ປະທານາທິບໍດີຣັດເຊຍ ທ່ານ Vladimir Putin ໄດ້ເຕືອນເຖິງຜົນ
ທີ່ຈະຕາມມາຂອງການໃຊ້ກໍາລັງທະຫານໂຈມຕີຊີເຣຍ ໃນຂະນະ
ທີ່ລັດຖະມົນຕີການຕ່າງປະເທດຂອງທ່ານ ກໍາລັງຕຽມພົບປະກັບ
ລັດຖະມົນຕີການຕ່າງປະເທດສະຫະລັດ ທ່ານ John Kerry
ເພື່ອ ປຶກສາຫາລືກັນ ກ່ຽວກັບແຜນການຂອງຣັດເຊຍ ທີ່ຈະຍຸຕິ
ການຂົ່ມຂູ່ໂດຍອາວຸດເຄມີຂອງ ຊີເຣຍ.
ທ່ານ Putin ໄດ້ກ່າວເນັ້ນຢູ່ໃນບົດຄວາມເຫັນຂອງໜັງສືພິມ
New York Times ເຖິງ ຄວາມຈໍາເປັນທີ່ຈະຕ້ອງດຳເນີນງານ
ຜ່ານອົງການສະຫະປະຊາຊາດແລະການບໍ່ເອົາບາດກ້າວ
ເພື່ອປະຕິບັດງານທາງທະຫານໂຈມຕີຊີເຣຍຕາມລຳພັງ.
ທ່ານກ່າວວ່າ ການໂຈມຕີທາງທະຫານຂອງສະຫະລັດນັ້ນ “ຍິ່ງຈະເພີ່ມຄວາມຮຸນແຮງ
ແລະຍິ່ງຈະກໍ່ໃຫ້ເກີດກະແສຟອງຄື້ນໃໝ່ຂອງພວກກໍ່ການຮ້າຍ” ແລະອາດຈະມີ
ຜົນກະທົບໃນທາງລົບຕໍ່ການແກ້ໄຂ ບັນຫານີວເຄລຍຂອງອີຣານ ຕະຫລອດທັງຂັ້ນຕອນ
ການສ້າງສັນຕິພາບ ລະຫວ່າງ Israel ແລະ Palestine.
ທ່ານ Putin ຍັງໄດ້ກ່າວອີກວ່າ ມັນມີເຫດຜົນຮອບດ້ານ ທີ່ຈະເຊື່ອວ່າພວກນັກລົບ
ຂອງຝ່າຍຕໍ່ຕ້ານ ເປັນຜູ້ຮັບຜິດຊອບໃນການນໍາໃຊ້ອາວຸດເຄມີຢູ່ຊີເຣຍ ໃນຄວາມ
ພະຍາຍາມ ເພື່ອຢາກໃຫ້ມີການຕອບໂຕ້ທາງທະຫານຈາກພາຍນອກ. ສະຫະລັດ
ໄດ້ຖິ້ມໂທດໃສ່ລັດ ຖະບານຊີເຣຍທີ່ໃຊ້ແກ໊ສພິດໂຈມຕີພົນລະເຮືອນ.
Click to enlarge
ໃນຂະນະດຽວກັນນັ້ນ ທ່ານ Kerry ແລະຄູ່ຕໍາແໜ່ງຝ່າຍ
ຣັດເຊຍທ່ານ Sergei Lavrov ມີກຳນົດຈະພົບປະໃນ
ວັນພະຫັດມື້ນີ້ ທີ່ນະຄອນ Geneva ເພື່ອປຶກສາຫາລື
ລາຍລະອຽດຕ່າງໆຂອງແຜນການ ທີ່ທາງຣັດເຊຍໄດ້
ສະເໜີໄປນັ້ນ ເພື່ອໃຫ້ຊີເຣຍມອບອາວຸດເຄມີໃຫ້ທາງ
ອົງການສະຫະປະຊາຊາດທໍາລາຍ.
ຫົວໜ້າຂອງກຸ່ມກອງທັບຊີເຣຍ ເສລີ ຫຼື Free Syrian
Army ທ່ານ Salim Idris ໄດ້ປະຕິເສດຕໍ່ຂໍ້ສະເໜີຂອງຣັດເຊຍໃນວີດີໂອທີ່ນຳອອກ
ເຜີຍແຜ່ທາງ ອິນເຕີແນັດ ໂດຍກ່າວວ່າປະຊາຄົມນາໆຊາດບໍ່ຄວນທີ່ຈະຍົກຍ້າຍ
ແຕ່ພຽງອາວຸດທໍ່ນັ້ນ ແຕ່ຍັງຕ້ອງລົງໂທດພວກທີ່ຮັບຜິດຊອບໃນການນຳໃຊ້ມັນດ້ວຍ.
ໃນອາທິດນີ້ ປະທານາທິບໍດີສະຫະລັດ ທ່ານ Barack Obama ໄດ້ໃຫ້ການສະໜັບ
ສະໜຸນຢ່າງລະມັດລະວັງຕໍ່ຂໍ້ລິເລີ່ມທາງການທູດຂອງຣັດເຊຍ ແຕ່ກໍເວົ້າວ່າ ການໃຊ້
ກອງກໍາລັງທະຫານສະຫະລັດ ຈະກຽມພ້ອມເພື່ອທຳການຕອບໂຕ້ ຖ້າຫາກວ່າ
ການດຳເນີນຄວາມພະຍາຍາມທາງການທູດລົ້ມແຫຼວ.
ທີ່ຈະຕາມມາຂອງການໃຊ້ກໍາລັງທະຫານໂຈມຕີຊີເຣຍ ໃນຂະນະ
ທີ່ລັດຖະມົນຕີການຕ່າງປະເທດຂອງທ່ານ ກໍາລັງຕຽມພົບປະກັບ
ລັດຖະມົນຕີການຕ່າງປະເທດສະຫະລັດ ທ່ານ John Kerry
ເພື່ອ ປຶກສາຫາລືກັນ ກ່ຽວກັບແຜນການຂອງຣັດເຊຍ ທີ່ຈະຍຸຕິ
ການຂົ່ມຂູ່ໂດຍອາວຸດເຄມີຂອງ ຊີເຣຍ.
ທ່ານ Putin ໄດ້ກ່າວເນັ້ນຢູ່ໃນບົດຄວາມເຫັນຂອງໜັງສືພິມ
New York Times ເຖິງ ຄວາມຈໍາເປັນທີ່ຈະຕ້ອງດຳເນີນງານ
ຜ່ານອົງການສະຫະປະຊາຊາດແລະການບໍ່ເອົາບາດກ້າວ
ເພື່ອປະຕິບັດງານທາງທະຫານໂຈມຕີຊີເຣຍຕາມລຳພັງ.
ທ່ານກ່າວວ່າ ການໂຈມຕີທາງທະຫານຂອງສະຫະລັດນັ້ນ “ຍິ່ງຈະເພີ່ມຄວາມຮຸນແຮງ
ແລະຍິ່ງຈະກໍ່ໃຫ້ເກີດກະແສຟອງຄື້ນໃໝ່ຂອງພວກກໍ່ການຮ້າຍ” ແລະອາດຈະມີ
ຜົນກະທົບໃນທາງລົບຕໍ່ການແກ້ໄຂ ບັນຫານີວເຄລຍຂອງອີຣານ ຕະຫລອດທັງຂັ້ນຕອນ
ການສ້າງສັນຕິພາບ ລະຫວ່າງ Israel ແລະ Palestine.
ທ່ານ Putin ຍັງໄດ້ກ່າວອີກວ່າ ມັນມີເຫດຜົນຮອບດ້ານ ທີ່ຈະເຊື່ອວ່າພວກນັກລົບ
ຂອງຝ່າຍຕໍ່ຕ້ານ ເປັນຜູ້ຮັບຜິດຊອບໃນການນໍາໃຊ້ອາວຸດເຄມີຢູ່ຊີເຣຍ ໃນຄວາມ
ພະຍາຍາມ ເພື່ອຢາກໃຫ້ມີການຕອບໂຕ້ທາງທະຫານຈາກພາຍນອກ. ສະຫະລັດ
ໄດ້ຖິ້ມໂທດໃສ່ລັດ ຖະບານຊີເຣຍທີ່ໃຊ້ແກ໊ສພິດໂຈມຕີພົນລະເຮືອນ.
ໃນຂະນະດຽວກັນນັ້ນ ທ່ານ Kerry ແລະຄູ່ຕໍາແໜ່ງຝ່າຍ
ຣັດເຊຍທ່ານ Sergei Lavrov ມີກຳນົດຈະພົບປະໃນ
ວັນພະຫັດມື້ນີ້ ທີ່ນະຄອນ Geneva ເພື່ອປຶກສາຫາລື
ລາຍລະອຽດຕ່າງໆຂອງແຜນການ ທີ່ທາງຣັດເຊຍໄດ້
ສະເໜີໄປນັ້ນ ເພື່ອໃຫ້ຊີເຣຍມອບອາວຸດເຄມີໃຫ້ທາງ
ອົງການສະຫະປະຊາຊາດທໍາລາຍ.
ຫົວໜ້າຂອງກຸ່ມກອງທັບຊີເຣຍ ເສລີ ຫຼື Free Syrian
Army ທ່ານ Salim Idris ໄດ້ປະຕິເສດຕໍ່ຂໍ້ສະເໜີຂອງຣັດເຊຍໃນວີດີໂອທີ່ນຳອອກ
ເຜີຍແຜ່ທາງ ອິນເຕີແນັດ ໂດຍກ່າວວ່າປະຊາຄົມນາໆຊາດບໍ່ຄວນທີ່ຈະຍົກຍ້າຍ
ແຕ່ພຽງອາວຸດທໍ່ນັ້ນ ແຕ່ຍັງຕ້ອງລົງໂທດພວກທີ່ຮັບຜິດຊອບໃນການນຳໃຊ້ມັນດ້ວຍ.
ໃນອາທິດນີ້ ປະທານາທິບໍດີສະຫະລັດ ທ່ານ Barack Obama ໄດ້ໃຫ້ການສະໜັບ
ສະໜຸນຢ່າງລະມັດລະວັງຕໍ່ຂໍ້ລິເລີ່ມທາງການທູດຂອງຣັດເຊຍ ແຕ່ກໍເວົ້າວ່າ ການໃຊ້
ກອງກໍາລັງທະຫານສະຫະລັດ ຈະກຽມພ້ອມເພື່ອທຳການຕອບໂຕ້ ຖ້າຫາກວ່າ
ການດຳເນີນຄວາມພະຍາຍາມທາງການທູດລົ້ມແຫຼວ.
