ລິ້ງ ສຳຫລັບເຂົ້າຫາ

ຜູ້ນໍາ ຣັດເຊຍ ແລະ ອິສຣາແອລ ​ຫາລືກັນ ເລື່ອງ​ຊີ​ເຣຍ (ວີດີໂອ)


ທ່ານ Vladimir Putin (ຂວາ) ​ພົບກັບ ທ່ານ Benjamin Netanyahu
ປະທານາທິບໍດີຣັດ​ເຊຍ ທ່ານ Vladimir Putin ​ໄດ້​ເປັນ​ເຈົ້າ​ພາບ
ຕ້ອນຮັບ ນາ​ຍົກ​ລັດຖະມົນຕີ ອິສຣາ​ແອ​ລ ທ່ານ Benjamin
Netanyahu ​ໃນ​ການ​ໂອ້​ລົມ​ສົນທະນາ​ວັນ​ໃນ​ວັນ​ອັງຄານ​ມື້​ນີ້
ທີ່​ເພັ່ງ​ເລັງ​ໃສ່ສະຖານະ​ການ​ໃນ​ຊີ​ເຣຍ.

ອິ​ສຣາ​ແອ​ລ ​ແລະ​ກຸ່​ມປະ​ເທດ​ຫາ​ອໍານາດຕາ​ເວັນ​ຕົກ ມີ​ຄວາມ​
ເປັນ​ຫ່ວງກ່ຽວ​ກັບການ​ທີ່ ຣັດ​ເຊຍຈະຂາຍ​ອາ​ວຸດ ຕໍ່ຕ້ານ​ເຮືອບິນ
ທີ່​ທັນ​ສະ​ໄໝໃຫ້ຊີ​ເຣຍ ທີ່​ຈະ​ຍິ່ງ​ເຮັດໃຫ້ມີ​ບັນຫາ​ຫຍຸ້​ງຍາກ​ຂຶ້ນ
​ໃນການໂຈມ​ຕີ​ທາງ​ອາກາດ​ໃດໆ​ຕໍ່​ກອງ​ກໍາລັງ​ຂອງ​ປະທານາ
ທິບໍດີ Bashar al-Assad ນັ້ນ.



ລັດຖະມົນ​ຕີ​ກະຊວງ​ການ​ຕ່າງປະ​ເທດ​ຣັດ​ເຊຍ ທ່ານ Sergei Lavrov ​ໄດ້​ກ່າວ​ໃນອາ ທິດ
ແລ້ວ​ນີ້​ວ່າ ລັດຖະບານ​ຂອງ​ທ່ານກໍາລັງ​ຈະ​ເສັດ​ສິ້ນ​ການຂາ​ຍອາວຸດໃຫ້​ແກ່ຊີເຣຍ ພາຍ​ໃຕ້
​ສັນຍາທີ່​ມີ​ຢູ່​ແລ້ວນັ້ນ ​ແຕ່​ບໍ່​ໄດ້​ກ່າວ​ວ່າ ມີລູກ​ສອນ​ໄຟຕໍ່ຕ້ານ​ອາກາດ​ສະຍານ S-300
ທີ່​ກ້າວໜ້າ​ ​ຮວມຢູ່​ໃນ​ນັ້ນ​ຫຼື​ບໍ່.

ການ​ໂອ້​ລົມ​ສົນທະນາ​ກັນລະຫວ່າງ​ຜູ້ນໍາທັງ​ສອງ​ແມ່ນ​ມີ​ຂຶ້ນ ​ໃນ​ຂະນະທີ່​ມີ​ການ​ດໍາ​ເນີນ​
ຄວາມ​ພະຍາຍາມສືບ​ຕໍ່ມາ ​ເພື່ອ​ຈັດກອງ​ປະຊຸມສັນຕິພາບ​ນາໆ​ຊາດກ່ຽວ​ກັບ​ຊີ​ເຣຍ
ຊຶ່ງທາງຣັຍ​ເຊຍ​ແລະສະ​ຫະລັດ ​ໄດ້​ສະ​ເໜີຂຶ້ນ​ມາ ​ໃນ​ອາທິດແລ້ວ​ນີ້.

ປ​ະທາ​ນາ​ທິບໍດີ​ພູ​ຕິນ ​ໄດ້ໂອ້​ລົມ​ກັບ​ລັດຖະມົນຕີ​ຕ່າງປະ​ເທດ​ສະຫະລັດ ທ່ານ John
Kerry ກັບ​ນາຍົກ​ລັດຖະມົນຕີ​ອັງກິດ ທ່ານ David Cameron ​ໃນ​ອາທິດ​ແລ້ວ​ນີ້
ກ່ຽວ​ກັບ​ແຜນການ​ນໍາເອົາ ຜູ້​ຕາງໜ້າ​ຈາກ​ຝ່າຍ​ລັດຖະບານ​ຊີ​ເຣຍ​ແລະ​ຝ່າຍ​ຕໍ່ຕ້ານ
ມາ​ປະຊຸມ​ກັນ ​ຊຶ່ງ​ກໍ​ຍັງ​ບໍ່​ແຈ້ງ​ຂາວ​ເທື່ອ​ວ່າ ທັງ​ສອງ​ຝ່າຍ​ຈະ​ເຂົ້າ​ຮ່ວມ​ນໍາ​ຫລື​ບໍ່?

ເບິ່ງວີດິໂອ ສະຫະລັດຄັດຄ້ານຕໍ່ການຂາຍອາວຸດຂອງຣັດເຊຍ ໃຫ້ຊີເຣຍ:

ທ່ານອາດຈະມັກເລື້ອງນີ້ຄືກັນ

XS
SM
MD
LG