ລິ້ງ ສຳຫລັບເຂົ້າຫາ

ວັນພຸດ, 10 ສິງຫາ 2022

ມີການປະທ້ວງ ສະແດງ ຄວາມໂກດແຄ້ນ ຕໍ່ ປ. ທຣຳ ຢູ່ໃນປະເທດ ທີ່ນັບຖື ອິສລາມ


ຜູ້ປະທ້ວງຄົນນຶ່ງ ຖືທຸງຊາດປາແລສໄຕນ໌ ໃນລະຫວ່າງ ການເດີນຂະບວນ ຕໍ່ຕ້ານການຕັດສິນໃຈ ຂອງ ປ. ທຣຳ ທີ່ຮັບຮູ້ເຈຣູຊາແລັມ ເປັນເມືອງຫຼວງ ຂອງອິສ ຣາແອລ. (8 ທັນວາ 2017)

ມີການປະທ້ວງຕໍ່ຕ້ານສະຫະລັດຂະໜາດໃຫຍ່ຢູ່ໃນບັນດາປະເທດທີ່ນັບຖືສາສະໜາ
ອິສລາມ ໃນວັນສຸກວານນີ້ ຫລັງຈາກສະຫະລັດ ຮັບຮູ້ວ່າ ນະຄອນ​ເຈຣູຊາແລັມ ເປັນ ເມືອງຫຼວງຂອງອິສຣາແອລ ຊຶ່ງການປະທ້ວງ ໃນເຂດກາຊາ ເຮັດໃຫ້ຜູ້ຊາຍປາແລສ
ໄຕນ໌ ຄົນນຶ່ງເສຍຊີວິດ.

ທ້າວມາກມຸດ ອາລ-ມາສຣີ ຊາວປາແລສໄຕນ໌ ອາຍຸ 30 ປີ ໄດ້ຖືກຍິງຕາຍ ໂດຍທະ ຫານອິສຣາແອລ ໃນລະຫວ່າງການປະທະກັນ ຢູ່ຕາມຊາຍແດນອິສຣາແອລ ຕິດກັບ
ເຂດກາຊາຫຼັງຈາກຊາວປາແລສໄຕນ໌ໄດ້ຮຽກຮ້ອງໃຫ້ຈັດ “ວັນແຫ່ງຄວາມໂກດແຄ້ນ” ເພື່ອປະທ້ວງການເຄື່ອນໄຫວດັ່ງກ່າວຂອງສະຫະລັດ. ກອງທັບອິສຣາແອລໃຫ້ການ
ຢືນຢັນວ່າ ຕົນໄດ້ຍິງ 2 ຄົນ ຢູ່ທີ່ເມືອງຄານຢູນິສ ທາງພາກໃຕ້ຂອງເຂດກາຊາ ໂດຍ
ກ່າວຫາບຸກຄົນທັງ 2 ວ່າ ເປັນຜູ້ປຸກລະດົມໃຫ້ມີການກໍ່ການຈະລາຈົນຮຸນແຮງ.

ເຮືອບິນອິສຣາແອລຍັງໄດ້ໂຈມຕີເປົ້າໝາຍທາງທະຫານໃນເຂດກາຊາເພື່ອຕອບໂຕ້
ຕໍ່ການຍິງຈະຫຼວດໂຈມຕີ ຈາກເຂດດັ່ງກ່າວ. ກະຊວງສາທາລະນະສຸກ ຂອງປາແລສ
ໄຕນ໌ກ່າວວ່່າ ມີຢ່າງໜ້ອຍ 15 ຄົນບາດເຈັບ ໃນການໂຈມຕີທາງອາກາດທີ່ວ່ານີ້.

ນອກນັ້ນແລ້ວ ໃນວັນສຸກວານນີ້ການເດີນຂະບວນປະທ້ວງຍັງໄດ້ມີຂຶ້ນທີ່ປະເທດອີຣັກ
ຈໍແດັນ ຊີເຣຍ ປາກິສຖານ ເລບານອນ ມາເລເຊຍ ແລະອິນໂດເນເຊຍຊຶ່ງເປັນປະເທດ
ທີ່ນັບຖືສາສະໜາອິສລາມທີ່ໃຫຍ່ທີ່ສຸດໃນໂລກ.

ສັນນິບາດອາຣັບ ທີ່ມີສະມາຊິກ ເກືອບ 24 ປະເທດ ຈະປະຊຸມກັນ ໃນວັນເສົາມື້ນີ້ ໃນ
ຄວາມພະຍາຍາມເພື່ອຈະເອົາທ່າທີຮ່ວມ​ ກ່ຽວກັບເລື່ອງນີ້.

​ປະທານາທິບໍດີ​ສະຫະລັດທ່ານດໍໂນລ ທຣຳ ໄດ້​ປະກາດ​ໃຫ້ນະຄອນ​ເຈຣູຊາ​ແລັມເປັນ
ເມືອງຫຼວງ​ຂອງ​ອິສຣາ​ແອ​ລໃນວັນພຸດແລ້ວນີ້ແລະສະຫະລັດມີແຜນການທີ່ຈະຍ້າຍສະ
ຖານທູດຂອງຕົນໄປທີ່ນັ້ນ.

ອິສຣາແອລຖືວ່າ ນະຄອນເຈຣູຊາແລັມທັງໝົດເປັນເມືອງຫຼວງຂອງຕົນ. ຝ່າຍປາແລສ
ໄຕນ໌ ຕ້ອງການຢາກໃຫ້ ພາກຕາເວັນອອກ ຂອງນະຄອນເຈຣູຊາແລັມ ເປັນເມືອງຫຼວງ
ໃນອະນາຄົດ ຂອງປະເທດປາແລສໄຕນ໌ ທີ່ເປັນເອກກະລາດ.

ອ່ານຂ່າວນີ້ຕື່ມເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG