ອົງການຂ່າວຕ່າງໆຂອງຣັດເຊຍ ລາຍງານວ່າ ປະທານາທິບໍດີ
Vladimir Putin ໄດ້ຮ້ອງຂໍໃຫ້ ບັນດາຜູ້ແທນສະພາແຫ່ງຊາດ
ຖອນສິດທິທີ່ພວກເຂົາເຈົ້າໄດ້ມອບໃຫ້ກອງກຳລັງຂອງຣັດເຊຍ
ເພື່ອໃຫ້ເຂົ້າໄປແຊກແຊງໃນຢູເຄຣນໄດ້ນັ້ນ.
ລາຍງານຂ່າວເວົ້າວ່າ ທ່ານ Putin ໄດ້ສົ່ງຄຳຮ້ອງຂໍດັ່ງກ່າວ
ໄປຍັງສະພາສູງຂອງຣັດເຊຍ ໃນວັນອັງຄານມື້ນີ້.
ໃນຕອນແລງວັນຈັນວານນີ້ ປະທານາທິບໍດີສະຫະລັດທ່ານ
Barack Obama ໄດ້ຮຽກຮ້ອງຜ່ານທາງໂທລະສັບໃຫ້
ທ່ານ Putin ຊ່ວຍໃຫ້ມີການຈັດຕັ້ງປະຕິບັດແຜນການຂອງ
ຜູ້ນຳຂອງຢູເຄຣນ ທ່ານ Petro Poroshenko ເພື່ອຫຼຸດຜ່ອນຄວາມເຄັ່ງຕຶງທາງການເມືອງລົງ ເລີ້ມຕົ້ນດ້ວຍການຢຸດຍິງ ຊຶ່ງທີ່ຜູ້ນຳຢູເຄຣນໄດ້ປະກາດໄປ ໃນວັນສຸກແລ້ວນີ້.
ທ່ານ Obama ໄດ້ໂອ້ລົມກັບທ່ານ Putin ທາງໂທລະສັບໃນແລງວັນຈັນວານນີ້. ທຳນຽບຂາວກ່າວວ່າ ປະທານາທິບໍດີສະຫະລັດໄດ້ຮຽກຮ້ອງໃຫ້ທ່ານ Putin ກົດດັນ
ພວກແບ່ງແຍກດິນແດນ ຊາວຢູເຄຣນທີ່ນິຍົມຣັດເຊຍ ໃຫ້ເຄົາລົບການຢຸດຍິງ
ເປັນອາທິດນຶ່ງ ແລະຢຸດເຊົາສົ່ງອາວຸດຂ້າມຊາຍແດນ ຈາກຣັດເຊຍ ໄປຍັງຢູເຄຣນ.
ໃນວັນຈັນວານນີ້ ຜູ້ນຳຄົນນຶ່ງຂອງພວກຢາກແບ່ງແຍກດິນແດນນິຍົມຣັດເຊຍ ທີ່ພວມ
ປະທະກັນ ກັບທະຫານຢູເຄຣນ ໃນພາກຕາເວັນອອກຂອງປະເທດ ກ່າວວ່າ ພວກຕົນ
ກໍຈະຢຸດເຊົາການ ສູ້ລົບຊົ່ວຄາວ ໄປຈົນຮອດວັນທີ 27 ມິຖຸນາ ເພື່ອໃຫ້ຄຽງຄູ່ໄປ ກັບການ
ຢຸດຍິງຂອງທ່ານ Poroshenko ນັ້ນ.
![ພາບຫລ້າສຸດ ຈາກຢູເຄຣນ]()
Photo Gallery:
ການປະກາດດັ່ງກ່າວມີຂຶ້ນ ໃນຂະນະທີ່ພວກກະບົດ ເຂົ້າຮ່ວມການໂອ້ລົມສົນທະນາກັບທູດພິເສດຂອງຣັດເຊຍແລະຄະນະເຈລະຈາຂອງຢູເຄຣນ ແນໃສ່ຫາທາງຍຸດຕິວິກິດການທີ່ເກີດຂຶ້ນ ຢູ່ໃນສາທາລະນະລັດເກົ່າແຫ່ງນັ້ນ ຂອງອະດີດສະຫະພາບ
ໂຊຫວຽດ. ອະດີດປະທານາທິບໍດີ Leonid Kuchma ແມ່ນຜູ້ຕາງໜ້າຂອງຢູເຄຣນ
ໃນການເຈລະຈາດັ່ງກ່າວ.
ທ່ານ Kuchma ໄດ້ບອກກັບບັນດານັກຂ່າວວ່າ ຍ້ອນການຕົກລົງຢຸດຍິງດັ່ງກ່າວນີ້
“ນຶ່ງໃນບັນຫາສຳ ຄັນທີ່ຂັດຂວາງການເຈລະຈານັ້ນ ໄດ້ຖືກແກ້ໄຂໄປແລ້ວ.”
ບັນດາເຈົ້າໜ້າທີ່ກ່າວວ່າ ການເຈລະຈາກັນອີກ ແມ່ນກຳນົດທີ່ຈະມີຂຶ້ນໃນສັບປະດານີ້.
Vladimir Putin ໄດ້ຮ້ອງຂໍໃຫ້ ບັນດາຜູ້ແທນສະພາແຫ່ງຊາດ
ຖອນສິດທິທີ່ພວກເຂົາເຈົ້າໄດ້ມອບໃຫ້ກອງກຳລັງຂອງຣັດເຊຍ
ເພື່ອໃຫ້ເຂົ້າໄປແຊກແຊງໃນຢູເຄຣນໄດ້ນັ້ນ.
ລາຍງານຂ່າວເວົ້າວ່າ ທ່ານ Putin ໄດ້ສົ່ງຄຳຮ້ອງຂໍດັ່ງກ່າວ
ໄປຍັງສະພາສູງຂອງຣັດເຊຍ ໃນວັນອັງຄານມື້ນີ້.
ໃນຕອນແລງວັນຈັນວານນີ້ ປະທານາທິບໍດີສະຫະລັດທ່ານ
Barack Obama ໄດ້ຮຽກຮ້ອງຜ່ານທາງໂທລະສັບໃຫ້
ທ່ານ Putin ຊ່ວຍໃຫ້ມີການຈັດຕັ້ງປະຕິບັດແຜນການຂອງ
ຜູ້ນຳຂອງຢູເຄຣນ ທ່ານ Petro Poroshenko ເພື່ອຫຼຸດຜ່ອນຄວາມເຄັ່ງຕຶງທາງການເມືອງລົງ ເລີ້ມຕົ້ນດ້ວຍການຢຸດຍິງ ຊຶ່ງທີ່ຜູ້ນຳຢູເຄຣນໄດ້ປະກາດໄປ ໃນວັນສຸກແລ້ວນີ້.
ທ່ານ Obama ໄດ້ໂອ້ລົມກັບທ່ານ Putin ທາງໂທລະສັບໃນແລງວັນຈັນວານນີ້. ທຳນຽບຂາວກ່າວວ່າ ປະທານາທິບໍດີສະຫະລັດໄດ້ຮຽກຮ້ອງໃຫ້ທ່ານ Putin ກົດດັນ
ພວກແບ່ງແຍກດິນແດນ ຊາວຢູເຄຣນທີ່ນິຍົມຣັດເຊຍ ໃຫ້ເຄົາລົບການຢຸດຍິງ
ເປັນອາທິດນຶ່ງ ແລະຢຸດເຊົາສົ່ງອາວຸດຂ້າມຊາຍແດນ ຈາກຣັດເຊຍ ໄປຍັງຢູເຄຣນ.
ໃນວັນຈັນວານນີ້ ຜູ້ນຳຄົນນຶ່ງຂອງພວກຢາກແບ່ງແຍກດິນແດນນິຍົມຣັດເຊຍ ທີ່ພວມ
ປະທະກັນ ກັບທະຫານຢູເຄຣນ ໃນພາກຕາເວັນອອກຂອງປະເທດ ກ່າວວ່າ ພວກຕົນ
ກໍຈະຢຸດເຊົາການ ສູ້ລົບຊົ່ວຄາວ ໄປຈົນຮອດວັນທີ 27 ມິຖຸນາ ເພື່ອໃຫ້ຄຽງຄູ່ໄປ ກັບການ
ຢຸດຍິງຂອງທ່ານ Poroshenko ນັ້ນ.
ພາບຫລ້າສຸດ ຈາກຢູເຄຣນ
ການປະກາດດັ່ງກ່າວມີຂຶ້ນ ໃນຂະນະທີ່ພວກກະບົດ ເຂົ້າຮ່ວມການໂອ້ລົມສົນທະນາກັບທູດພິເສດຂອງຣັດເຊຍແລະຄະນະເຈລະຈາຂອງຢູເຄຣນ ແນໃສ່ຫາທາງຍຸດຕິວິກິດການທີ່ເກີດຂຶ້ນ ຢູ່ໃນສາທາລະນະລັດເກົ່າແຫ່ງນັ້ນ ຂອງອະດີດສະຫະພາບ
ໂຊຫວຽດ. ອະດີດປະທານາທິບໍດີ Leonid Kuchma ແມ່ນຜູ້ຕາງໜ້າຂອງຢູເຄຣນ
ໃນການເຈລະຈາດັ່ງກ່າວ.
ທ່ານ Kuchma ໄດ້ບອກກັບບັນດານັກຂ່າວວ່າ ຍ້ອນການຕົກລົງຢຸດຍິງດັ່ງກ່າວນີ້
“ນຶ່ງໃນບັນຫາສຳ ຄັນທີ່ຂັດຂວາງການເຈລະຈານັ້ນ ໄດ້ຖືກແກ້ໄຂໄປແລ້ວ.”
ບັນດາເຈົ້າໜ້າທີ່ກ່າວວ່າ ການເຈລະຈາກັນອີກ ແມ່ນກຳນົດທີ່ຈະມີຂຶ້ນໃນສັບປະດານີ້.
