ເມືອງ Ferguson ທີ່ຢູ່ພາກກາງຂອງ ສະຫະລັດ ໃນລັດ
Missouri ໄດ້ມິດງຽບລົງຫລາຍ ໃນຄືນວັນອັງຄານວານນີ້ ໃນ
ຂະນະທີ່ຕຳຫລວດປາບຈາລະຈົນ ໄດ້ປາກົດໂຕຫລາຍກວ່າ
ພວກປະທ້ວງ ທີ່ມີຈຳນວນໜ້ອຍກວ່າ ອັນເປັນຂີດໝາຍຄົບ
ຮອບນຶ່ງປີ ຂອງການຍິງຜູ້ຊາຍຜິວດຳ ທີ່ບໍ່ມີອາວຸດ ຕາຍ ໂດຍ
ຕຳຫລວດຜີວຂາວ.
ໃນຂະນະຕອນທ່ຽງຄືນກ້າວມາເຖິງ ຫລາຍສິບຄົນໄດ້ພາກັນ
ໄປເຕົ້າໂຮມຢູ່ຕາມຖະໜົນຫົນທາງ ສ່ວນໃຫຍ່ແລ້ວພາກັນຢືນ
ຢູ່ຢ່າງມິດໆ ຢູ່ແຄມທາງ.
ມັນເປັນການເລີ້ມຕົ້ນທີ່ກົງກັນຂ້າມກັບຄືນວັນຈັນ ເວລາຕຳຫລວດໄດ້ຈັບພວກປະທ້ວງ
ປະມານຊາວກວ່າຄົນ ທີ່ຊານເມືອງ St Louis ຫລັງຈາກພວກປະທ້ວງ ໄດ້ແກວ່ງກ້ອນ
ຫີນ ແລະແກ້ວໃສ່ເຂົາເຈົ້າ.
ເຫດການ ສະຫງົບລົງ ໃນເມືອງ Ferguson ລັດ Missouri
ພາບຂອງຄວາມອຶກກະທຶກຄຶກໂຄມ ໃນຖະໜົນເມືອງ Ferguson ຊຶ່ງສ່ວນໃຫຍ່ເປັນ
ພວກປະທ້ວງຜີວດຳ ປະທະກັນກັບຕຳຫລວດ ປະກອບອຸຸບປະກອນ ປາບຈາລະຈົນ
ໄດ້ເຮັດໃຫ້ເກີດຄວາມສັບສົນຫລາຍຂື້ນ ໂດຍການປາກົດໂຕຂອງ ກຸ່ມໃໝ່ ໃນຂະນະທີ່
ພວກທະຫານບ້ານຮ້ອງຕົນເອງວ່າ ຜູ້ຮັກສາຄຳປະຕິຍານ ນຸ່ງເຄື່ອງກັນກະສູນ ແລະຖືປືນ
ຍາວ ແລະປືນສັ້ນ.
ກຸ່ມເຄື່ອນໄຫວຕ້ານລັດຖະບານດ່ັງກາວ ເວົ້າວ່າ ຢູ່ໃນເມືອງ Ferguson ແມ່ນເພື່ອປ້ອງ
ກັນບັນດາທຸລະກິດ ຈາກພວກອາລະວາດ ແລະລັກເອົາເຄຶ່ອງຂອງ ແຕ່ວ່າ ຫົວໜ້າຕຳ
ຫລວດ ເມືອງ St Louis ທ່ານ Jon Belmar ກ່າວວ່າ ການປາກົດໂຕຂອງເຂົາເຈົ້າ
ແມ່ນທັງສອງຢ່າງ ຄື“ບໍ່ຈຳເປັນ ແລະສ້າງຄວາມສັບສົນ.”
ໃນຂະນະທີ່ຄຳ່ຄືນວັນຈັນໄດ້ມາເຖິງ ພວກປະທ້ວງຫລາຍສິບຄົນ ໄດ້ທ້າທາຍຄຳສັ່ງ
ຕຳຫລວດ ຊຳ້ແລ້ວຊຳ້ອີກໃຫ້ໜີອອກຈາກຖະໜົນຫົນທາງ ແລະຢຸດການສັນຈອນຢູ່
ຖະໜົນ West Florissant ບ່ອນທີ່ເຫັນພາບຂອງຄວາມວຸ້ນວາຍ ແລະລັກເອົາສິ່ງຂອງ
ໃນປີກາຍນີ້ ຫລັງຈາກການຍິງ ທ້າວ Micheal Brown ຕາຍຢູ່ໃນກຳມືຂອງ ເຈົ້າໜ້າທີ່
ຕຳຫລວດ Darren Wilson.
ການປະທ້ວງທີ່ຕິດຕາມ ການສັງຫານ ທ້າວ Brown ໃນເດືອນສິງຫາ ປີ 2014 ຢູ່ຕາມ
ຊານເມືອງ St Louis ໄດ້ກາຍເປັນຂ່າວໃຫຍ່ຂອງປະເທດ ແລະໄດ້ເຮັດໃຫ້ມີການຮ້ອງ
ໂຮ ໃຫ້ດູແລບັນດາຊົນກຸ່ມນ້ອຍໃຫ້ດີຂື້ນ ໂດຍເຈົ້າໜ້າທີ່ຕຳຫລວດ.
ໃນຄຳ່ຄືນວັນອາທິດ ທີ່ເມືອງ Ferguson ບັນດາເຈົ້າໜ້າທີ່ໄດ້ຍິງ ຜູ້ຊາຍອາຍຸ 18 ປີ ເຮັດ
ໃຫ້ບາດເຈັບຢ່າງຮ້າຍແຮງ ຊ່ຶງເປັນຜູ້ຕ້ອງສົງໃສ ວ່າໄດ້ເປີດສາກຍິງໃສ່ເຂົາເຈົ້າ ອັນນຳ
ພາໄປສູ່ການກ່າວຟ້ອງແລະໄດ້ປະກາດພາວະສຸກເສີນຢູ່ໃນເມືອງ St Louis ເພື່ອຢັບຢັ້ງ
ຄວາມ ຮຸນແຮງຕໍ່ໄປ.