ປະທານາທິບໍດີຢູເຄຣນກ່າວວ່າ ສ່ວນໃຫຍ່ຂອງກຳລັງລັດຖະ
ບານ ຂອງທ່ານ ໄດ້ຖອນອອກຈາກເມືອງ Debaltseve ທີ່
ຍາດແຍ່ງກັນກັບພວກກະບົດນິຍົມຣັດເຊຍ ຊຶ່ງໄດ້ປິດລ້ອມ
ເມືອງນັ້ນໄວ້ ແລະເປັນບ່ອນ ທີ່ມີການສູ້ລົບກັນຢູ່ຕໍ່ມາ ເຖິງ
ແມ່ນໄດ້ບັນລຸຂໍ້ຕົກລົງຢຸດຍິງກັນແລ້ວກໍຕາມ.
ກອງກຳລັງຂອງລັດຖະບານ Kiev ໄດ້ “ຖອນອອກຈາກ
ເມືອງ Debaltseve ຕາມທີ່ໄດ້ວາງແຜນໄວ້ ແລະ
ຢ່າງມີລະບຽບ” ອີງຕາມຄຳຖະແຫຼງຜ່ານທາງວີດີໂອ ໃນ
ວັນພຸດມື້ນີ້ຂອງປະທານາທິບໍດີ Petro Poroshenko ທີ່
ວາງແຜນຈະເດີນທາງໄປຍັງແນວໜ້າເພື່ອພົບພໍ້ກັບພວກ
ທະຫານ ໃນຕອນບ່າຍມື້ນີ້.
ຢູເຄຣນ ແລະ ພວກກະບົດ ຍັງສູ້ລົບກັນ ທີ່ ມ. Debaltseve
ທ່ານ Poroshenko ກ່າວວ່າ ມາຮອດປັດຈຸບັນ ໜ່ວຍທະຫານຕ່າງໆຂອງຢູເຄຣນ ແມ່ນໄດ້ຖອນອອກຈາກເມືອງໄປ 80 ສ່ວນຮ້ອຍແລ້ວ ແລະຄາດວ່າ ອີກສອງຂະບວນຈະຖອນ
ອອກໄປໃນບໍ່ຊ້ານີ້. ທ່ານກ່າວອີກວ່າ ມີທະຫານຢູເຄຣນພຽງແຕ່ 30 ຄົນເທົ່ານັ້ນ ໄດ້ຮັບບາດເຈັບໃນລະຫວ່າງການຖອນອອກມາ ເຖິງແມ່ນໄດ້ຕົກຢູ່ໃຕ້ການຖືກລະດົມຍິງປືນ
ໃຫຍ່ໃສ່ຢ່າງໜັກກໍຕາມ.
ເມືອງຍຸດທະສາດແຫ່ງນີ້ ຊຶ່ງໄດ້ຖືກພວກກະບົດນິຍົມຣັດເຊຍປິດລ້ອມໄວ້ນັ້ນ ໄດ້ເປັນ
ຈຸດສູນກາງຂອງການຕໍ່ສູ້ກັນ ໃນຫວ່າງບໍ່ເທົ່າໃດອາທິດຜ່ານມານີ້ ເຖິງແມ່ນໄດ້ມີການບັນ
ລຸຂໍ້ຕົກລົງຢຸດຍິງ ພາຍໃຕ້ການໄກ່ເກ່ຍຂອງນາໆຊາດ ທີ່ເລີ້ມມີຜົນບັງຄັບໃຊ້ມາຕັ້ງແຕ່ວັນອາທິດແລ້ວນີ້ກໍຕາມ.
ພວກຫົວແບ່ງແຍກໄດ້ຢືນຢັດວ່າ ເມືອງດັ່ງກ່າວໄດ້ຖືກປິດລ້ອມ ກ່ອນການຢຸດຍິງເລີ້ມມີຜົນບັງຄັບໃຊ້ ໂດຍເຮັດເຂດດັ່ງກ່າວ ເປັນພາກສ່ວນຂອງຂົງເຂດ ທີ່ຢູ່ພາຍໃຕ້ການຄວບ
ຄຸມຂອງຝ່າຍກະບົດ ແທນທີ່ຈະເປັນເຂດແນວໜ້າ ບ່ອນທີ່ພວກຜູ້ຕາງໜ້າໄດ້ຕົກລົງກັນວ່າ ການສູ້ລົບກັນຈະຍຸດຕິລົງນັ້ນ.
