ປະທານາທິບໍດີ ວະລາດີເມຍ ປູຕິນ, ໃນວັນອັງຄານວານນີ້ ໄດ້ຫຼຸດຜ່ອນຂອບເຂດການນຳໃຊ້ອາວຸດນິວເຄລຍຂອງຣັດເຊຍລົງຢ່າງເປັນທາງການ, ອັນເປັນການເຄື່ອນໄຫວທີ່ເຮັດຕາມການຕັດສິນໃຈຂອງປະທານາທິບໍດີສະຫະລັດ ທ່ານ ໂຈ ໄບເດັນ ທີ່ອະນຸມັດໃຫ້ ຢູເຄຣນ ໂຈມຕີໃສ່ເປົ້າໝາຍເຂົ້າໄປໃນດິນແດນ ຣັດເຊຍ ດ້ວຍລູກສອນໄຟຂີປະນາວຸດໄລຍະໄກທີ່ສະໜອງໃຫ້ໂດຍອາເມຣິກາ.
ທິດສະດີໃໝ່ ເຮັດໃຫ້ ມົສກູ ສາມາດຕອບສະໜອງດ້ານອາວຸດນິວເຄລຍໄດ້, ແມ່ນແຕ່ການໂຈມຕີທົ່ວໄປຕໍ່ ຣັດເຊຍ ໂດຍປະເທດຕ່າງໆທີ່ໄດ້ຮັບການສະໜັບ ສະໜູນຈາກປະເທດມະຫາອໍານາດທາງດ້ານນິວເຄລຍ.
ກະຊວງປ້ອງກັນປະເທດຣັດເຊຍກ່າວວ່າ ຢູເຄຣນ ໄດ້ທໍາການຍິງລູກສອນໄຟ ATACMS ທີ່ຜະລິດໂດຍສະຫະລັດ 6 ລູກ ໃນຕອນເຊົ້າຂອງວັນອັງຄານວານນີ້ ໃສ່ສະຖານທີ່ທາງການທະຫານໃນຂົງເຂດ ບຣີອານສຄ໌ (Bryansk) ຂອງ ຣັດເຊຍ ທີ່ມີຊາຍແດນຕິດກັບ ຢູເຄຣນ, ທາງກະຊວງຍັງເປີດເຜີຍຕື່ມວ່າ ກອງກໍາລັງປ້ອງກັນທາງອາກາດໄດ້ຍິງລູກສອນໄຟຕົກ 5 ລູກ ແລະໄດ້ຮັບຄວາມເສຍຫາຍຕື່ມອີກນຶ່ງລູກ. ກອງທັບຢູເຄຣນອ້າງວ່າ ການໂຈມຕີໃນຄັ້ງນີ້ ກະທົບໃສ່ຄັງເກັບລູກປືນຂອງ ຣັດເຊຍ ອີກດ້ວຍ.
ເຖິງແມ່ນຫຼັກຄໍາສອນດັ່ງກ່າວຈະຄາດການກ່ຽວກັບການຕອບໂຕ້ດ້ວຍອາວຸດນິວເຄລຍທີ່ເປັນໄປໄດ້ຈາກ ຣັດເຊຍ ຕໍ່ການໂຈມຕີແບບທໍາມະດາກໍຕາມ, ແຕ່ຫຼັກ ທິດສະດີນີ້ ຊໍ້າພັດຖືກກໍານົດຂຶ້ນມາແບບກວ້າງຂວາງ ເພື່ອຫລີກລ້ຽງການໃຫ້ ຄໍາຫມັ້ນສັນຍາທີ່ໜັກແໜ້ນໃນການນໍາໃຊ້ອາວຸດນິວເຄລຍ ແລະຮັກສາທາງ ເລືອກອື່ນໆຂອງ ທ່ານ ປູຕິນ ຕໍ່ໄປ.
ທ່ານລັດຖະມົນຕີການຕ່າງປະເທດລັດເຊຍ ເຊີເກ ລາວລອຟ (Sergey Lavrov) ເນັ້ນຢໍ້າວ່າ ການບຸກໂຈມຕີຂອງ ຢູເຄຣນ ຢູ່ຂົງເຂດ ບຣີອານສຄ໌ ຖືເປັນການຍົກລະດັບຄວາມຮຸນແຮງຢ່າງຕັ້ງໜ້າ ພ້ອມທັງຮຽກຮ້ອງໃຫ້ສະຫະລັດ ແລະບັນດາບັນດາປະເທດພັນທະມິດຕາເວັນຕົກ ດຳເນີນການສຶກສາກ່ຽວກັບທິດສະດີທີ່ທັນສະໄໝທາງດ້ານນິວເຄລຍ.
ທ່ານ ລາວລອຟ ກ່າວຢູ່ນອກກອງປະຊຸມ G20 ທີ່ຈັດຂຶ້ນໃນປະເທດບຣາຊິລ ໂດຍບໍ່ໄດ້ໃຫ້ລາຍລະອຽດໃດໆເພີ້ມເຕີມວ່າ “ຖ້າຫາກລູກສອນໄຟໄລຍະໄກຖືກນຳໃຊ້ຈາກດິນແດນຂອງ ຢູເຄຣນ ເພື່ອໂຈມຕີເຂົ້າສູ່ດິນແດນຂອງ ຣັດເຊຍ, ນັ້ນກໍໝາຍຄວາມວ່າ ມັນຖືກຄວບຄຸມໂດຍບັນດາຜູ້ຊ່ຽວຊານດ້ານການທະຫານຂອງອາເມຣິກາ ແລະພວກເຮົາຈະຖືວ່າ ເປັນຊ່ວງໄລຍະໃໝ່ຂອງສົງຄາມຝ່າຍຕາເວັນຕົກກັບ ຣັດເຊຍ, ພວກເຮົາກໍຈະທໍາການຕອບໂຕ້ຕາມຄວາມເໝາະສົມ.
ການອະນຸມັດເອກະສານດັ່ງກ່າວ ໄດ້ສະແດງໃຫ້ເຫັນເຖິງຄວາມພ້ອມຂອງ ທ່ານ ປູຕິນ ທີ່ຈະຍິງອາວຸດນິວເຄລຍຂອງຕົນ ເພື່ອບັງຄັບໃຫ້ຝ່າຍຕາເວັນຕົກຖອຍຫຼັງໄປ ໃນຂະນະທີ່ມົສກູ ກົດດັນການບຸກໂຈມແບບຊ້າໆຢູ່ໃນ ຢູເຄຣນ ໃນຂະນະທີ່ສົງຄາມຂອງພວກເຂົາແກ່ຍາວມາເປັນເວລາ 1,000 ມື້ແລ້ວ.
ອ່ານຂ່າວດ້ານລຸ່ມນີ້ເປັນພາສາອັງກິດ
President Vladimir Putin on Tuesday formally lowered the threshold for Russia’s use of its nuclear weapons, a move that follows U.S. President Joe Biden’s decision to let Ukraine strike targets inside Russian territory with American-supplied longer-range missiles.
The new doctrine allows for a potential nuclear response by Moscow even to a conventional attack on Russia by any nation that is supported by a nuclear power.
Russia’s Defense Ministry said Ukraine fired six U.S.-made ATACMS missiles early Tuesday at a military facility in Russia's Bryansk region that borders Ukraine, adding that air defenses shot down five of them and damaged one more. Ukraine's military claimed the strike hit a Russian ammunition depot.
While the doctrine envisions a possible nuclear response by Russia to such a conventional strike, it is formulated broadly to avoid a firm commitment to use nuclear weapons and keep Putin's options open.
Russian Foreign Minister Sergey Lavrov emphasized that the Ukrainian strike in Bryansk marked an escalation and urged the U.S. and other Western allies to study the modernized nuclear doctrine.
“If the long-range missiles are used from the territory of Ukraine against the Russian territory, it will mean that they are controlled by American military experts and we will view that as a qualitatively new phase of the Western war against Russia and respond accordingly,” Lavrov said on the sidelines of the G20 meeting in Brazil without elaborating.
The approval of the document demonstrates Putin’s readiness to tap his nuclear arsenal to force the West to back down as Moscow presses a slow-moving offensive in Ukraine as the war reached its 1,000th day.
ຟໍຣັມສະແດງຄວາມຄິດເຫັນ