ປະທານາທິບໍດີຝຣັ່ງ ທ່ານ Francois Hollande ໄດ້ພົບປະກັບ
ປະທານາທິບໍດີຣັດເຊຍ ທ່ານ Vladimir Putin ເພື່ອປຶກສາ
ຫາລື ເລື່ອງວິກິດການໃນຢູເຄຣນ ຊຶ່ງທ່ານ Hollande ໄດ້ກາຍ
ມາເປັນຜູ້ນຶ່ງ ໃນບັນດາຜູ້ນຳປະເທດຕາເວັນຕົກ ທີ່ໄດ້ເດີນທາງ
ໄປຢ້ຽມຢາມ ຜູ້ນຳຣັດເຊຍ ນັບຕັ້ງແຕ່ ຣັດເຊຍໄດ້ຢຶດເອົາ ແຫຼມ
ຄຣາຍເມຍ.
ທ່ານ Hollande ພົບປະກັບ ທ່ານ Putin ໃນວັນເສົາວານນີ້ ຢູ່
ສະໜາມບິນ ມົສກູ ຊຶ່ງເປັນການຢຸດແວ່ ທີ່ບໍ່ໄດ້ມີການປະກາດ
ໃຫ້ຮູ້ຫລ່ວງໜ້າ ໃນລະຫວ່າງເດີນທາງ ກັບນະຄອນຫລວງປາຣີ
ຈາກປະເທດກາຊັກສະຖານ.
ຢູ່ໃນການຖະແຫລງແຍກກັນ ຫຼັງຈາກການພົບປະກັນແລ້ວ ຜູ້ນຳແຕ່ລະທ່ານ ກ່າວວ່າ
ທ່ານຫວັງວ່າ ຂໍ້ຕົກລົງຢຸດຍິງຈະໄດ້ຮັບການປະຕິ ບັດກັນຢ່າງຖາວອນໄດ້ ຢູ່ໃນພາກ
ຕາເວັນອອກຂອງຢູເຄຣນ ພາຍໃນສອງສາມມື້ຂ້າງໜ້ານີ້.
ການເຈລະຈາມີຂຶ້ນ ໃນເວລາທີ່ເກີດຄວາມເຄັ່ງຕຶງໃໝ່ໆ ລະຫວ່າງຣັດເຊຍແລະບັນດາ
ປະເທດຕາເວັນຕົກ ກ່ຽວກັບສະຖານະການໃນຢູເຄຣນ ບ່ອນທີ່ມົສກູ ໄດ້ຖືກກ່າວຫາໂດຍ
ກີແອຟ ແລະ ບັນດາອຳນາດຕາເວັນຕົກ ວ່າໃຫ້ການຊ່ອຍເຫຼືອພວກກະບົດແບ່ງແຍກດິນ
ແດນນິຍົມຣັດເຊຍ ຢູ່ທາງພາກຕາເວັນອອກຂອງຢູເຄຣນນັ້ນ.
ຢູ່ໃນການກ່າວຄຳຖະແຫລງກ່ຽວກັບສະພາບການຂອງປະເທດຊາດ ປະຈຳປີ ໃນວັນພະຫັດ ຜ່ານມາ ທ່ານ Putin ໄດ້ຕອບໂຕ້ຄືນ ຕໍ່ການລົງໂທດຕ່າງໆຕໍ່ຣັດເຊຍ ເມື່ອຕົ້ນປີນີ້ ໂດຍກ່າວຫາ ບັນດາປະເທດຕາເວັນຕົກ ວ່າກະຕຸ້ນໃຫ້ເກີດວິກິດການໃນຢູເຄຣນ ແລະ
ນຳໃຊ້ການລົງໂທດຕ່າງໆ ເພື່ອພະຍາຍາມຄວບຄຸມຣັດເຊຍ.
ການແວ່ຢ້ຽມຢາມມົສກູ ຂອງທ່ານ Hollande ມີຂຶ້ນ ໃນຂະນະທີ່ ກີແອຟ ໄດ້ປະກາດ
ການເຈລະຈາຮອບໃໝ່ ກັບພວກກະບົດ ໃນອາທິດໜ້າ ເພື່ອພະຍາຍາມຮັກສາໄວ້ ຂໍ້ຕົກ
ລົງຢຸດຍິງເມື່ອເດືອນກັນຍາ ທີ່ໄດ້ແຕກຫັກລົງນັ້ນ. ການເຈລະຈາດັ່ງກ່າວຈະຈັດຂຶ້ນໃນວັນ
ອັງຄານ ທີ່ຈະມາເຖິງນີ້.
French President Franaçois Hollande has met with Russian President Vladimir Putin to discuss the crisis in Ukraine, becoming one of the first Western leaders to visit the Russian leader since his annexation of Crimea.
Mr. Hollande met Mr. Putin Saturday at Moscow's main airport, making a surprise stop on his way back to Paris from a trip to Kazakhstan.
In separate remarks after the meeting, each leader said he hoped a cease-fire would take hold in eastern Ukraine within the next few days.
Upcoming talks Tuesday between Ukraine and Russian-backed separatists aim to try and rescue a September cease-fire agreement that has often failed.
