ລິ້ງ ສຳຫລັບເຂົ້າຫາ

logo-print

ພວກ Dreamers ປະຕິຍານວ່າ ຈະຕໍ່ສູ້ ໃຫ້ເຖິງທີ່ສຸດ ເພື່ອໃຫ້ໂຄງການ DACA ດຳເນີນຕໍ່ໄປ


US Daca Trump
please wait
Embed

No media source currently available

0:00 0:00:47 0:00

ລັດຖະມົນຕີ​ກະຊວງ​ຍຸຕິ​ທຳ​ສະຫະລັດ ທ່ານ Jeff Sessions ​ໄດ້​ປະກາດ​ການສິ້ນ​ສຸດ
​ລົງ​ຂອງ​ໂຄງການ DACA ຊຶ່ງ​ເປັນ​ໂຄງ​ການ ເລື່ອນ​ເວລາ​ ໃນ​ການ​ເອົາ​ມາດ​ຕະການ ​ຕໍ່
​ພວກເດັກນ້ອຍ​ທີ່ເຂົ້າ​ມາ​ໃນສະ​ຫະລັດ​ແບບ​ຜິດ​ກົດໝາຍໃນ​ວັນ​ອັງ​ຕານ​ວານ​ນີ້. ອະດີດ
​ປະທາ ນາທິບໍດີບາຣັກ ​ໂອ​ບາ​ມາ ​ໄດ້​ເລີ່​ມ​ໂຄງການ​ນີ້​ເພື່ອໃຫ້​ໂອກາດ​ແກ່​ພວກ​ເດັກນ້ອຍ
ຈຸ​ດັ່ງກ່າວສາມາດຫາ​ວຽກ​ເຮັດ​ງານ​ທຳ​ໄດ້​ແລະ​ປົກ​ປ້ອງເຂົາ​ເຈົ້າຈາກ​ການ​ຖືກ​ເນລະ​ເທດ
ທີ່​ມີ​ທັງ​ໝົດປະມານ 800 ພັນ​ຄົນ ​ຊຶ່ງ​ໄດ້​ເຂົ້າ​ມາໃນ​ສະຫະລັດ ຕັ້ງ​ແຕ່​ຕອນ​ເປັນ​ເຍົາ​ໄວ​
ນັ້ນ ​ ໂດຍ​ບໍ່​ໄດ້ ຮັບ​ວີ​ຊາ ຫຼື​ໃບອະນຸຍາດ​ໃຫ້​ຢູ່​ໃນ​ສະຫະລັດ. ລັດຖະບານ​ຂອງ​ປະທານາ
ທິບໍດີທຣຳ ​ໄດ້ຕັດ ສິນ​ໃຈ​ຍົກ​ເລີກ​ໂຄງການນີ້ ​ທັງໆ​ທີ່ໄດ້​ມີ​ການຂໍ​ຮ້ອງ​ຈາກ​ພວກ​ທີ່ໄດ້
​ຮັບ​ຜົນກະທົບ ຈາກ​ຝັ່ງທະ​ເລ​ກ້ຳ​ຕາ​ເວັນ​ອອກ ​ເຖິງຝັ່ງທະ​ເລຕາ​ເວັນ​ຕົກ​ນັ້ນກໍ​ຕາມ.
Ramon Taylor ນັກຂ່າວ​ຂອງ VOA ໄດ້​ໂອ້​ລົມ​ກັບ​ພວກ​ທີ່​ໄດ້​ຮັບ​ຜົນ​ປະ​ໂຫຍ​ດຈາກ
​ໂຄງການ DACA ນີ້ ຊຶ່ງ​ກ່າວ​ວ່າ ພວກ​ເຂົາ​ເຈົ້າ​ຈະ​ຕໍ່ສູ້ ​ເພື່ອໃຫ້ໄດ້​ຮັບ​ອະນຸຍາດ​ໃຫ້​
ຢູ່​ໃນ​ສະຫະລັດຕາບ​ໃດ​ທີ່​ພວກ​ເຂົາ​ເຈົ້າ​ຈະ​ສາມາດ​ເຮັດ​ໄດ້ ຊຶ່ງວັນນະ​ສອນ ມີ​ລາຍ​ງານ
​ກ່ຽວ​ກັບ​ເລື່ອງ​ນີ້​ມາສະ​ເໜີ​ທ່ານ.

ນາງ Flor Reyes ຜູ້​ທີ່​ໄດ້​ຮັບ​ຜົນ​ປະ​ໂຫຍ​ດຈາກ​ໂຄ​ງການ DACA ກ່າວ​ວ່າ “ຂ້ອຍ​ບໍ່​ແນ່​
ໃຈ​ວ່າ ຂ້ອຍ​ຈະ​ກັບເມືອບ້ານ​ໃນ​ຕ​ອນ​ແລງ​ມື້​ນີ້​ ​ແລະ​ອະທິບາຍ​ໃຫ້​ແມ່​ຂອງ​ຂ້ອຍຟັງວ່າ
ຄວາມ​ຊ່ອຍ​ເຫຼືອ​ທີ່​ຂ້ອຍ​ໄດ້​ໃຫ້​ແກ່​ເພິ່ນນັ້ນ ​ແມ່ນ​ບໍ່​ມີ​ອີກ​ແລ້ວ…”

ນາງ Flor Reyes ​ໄວ 20 ປີ ​ໄດ້​ຊ່ອຍ​ເຫຼືອ​ແມ່​ຂອງ​ລາວທີ່​ລ້ຽງ​ລູກຜູ້​ດຽວ ​ເພື່ອ​ລ້ຽງ​ພວກ
​ນ້ອງ​ໆ 5 ຄົນ ຊຶ່ງໄດ້​ເກີດ​ຢູ່​ໃນ​ສະຫະລັດ​ທັງ​ໝົດ, ພວກ​ເຂົາ​ເຈົ້າ​ເປັນ​ສັນຊາດ​ອາ​ເມຣິກັນ ​
ແຕ່​ປຶບປັບ ​ອານາ​ຄົດຂອງ​ລາວ​ກັບ​ບໍ່​ເປັນ​ທີ່ແນ່ນອນ.

​ນາງ Flor Reyes ກ່າວ​ຕື່ມວ່າ “ພວກ​ເຮົາ ​ໄດ້​ອອກ​ມາ​ຈາກ​ເງົາ​ມື​ດ ​ເພື່ອ​ຈະ​ປະ​ເຊີນ​ກັບ​ອັນຕະລາຍທີ່​ຮ້າຍແຮງ​ກວ່າ​ ​ເທົ່າ​ນັ້ນ.”

​ເຫດຜົນ​ຂອງ​ນາງ ​ແມ່ນ​ນຶ່ງ​ໃນ​ຜົນ​ກະທົບ​ທີ່​ມີ​ຕໍ່ບຸກຄົນ​ອື່ນໆ​ເກືອ​ບ 800 ພັນ​ຄົນ.
ເຊັ່ນດຽວກັນ​ກັບນາງ Reyes ທັງ​ໝົດ​ແມ່ນ​ໄດ້​ເກີດຢູ່​ໃນ​ປະ​ເທດ​ອື່ນ, ​ແຕ່​ວ່າ​ມາ​ເຕີບ​
ໃຫຍ່​ຢູ່ໃນ​ສະ ຫະລັດ. ​ໃນ​ຫຼາຍໆ​ກໍລະນີ ພວກ​ເຂົາ​ຈະ​ບໍ່​ຮູ້​ສະຖານ​ທີ່​ໃດ​ໆອີກ ທີ່​ຖື​ວ່າ
​ເປັນ​ບ້ານ​ເກີດ. ຈົນ​ມາ​ຮອດວັນອັງຄານ​ວານ​ນີ້ ​ເວລາ​ລັດຖະບານ​ໄດ້​ປະກາດເຖິງ​ການ
ສິ້ນສຸດ​ລົງ​ຂອງ​ໂຄງການ​ດັ່ງກ່າວ ທີ່​ຮູ້​ກັນ​ດີໃນ​ຊື່ DACA ນັ້ນ, ພວກ​ເຂົາ​ເຈົ້າ​ສາມາດ​
ຕໍ່​ອາຍຸບັດ​ເຮັດ​ວຽກ ​ແລະ​ປົກ​ປ້ອງພວກ​ເຂົາ​ເຈົ້າ​ຈາກ​ການ​ເນລະ​ເທດ​ໄດ້.

ທ້າວ Kevin Duarte ຜູ້​ໄດ້​ຮັບ​ຜົນ​ປະ​ໂຫຍ​ດອີກ​ຄົນ​ນຶ່ງ​ຈາກ​ໂຄງການ DACA
ກ່າວ​ວ່າ“​ມັນ​ຍັງ​ເປັນ​ສິ່ງ​ໃດ​ສິ່ງ​ນຶ່ງ​ຢູ່​ໃນ​ອາກາດ ທີ່​ເຈົ້າ​ສາມາດຮູ້ສຶກ​ສຳ​ພັດ ທີ່​ວ່າ
ຢ່າງ​ນ້ອຍ ຂ້ອຍກໍ​ເຮັດ​ໄດ້ ​ເກືອບ​ວ່າ​ມັນສາມາດຊີມ​ໄດ້, ນີ້ແມ່ນຕຶງ​ຄຽດ​ຫຼາຍ.”

ເຊີນຊົມ: ຄວາມເຫັນຂອງທ່ານທຣຳ ກ່ຽວກັບໂຄງການ DACA

ຄວາມຕຶງ​ຄຽດ ​ໄດ້​ກໍ່​ໃຫ້​ເກີດ​ມີ​ການສະ​ແດ​ງຄວາມ​ບໍ່ພໍ​ໃຈ​ໂດຍ​ມີ​ຜູ້​ຄົນຫຼວງຫຼາຍ​ໄປ
​ເຕົ້າ​ໂຮມກັນ​ຢູ່​ໜ້າ​ຕຶກ Trump Tower ​ໃນ​ການ​ຕອບ​ໂຕ້ຕໍ່​ການ​ຕັດສິນ​ໃຈ​ຂອງ​ລັດຖະ
ບານ​ທີ່​ຈົບ​ສິ້ນ​ໂຄງການ DACA ຍ້ອນ​ດ້ານ​ກົດໝາຍ ຫຼືບໍ່​ກໍເຫດຜົນ​ທາງ​ດ້ານ​ກົດໝາຍ.
ລັດຖທຳ​ມະນູນ ​ແມ່ນ​ໄດ້ກຳນົດບົດບາດໃຫ້ແກ່​ສະມາຊິກ​ລັດຖະສະພາ ​ເປັນ​ຜູ້​ອອກ​
ກົດໝາຍ. ​ຝ່າຍ​ບໍລິຫານ​ນັ້ນ​ແມ່ນ​ມີໜ້າ​ທີ່ເປັນ​ຜູ້ກຳກັບ​ ນຳ​ການ​ບັງຄັບ​ໃຊ້ກົດໝາຍ.

ທ່ານ Dave Ray ຈາກສະຫະພັນ​ປະຕິ​ຮູບ​ລະບົບ​ຄົນ​ເຂົ້າ​ເມືອງ​ຂອງ​ອາ​ເມຣິກັນ ​ຫຼື Federation For American Immigration Reform ​ກ່າວວ່າ “ປະທານ​າທິບໍດີ
​ທຣຳ ບໍ່​ສາມາດ​ທີ່​ຈະທາງ​ອອກ​ທີ່​ຖາວອນ​ແກ່​ພວກ​ຜູ້​ຄົນ​ເຫຼົ່າ​ນີ້​ໄດ້. ບໍ່​ມີ​ປະທານາ
ທິບໍດີ​ທ່ານ​ໃດ ສາມາດ​ເຮັດ​ໄດ້. ມັນ​ແມ່ນ​ເກີນ​ສິດອຳນາດ​ຕາມ​ກົດໝາຍ​ລັດຖະ
ທຳ​ມະນູນ​ຂອງ​ປະທານາທິບໍດີ​ໃດ​ໆ. ທ່ານ​ໂອ​ບາ​ມາ​ຊາບ​ດີ, ປະທານາທິບໍດີ​ທຣຳ
ກໍ​ຊາບດີ. ​ເພ​າະສະ​ນັ້ນ ລັດຖະສະພາ ເປັນ​ຜູ້​ທີ່ຈະ​ຕ້ອງແກ້​ໄຂ.”

ມັນເປັນ​ຈຸດທີ່​ບໍ່ກົງ​ກັບ​ພວກ​ນັກເຄື່ອນ​ໄຫວ ​ແລະ​ພວກ​ຜູ້ນຳ​ທີ່​ສະໜັບສະໜຸນ​ໂຄງ
ການ​ນີ້ -ຈາກ​ທຳນຽບຂາວ​ຈົນ​ໄປ​ເຖິງ​ບ້ານ​ຂອງ​ທ່ານ​ທຣຳ ຜູ້​ຊຶ່ງ​ໄດ້ຄັດ​ຄ້ານ​ວ່າ
ນີ້​ແມ່ນ​ເປັນ​ການ​ເສ​ແສ້​ງ ຫຼອກ​ລວງ.

ຜູ້ນຳສຽງສ່ວນນ້ອຍຂອງສະພາຕ່ຳ ທ່ານ Paul Ryan ກ່າວ ໃນຂະນະທີ່ຢ້ຽມຢາມ ບໍລິສັດ Intel ທີ່ເມືອງ Hillsboro ລັດ Oregon, 23 ສິງຫາ, 2017.
ຜູ້ນຳສຽງສ່ວນນ້ອຍຂອງສະພາຕ່ຳ ທ່ານ Paul Ryan ກ່າວ ໃນຂະນະທີ່ຢ້ຽມຢາມ ບໍລິສັດ Intel ທີ່ເມືອງ Hillsboro ລັດ Oregon, 23 ສິງຫາ, 2017.

ທ່ານ Steven Choi ຜູ້ອຳນວຍ​ການຂອງອົງການ​ແນວ​ໂຮມ​ເພື່ອ​ຄົນ​ເຂົ້າ​ເມືອງ​ເຂດ​ນິວ
ຢອກກ່າວ​ວ່າ “ການ​ວິ​ເຄາະ​ດ້ານກົດໝາຍ​ກ່ຽວ​ກັບຄວາມ​ຖືກຕ້ອງ​ຕາມ​ກົດ​ໝາຍ​ໂຄງ
ການ DACA ​ນັ້ນ ​ແມ່ນ​ບໍ່​ໄດ້​ປ່ຽນ​ແປງ​ແຕ່​ຢ່າງ​ໃດ​ເລີຍ. ມັນ​ແມ່ນ​ການ​ວິ​ເຄາະ​ດ້ານກົດ
ໝາຍແບບ​ດຽວ​ກັນ ​ໃນ​ຕອນ​ເລີ່​ມຕົ້ນ​ຂອງ​ລັດຖະບານ​ທ່ານ​ທຣຳ, ຕອນ​ທີ່​ທ່ານ​ທຣຳ ​
ໄດ້​ກ່າວ​ວ່າ ພວກ​ທີ່​ໄດ້​ຮັບ​ຜົນ​ປະ​ໂຫຍ​ດຈາກ​ໂຄງການ​ນີ້ ​ແມ່ນ​ຈະສາມາດ​ວາງ​ໃຈ​ໄດ້​
ຢ່າງ​ສະບາຍ. ບໍ່​ມີ​ຫຍັງ​ໄດ້​ປ່ຽນ​ໄປ​ທາງ​ດ້ານ​ການ​ວິ​ເຄາະ​ກົດໝາຍ, ສິ່ງ​ທີ່​ປ່ຽນ​ແປງໄປ ​
ແມ່ນ​ການ​ເມືອງ​ເທົ່າ​ນັ້ນ.”

​ແລະ​ໃນ​ເມື່ອໂຄງການ​ດັງກ່າວຈະຈົບ​ສິ້ນ​ລົງໃນ​ເດືອນ​ມີນາ ນອກຈາກ​ວ່າ ລັດຖະສະພາ
ທີ່​ແຕກ​ແຍກ​ກັນ​ຢູ່​ນີ້ ​ໄດ້​ເອົາ​ມາດ​ຕະການ​ທາງ​ກົດໝາຍກ່ອນຈະໝົດ​ອາຍຸ ຊຶ່ງ​ມັນ​ບໍ່​ມີ​ຫຍັງ
​ທີ່​ແນ່ນອນ.

ທ້າວ Kevin Duarte ຜູ້​ທີ່​ໄດ້​ຮັບ​ຜົນ​ປະ​ໂຫຍ​ດຈາກ​ໂຄ​ງການ DACA ກ່າວ​ວ່າ “ຂ້ອຍບໍ່​ມີ​ຄວາມ​ຫວັງ​ໃນ​ລັດຖະບານ​ຊຸດ​ນີ້ ຫຼື ​ແມ່ນ​ແຕ່​ໃນ​ປະ​ເທດ​ນີ້ ຖ້າ​ຫາກ​ວ່າ ຂ້ອຍ​ຈະ​ເວົ້າ
ແບບ​ຊື່ສັດ, ຄວາມ​ຫວັງ​ຂອງ​ຂ້ອຍ ​ແມ່ນ​ຢູ່​ພວກ​ຜູ້​ຄົນທັງຫຼາຍທີ່​ທ່ານ​ເຫັນ​ຢູ່​ນີ້. ນີ້​ແມ່ນ​
ບ່ອນ​ທີ່ຂະບວນ​ການ​ເຄື່ອນ​ໄຫວດັ່ງກ່າວ​ ​ພວມ​ເດີນ​ໄປ​ເພື່ອ​ໃຫ້​ໄດ້​ມາ​ຊຶ່ງ​ອຳນາດ ​
ແລະຜູ້​ຄົນ​ພວກ​ນີ້ ​ຈະເປັນຜູ້ນຳພາພວກ​ນັກ​ລົບ​ຮຸ່ນ​ຕໍ່​ໄປ.”

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

ພວກນັກສຶກາ ທີ່ບໍ່ສາມາດລະບຸໄດ້ ໃນການໂຮມຊຸມນຸມປະທ້ວງ ຕໍການສິ້ນສຸດລົງຂອງໂຄງການ DACA ຂ້າງນອກ ຕືດລັດຖະບານກາງ Edward Roybal ໃນະຄອນ Los Angeles, 1 ກັນຍາ, 2017.
ພວກນັກສຶກາ ທີ່ບໍ່ສາມາດລະບຸໄດ້ ໃນການໂຮມຊຸມນຸມປະທ້ວງ ຕໍການສິ້ນສຸດລົງຂອງໂຄງການ DACA ຂ້າງນອກ ຕືດລັດຖະບານກາງ Edward Roybal ໃນະຄອນ Los Angeles, 1 ກັນຍາ, 2017.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG