານ​ພູ​ຕິນ​ໄດ້​ບອກ​ອົງການ​ຂ່າວ AP ກັບ​ໂທລະພາບຣັດ​ເຊຍ​
ວ່າ ສະຫະລັດ​ຄວນ​ຈະ​ນໍາ​ສະ​ເໜີ​ຫລັກ​ຖານ​ທີ່​ພາ​ໃຫ້​ເຊື່ອ​ໝັ້ນ​
ໄດ້ ຕໍ່​ສະຫະ​ປະຊາ​ຊາດ ​ແລະ​ເຕືອນ​ຕໍ່​ການເອົາ​ບາດກ້າວ​ທາງ​
ທະຫານ​ຂອງ​ສະຫະລັດ​ໂດຍ​ບໍ່​ໄດ້​ຮັບ​ການ​ເຫັນດີ​ນໍາ​ຈາກ​ສະ
ຫະ​ປະຊາ​ຊາດ​ນັ້ນ.

ພ້ອມ​ດຽວ​ກັນ​ນີ້ ທ່ານ​ພູ​ຕິນ​ເວົ້າ​ວ່າ ຮັດ​ເຊຍ​ໄດ້​ໂຈະ​ການຈັດ​ສົ່ງ​ຊິ້ນ​ສ່ວນ​ຂອງ​ລູກ​ສອນ​ໄຟ​ຕໍ່ຕ້ານ​ອາກາດ​ສະຍານ ລຸ້ນ S-300 ​ໄປ​ໃຫ້​ຊີ​ເຣຍນັ້ນ​ແລ້ວ ​ແລະ​ກໍ​ຈະ​ພິຈາລະນາ​ເລື້ອງ​ນີ້​ຄືນ​ໃໝ່ ຖ້າ​ຫາກ​ມີ​ການ​ເອົາ​ບາດກ້າວ ທີ່​ຝ່າຝືນ​ຕໍ່​ມາດຕະຖານ​ການ​ປະຕິບັດ​ຂອງ​ສາກົນ.

ຣັດ​ເຊຍ​ຈະ​ເປັນ​ເຈົ້າພາບ​ຈັດ​ກອງ​ປະຊຸມ G-20 ​ໃນ​ທ້າຍ​ອາທິດ​ນີ້ ຢູ່​ນະຄອນ St. Petersburg ຊຶ່ງ​ຄາດ​ວ່າ ບັນຫາ​ຊີ​ເຣຍຈະ​ຢູ່​ໃນ​ອັນ​ດັບ​ສູງ​ສຸດ​ຂອງ​ລາຍການ​ປະຊຸມ.
ປະທານາທິບໍດີ ບາຣັກ ​ໂອ​ບາ​ມາ ​ໄດ້ພະຍາຍາມ​ປຸກ​ລະດົມ​ເອົາ​ການ​ສະໜັບສະໜຸນ ຈາກ​ທັງ​ພາຍ​ໃນ​ແລະ​ນອກ​ປະ​ເທດ ສໍາລັບ​ການ​ເອົາ​ບາດກ້າວ​ຕໍ່​ຊີ​ເຣຍນັ້ນ. ຂະນະ​ນີ້ ທ່ານ​ກໍາລັງ​ຢຸດ​ແວ່​ທີ່​ກຸງ Stockholm ປະ​ເທດ​ສະ​ວີ​ເດັນ ​ເພື່ອ​ຢ້ຽມຢາມ​ເປັນ​ເວລາ​ນຶ່ງ​ວັນ ກ່ອນ​ເດ​ີນທາງ​ຕໍ່​ໄປ​ຍັງຣັດ​ເຊ​ຍ ​ເພື່ອ​ຮ່ວມ​ກອງ​ປະຊຸມ G-20.

ຄະນະ​ກໍາມະການນຶ່ງທີ່​ສໍາຄັນ​ ຂອງສະພາ​ສູງສະຫະລັດ ອາດ​ຈະ​ລົງ​ຄະ​ແນນ​ສຽງກັນ ​ໃນ​ວັນ​ພຸດ​ມື້​ນີ້ ​ກ່ຽວ​ກັບ​ມາດ​ຕະການອະນຸ​ຍາດ ​ໃຫ້​ໃຊ້​ກໍາລັງທະຫານ​ສະຫະລັດ​ຕໍ່​ຊີ​ເຣຍນັ້ນ.

ບັນດາ​ຜູ້​ນໍາ​ຄະນະ​ກໍາມະການຄວາມ​ສໍາພັນ​ຕ່າງປະ​ເທດ ​ໄດ້​ຕົກລົງ​ກັນ​ໃນ​ວັນ​ອັງ​ຄານ​
ວານ​ນີ້ ກ່ຽວ​ກັບ​ລາຍ​ລະອຽດ​ຂອງ​ແຜນການ ທີ່​ຈະ​ອໍານວຍ​ໃຫ້​ ທ່ານ Obama ມີ​ອໍາ
ນາດ​ອອກ​ຄໍາ​ສັ່ງ ໃຫ້ໂຈມ​ຕີ​ຕໍ່ ​ເປົ້າໝາຍທາງ​ທະຫານຂອງຊີ​ເຣຍ ​ແບບ​ຈໍາກັດໄດ້ ​ເປັນ
​ເວລາ 60 ມື້ ​ແລະ​ໃຫ້​ຕໍ່​ອອກ​ໄປ​ໄດ້​ອີກ 30 ມື້ ພາຍ​ໃຕ້​ສະພາບ​ການ​ບາງ​ຢ່າງ. ​ແຜນ
ການ​ດັ່ງກ່າວ​ຈະ​ບໍ່​ອະ​ນຸຍາດ ​ໃຫ້​ໃຊ້​ທະຫານ​ທາງພາກ​ພື້ນ​ດິນ.

ທ່ານແຄຣີໃຫ້ການຕໍ່ສະພາກ່ຽວກັບເລື້ອງຊີເຣຍ ແລະສະມາຊິກລັດຖະສະພາ ຈໍານວນນຶ່ງ ໃຫ້ການສະໜັບສະໜຸນທ່າທີຂອງລັດຖະບານ:

Key US Lawmakers Signal Support for Strikes on Syria
please wait

No media source currently available

0:00 0:03:05 0:00
ລິງໂດຍກົງ
XS
SM
MD
LG